李克勤在去年頒獎禮的成績似乎比以往遜色，主要是他新唱片的推出日期一拖再拖。對於獎項，克勤依然渴望得到，他坦言嗱幾多次都恨嗱，拿過最受歡迎男歌手以及金曲金獎的他，最希望得到亞太區最受歡迎男歌手，他指這是一個儲蓋掩行動，希望不久的將來克勤可以得到這個蓋掩。撰文：李珮洳
在剛過去的頒獎禮，克勤得到的獎項真的不多，他沒有失望，原因是新大碟仍未推出，明知大獎沒自己份，老土一點說，抱著志在參與的心態出席頒獎禮，心情份外輕鬆。再去慶功宴逗留一會，克勤便以趕回家餵奶為由離開，很多人都以為他再沒有野心去競爭，事實上他依然恨獎，克勤說：「嗱幾多次都仲恨嗱㗎，咁隻碟真係由上年年中延遲到2月先出到，心中有數大獎唔會有自己份，但我從來冇諗過唔出席。」
歌手爭獎被動
克勤表示新碟碌爆了友情卡，找來圈中好友作曲，不知怎麼償還。
近年總有不同的唱片公司杯葛不同機構舉行的頒獎禮，整件事似乎已經變了質，參加了不少年頒獎禮的克勤覺得所有歌手對這件事看輕鬆了，他不想批評其他唱片公司的做法，他說：「家家有本難念的經，人哋家事我唔畀意見啦，鍾意去咪去咋，去咗唔開心就唔好去啦，最緊要係做自己鍾意做嘅事，大家唔好睇到件事咁嚴重啦。」今年頒獎禮大家都將男歌手的焦點放在陳奕迅以及古巨基身上，硬是覺得克勤有點退下了火線的感覺。克勤坦言與基仔不是太熟，他希望大家不要將是非扯到他們身上，他說：「是非係頒獎禮嘅副產品，其實要爭獎唔係歌手嘅問題，一係叫Paco （金牌大風揸弗人黃柏高）同Ducan （環球高層黃劍濤）打過啦。歌手只係唱好自己嘅歌，好多嘢都係由公司去做，我哋都好被動，歌手同歌手之間都冇嘢嘅。」有一件事是克勤最不想見到的，就是每年的頒獎禮前夕的是是非非，他慨嘆地說：「大家知唔知而家廣東歌曲喺亞洲區已經唔再係處於領導地位啦，自己人仲要踩自己人咩，我唔想其他地方嘅人一click 入網睇到香港樂壇嘅新聞只係得是非。我都同陳奕迅傾過，要保護香港嘅樂壇，為香港增光。」
《做好爸爸》克勤樂做湊仔公，就算出席頒獎禮慶功宴也以回家餵奶為由早走。
《獎唔嫌多》03年度拿過最受歡迎男歌手，克勤說贏幾多次都恨嗱。
為兒匿埋撩鼻
自從克勤做了爸爸之後，他於工作上的腳步比以前慢了下來，令人以為他的鬥心大不如前，他否認這種說法，強調現時的工作心態與以往一樣，只不過盡量不接出埠的工作，因為他不想離開囝囝太久，他說：「個囝囝都未大定，呢幾年係變化最多嘅時候，我想多啲時間陪住佢。如果要講心態唔同，係做唱片嘅心態最唔同，而家做碟一定要做好準備。」講到為人丈夫以及爸爸的感覺，克勤表示有責任感是最重要的，另外就是在家中要做一個好榜樣，他笑著說：「而家喺屋企睇波唔可以講粗口、連坐喺度都要坐好啲，又唔可以撩鼻屎，要走入廁所先可以撩，因為細路仔學習能力好快，同埋喺屋企聽兒歌比較多。」講起兒子時克勤的笑容不如之前般拘謹，後來提及兒子於電視上看見他的樣子，會指著螢幕講BB 話，此刻克勤面上掛著慈父的笑容，相信這就是令他急急腳離開頒獎禮慶功宴的最主要原因，從他的面上體會到「有子萬事足」。縱使獎項可以為一個歌手帶來名和利，深信此時此刻令克勤最有滿足感的一定是兒子Ryan 。
《捍衞樂壇》私底下，李克勤與陳奕迅傾過，要好好保護香港音樂圈。
克勤在家要做好榜樣，坐都要挺直，惟接受訪問可以從容一點。
試唱爛的感覺
對於新大碟《Today Special 》，克勤今次不用推出大賣的發燒碟，他找來不同的歌手及音樂人為他寫歌，當中包括有陳奕迅、張敬軒、林海峰（Jan ）、側田及范曉萱等。當中由阿Jan 及Jerald 操刀的《忍君子》更要求克勤唱出「躝癱」的味道，克勤透露錄音時阿Jan 及Jerald 分別唱了兩個真的很「躝癱」兼且不能於家中播放的版本，他說：「佢兩個話我平時太正經，要求我唱得爛啲、『躝癱』啲，我真係唔明，於是佢哋就走入去唱一次畀我聽我先明。」克勤又指今次大碟碌爆了友情卡，不知如何能夠償還，最希望是大家喜歡其他歌手及音樂人寫給他的歌。攝影：葉君海髮型：Adolph化妝：Angel
當大家以為李克勤已退下火線，其實他尚未言休，對嗱獎充滿慾望。
專訪李克勤
http://appledaily.atnext. ... art_id=12152028
