38 歲黎姿去年10 月宣布退出娛圈，專心照顧車禍後康復中的細佬黎嬰及打理其皮膚中心外，更
埋心水嫁人上岸，盛傳她將於本月22 日於澳洲下嫁身家逾億的報業後人馬廷強。
據了解，愛妻深切的馬廷強除了豪擲過百萬，包私人飛機接載黎姿胞弟黎嬰到澳洲觀禮外，上月尾更睇準時機，以7 千多萬買入渣甸山名門、面積達3 千2 百多呎的頂層複式單位給老婆做嫁妝，老公咁豪，唔怪得黎姿即刻唔撈娛樂圈啦！
正密鑼緊鼓籌備婚禮的黎姿，上年11 月尾本刊影到佢密會李嘉欣婚紗設計師Bonita （張潔雯），不過Bonita （小圖）未有透露好友婚訊。
《忽然1 周》圖片
黎姿同富商馬廷強拍拖7 年，不過二人甚低調，好少同場出現。惟獨03 年被影到拍拖遊英國，關係愈來愈明朗化。
《壹週刊》圖片
出入四季
隨住《珠光寶氣》下週五大結局，二妹（黎姿飾）重投賀哲男（陳豪飾）懷抱大團圓結局，現實中的黎姿亦跟拍拖7 年的男友馬廷強大團圓。傳聞黎姿將於本月22 日，下嫁《東方日報》創辦人馬惜如52 歲的兒子馬廷強（Patrick ），做豪門少奶奶。
為咗保密行蹤，馬廷強現跟黎姿入住月租入場價3 萬6 千元的中環「四季匯」酒店式住宅（右圖），上月12 日晚黎姿被影到乘保母車外出。
酒店開P
據知黎姿於去年11 月已著手籌備婚禮細節，暫時放低胞弟的皮膚中心業務。而今次馬黎大婚，準新郎馬廷強將豪花過百萬包私人飛機兼請私人看護照顧黎嬰去觀禮外，他對二人婚事亦大為緊張，為免未婚妻被傳媒打擾，及方便見面，上月他便跟黎姿分別租住四叔李兆基旗下的四季酒店服務式住宅「四季匯」，知情者說：「為咗方便搞婚禮又唔想俾人影到，Patrick （馬廷強）特登租住呢度，不過佢哋係分開兩間房住。Patrick 為今次婚禮仲好雀躍好興奮，經常帶朋友上去房開party 慶祝，不過黎姿就冇參與。」
接踢契貨
暫住酒店除為了方便專心籌備婚禮，黎姿亦要為搬入新愛巢作準備。據知馬廷強上月尾睇中渣甸山豪宅「名門」一個面積達3 千2 百呎的頂層複式「踢契貨」單位（一手買家上月入稟高院踢契，指發展商職員誤導他購入該單位），隨即豪擲7 千1 百多萬買入這個擁有180 度無敵維港海景的豪宅給黎姿作嫁妝，「Patrick 知道Gigi 鍾意複式單位，有私人泳池同花園平台，主人房同客廳都望晒維港海景，夠晒浪漫。而且新屋同Gigi 屋企好近，要返外家探媽咪都容易啲啦。」知情人士透露。今次馬廷強以每呎2 萬2 千元接手該「踢契貨」，比上手內地買家去年年初開售時，以每呎3 萬5 千元買入時足足慳了近四成，投資有道，唔怪得黎姿趕收山啦！
無敵維景 發展商單位設計圖片
超豪睡房 發展商單位設計圖片
鑲金浴缸
三層複式單位平面圖黎姿買入的複式單位有5 個睡房，其中3 個是套房，黎姿婚後生隊足球隊都絕對夠住。
新愛巢 舊年年初先入伙的「名門」，現貴為全城呎價最貴豪宅之一。《蘋果日報》圖片
住近娘家 黎姿的新居「名門」跟舊居慧景閣只係一徑之隔，所以婚後她即使要返娘家也相當方便。
7,000 萬游金箔泳池
黎姿的新愛巢位於渣甸山「名門」頂樓一個有5 房，其中3 個為套房、廳連天台共三層複式單位，總面積達3,190 呎，屬全屋苑最豪華及最大的單位。客廳設有自動門直達私人平台，頂層設有24K 金箔泳池加水力按摩浴缸及天台花園，黎姿著住3 點式游水都唔驚被偷影啦！
《忽然1 周》圖片
億萬新郎
今年52 歲的新郎哥馬廷強是《東方日報》創辦人馬惜如兒子。他早年在東方報業集團負責對外事務，所以跟不少圈中人稔熟，因而認識黎姿。為人低調的馬廷強，是深圳市港澳區政協委員。98 年他離開《東方》自組公司「寶蘭實業有限公司」等，業務覆蓋房地產、金融及醫療等等，市值逾億元。馬廷強現時手持多個澳洲物業，黎姿嫁著這個億萬老公真係下半世唔使愁。
馬廷強家族生意包括報業及金融業，其右腳不良於行，需要用枴杖出入。
