任賢齊與王菀之既屬同公司又是創作歌手，故接觸越來越多，忽然老友起來，牛年大家都有共同目標，希望在音樂路上有所變化，又要努力賺錢，正所謂力不到不為財，二人試當人力車伕，一嘗賣力的滋味，寓意要努力向前。
任賢齊與王菀之（Ivana ）原來老友鬼鬼，二人日前齊齊拍賀年照，拉人力車寓意努力向前。小齊要拉郁Ivana 當然輕而易舉，Ivana 坐在人力車上仍然顯得有點擔心，不停笑問：「得唔得㗎？我好重㗎。」到Ivana 拉小齊時，起初Ivana 未知自己是否夠力，不過就鬼馬地擺出各種大力士甫士，之後都勉強拉郁小齊。去年Ivana 在樂壇上成績不俗，今年她會更加努力，除往外國進修外，她很想與管弦樂團合作，她說：「覺得管弦樂團嘅音樂好優美，如果可以合作就好啦。」
王菀之邀請各方好友到她的家拜年，小齊則會與家人返台度歲。
小齊4月推出新碟，更會大唱廣東歌。
合作新碟互送高帽
小齊將於4月出碟，並首次收錄了兩首廣東歌，他說：「今次係好認真咁唱廣東歌，每個字都咬到好正，廣東話真係好難學。」Ivana 會與小齊合唱一首國語歌收錄在小齊新碟內，小齊表示一向都很欣賞Ivana ，大讚她的聲音很美，與她合唱感覺很好，Ivana 也不忘向小齊大送高帽說：「我未識佢之前，啲人已經話佢好好人，好有風度，識咗之後佢真係咁好人喎。」農曆年二人都可以放假與家人團聚，小齊舉家回台灣，Ivana 就在港等人來家中拜年，問她會否邀請緋聞男友張敬軒到其家拜年？她說：「我都想呀，不過唔知佢會唔會返廣州，佢嚟都好呀，我想問佢逗利是，佢今年賺咁多。」採訪：胡比攝影：陳俊強化妝：Jenny Tziong （王菀之）、Angel Yip （任賢齊）髮型：Zing by Hair Culture （任賢齊）
任賢齊做車伕拉王菀之，寓意努力向前。
http://appledaily.atnext. ... art_id=12141702
