官恩娜（Ella ）昨日透過無
發表聲明，為日前爆無
有「Trip 魔」的言論作出終極補鑊，不過無
高層樂易玲及被指是事件主角的周家怡，昨日回應時卻以謎解謎，為事件添上更多疑點，令真相變得愈來愈神秘。官恩娜在聲明中，未有指出「Trip 魔」真正身份，只強調自己講出事件，純粹想提醒女藝人加以防範，並對有男藝人被懷疑致歉，又指真兇並不在現時傳媒所猜測的疑人名單之中。
無
製作資源部總監樂易玲昨就Ella 聲明會見記者，直言記者問題尖銳的她說：「我星期六打畀Ella ，佢話件事係佢好耐之前聽番嚟，佢好肯定冇講過有人哭訴，Ella 話個女仔冇去卡拉OK ，係佢搞錯，係佢冇預算下唔知點答，模棱兩可答咗，佢冇講過係《酒店風雲》。佢話自己連時間、地點、人物都誤會咗，佢冇同我隱瞞，佢話好多嘢都唔清楚，擔心有同事會唔開心，佢想道歉，希望TVB 明白佢唔係有心誣衊任何人，所以發聲明。」
指傳媒愈描愈黑
樂易玲續說：「當然有男女藝人唔開心，太多傳聞，有女藝人父母覺得個女蝕底咗，公司唔希望熱話一人一句，唔負責任嘅說話令人困擾，我今朝成朝打電話畀藝人集體回憶，件事未稟報上面知，我都想知發生乜事。（咁有冇發生過？）總之報道所寫唔係Ella 所講，冇發生過。（你信Ella 定傳媒？）我唔在場，但Ella 好合作，（即係信佢？）我唔揣測，唔測度，問Ella 乜，佢都就佢所知咁答。（郭政鴻有冇份？）冇郭政鴻，有周家怡，絕對唔係不愉快事件，佢哋冇去卡拉OK ，只係打邊爐，（有冇其他男主角出現？）冇。」
樂易玲被問到會否覺得Ella 在造新聞，她說：「佢話唔係囉，佢連藝人名都唔知，唔係好識我哋啲藝人，我唔知佢出發點係咩，但事件應告一段落。一隻杯敲唔響，傳媒愈描愈黑，有啲藝人知篇幅大，咪講得刺激啲囉，男藝人就打電話同高層交代晒會拍特別場口，變咗驚弓之鳥，連李克勤都攞件事嚟講笑。藝人遇事，應該挺身而出，公司唔會畀不法之徒胡作妄為。我已經好清楚件事，唔使再跟進，要問你去搵官恩娜。（件事會否影響Ella 喺TVB 嘅工作？）佢暫時都冇工作，公司唔希望行到呢個地步。」
周家怡唔解釋評論
對於樂易玲指「冇郭政鴻，有周家怡」，周家怡昨日表示：「吓？我唔知咩原因會咁講，我唔想解釋、唔想評論，我唔係呢件事嘅女主角，唔想牽涉其中，呢種事亦冇發生過喺我身上。（樂小姐搵過你？）今日冇，之前有搵我求證，我同佢講冇一件咁嘅事發生過。」
文：影視組
樂易玲昨為「Trip 魔」事件解畫。
官恩娜昨發出聲明，向受影響的藝人致歉。 （資料圖片）
上周曾被召見的周家怡，否認自己是「Trip 魔事件」女主角。
