老婆買完嘢，馬德鐘四萬咁口做埋阿四，戮力做廿四孝老公。
馬德鐘向來緋聞多過乜，近年決心洗底扮好男人，早前佢同老婆著晒情侶皮褸，響IFC 高調出巡。
嗰日媽咪姐去IFC 置新裝，咁啱撞正馬德鐘，望一望佢隔籬，原來仲有馬太。兩位原本響agnes b.行緊出嚟，不過佢眼尾一瞄到媽咪姐，即刻笑晒打招呼，然後拖住老婆折返入女裝部再掃貨，馬德鐘陪老婆揀足成粒鐘都冇怨言，之後仲乖乖去俾錢。抹咗馬德鐘之前嘅緋聞，佢都算好男人嘅……呢一日！
明明已經行到門口打算離開，馬德鐘一發現記者即熱情打招呼。
打完招呼，兩公婆突然折返女裝部再逛過。
老婆揀衫揀足一粒鐘，馬德鐘十分好耐性在旁等候俾錢。
做好男人要持之以恆至得！（設計對白）
