07/02/2009
「鹹豬手」事件還未緝到真兇，日前再有多位女藝人表示曾被博懵，不過樂易玲卻暗寸朱慧敏不應加把口；對於事件愈演愈烈，樂易玲表示會成立監察小組跟進，但就說不出成員名單及目標人物。
無
「鹹豬手」事件還未揪出真兇，樂易玲昨日出席無
新春團拜時表示，會於台前幕後成立監察小組，但問她有否目標人物時，她說：「冇，唔係講以前，係講未來嘅！呢種情況唔可以喺TVB 發生，我哋鼓勵藝人拍感情戲時溝通多啲。」記者致電苑瓊丹、楊思琦等對公司成立監察小組有甚麼意見時，二人都封嘴表示不作回應。
朱慧敏日前曾自爆拍劇時遭博懵，樂小姐暗寸對方謂：「我唔鼓勵啲藝人以訛傳訛加把口，冇發生自己身上都講，咁係唔負責任，遇到就同公司講，公司會幫佢，將對方繩之於法。」
男藝人委屈更大
樂小姐又指外界覺得女藝人於此事上十分委屈，但她覺得男藝人委屈更大，她說：「傳媒講啲唔講啲，唔好講得咁隱晦，（朱慧敏都話曾被博懵？）你問佢啦！頭先同你哋講嘅說話，我都同佢講咗，有畀人傷害要出聲，唔好姑息。」記者曾多次致電朱慧敏，但至截稿仍未回覆。
問她之前是否找苑瓊丹及蔡子健對質，她謂：「係約苑仔，冇約子健，只係知佢返公司先同佢傾。」樂小姐又坦言除了男藝人，她亦為此事很受困擾。問她蔡子健工作有否變動，她說：「點解會變？都冇人話過係佢。」而總經理陳志雲則重申：「最好公開
個人，無原告點會有被告？」
郭晉安有防護網
此外，之前被指是受害者之一的郭羨妮，前晚出席煞科宴時澄清事件並沒有在她身上發生，亦不知鹹豬手是誰，她說：「畀人博懵女仔一定會知，試過大陸拍騎馬戲，工作人員托我屁股上馬，我即喝止叫佢唔好掂我。」
說到當年李子奇被指博懵劉錦玲，她坦言當時亦在場，亦見劉錦玲即時大鬧對方。郭羨妮又謂樂小姐沒找過她，亦未曾聽過要藝人封嘴一事。而郭晉安笑謂：「好似H5N1 咁，唔知幾時傳到我，好彩我結咗婚，有防護網。」 文：影視組
郭羨妮試過拍騎馬戲被人托屁股，她即喝止：唔好掂我！
朱慧敏自爆曾遭博懵，即令高層不滿。 （資料圖片）
樂易玲指有女藝人亂
，完全不負責任。
安仔笑言有防護網，無懼被指鹹豬手。
