後排左至右：菠蘿，香蕉，甘桔，檸檬
笑容極之為難嘅鄧健泓，被Sing 之天使人肉戰術搶晒鏡，同路人甲無乜分別。
憑《味分高下》成功翻身嘅鄧健泓，主持、拍戲、出唱片要乜有乜，可惜第二輯《耳分高下》冇機會更上層樓，事關傳媒焦點落喺拍檔哈林庚澄慶嘅「綠帽」事件，以及八位波濤「胸」湧嘅Sing 之天使身上。
上星期六（卅一日），鄧健泓帶住Sing 之天使去奧海城宣傳《耳分高下》，外傳哈林同咗老婆伊能靜加埋仔仔哈利去北海道團年，鄧健泓唔知頭唔知路都要幫口回應。
話題永遠同自己無關，當日傳媒鏡頭焦點，亦只係集中八位載歌載舞，拋胸露腰嘅Sing 之天使身上。睇嚟鄧健泓要突圍搶灘，要睇吓honey 陳總先得！
「甘桔」陳蕊蕊（右圖）以巨胸熱舞成為Sing 之天使風頭躉，僅次其後有「藍莓」劉俐，長腿誘惑加埋近日多輯泳衣攬仔相，即時出到位。
