任賢齊小齊全家中環嘆牛腩麵

1^# 大中小 young 發表於 2016-8-5 18:22 發短消息

任賢齊出名是「愛妻號」，一對仔女更加是他心肝寶貝，大前日小齊趁開工前有時間，便與老婆Tina、11歲囡囡Rati及8歲囝囝Cody到中環開餐，囝囝見到記者影相，更表現得十分興奮。

當日約下午5時許，小齊出動兩部車，一家四口到歌賦街食牛腩麵，因為落雨地下濕滑關係，小齊和老婆分別拖著一對仔女免他們跣倒受傷，離開時囝囝Cody見到記者影相，即時「嘩」一聲表現興奮，反而囡囡Rati就有點害羞。小齊安頓太太及一對仔女上車後，自己才駕另一部車離開。

採訪、攝影：徐錦池、潘冠恩
from:http://hk.apple.nextmedia ... 160708/19685633

廷伸閱讀/相關主題推介:

相關主題:任賢齊中環

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2016-8-24 01:01 發短消息

小齊手指藏玻璃發炎

資料圖片

任賢齊最近因手指痛去睇醫生，發現有玻璃碎喺手指入面（小圖），搞到發炎化膿。前日佢喺微博放咗手指做完小手術嘅相，留言：「恢復後彈琴應該沒問題！只是這陣子手指有點麻煩，食指不能用，又不能用中指，這……」點解隻手指搞成咁，原來小齊舊年有次打爛玻璃杯，執玻璃碎時唔小心拮親，雖然有即刻處理傷口，但原來冇清乾淨，所以搞到咁長手尾。

撰文：馮仁昭
from:http://hk.apple.nextmedia ... 160822/19745208

TOP

3^# 大中小 young 發表於 2016-10-23 17:46 發短消息

小齊義氣撐Sammi

鄭秀文（Sammi）因咳嗽和喉嚨痛嚴重，被醫生勒令不能再硬唱，故前晚於上海簡單生活節演出，Sammi請了任賢齊上台幫唱，之後在微博答謝：「今夜心情有點感觸。小齊這份義氣，不會忘記。」

小齊則回覆：「我的榮幸！希望沒有辜負Sammi所託！Sammi撐着還沒休養好的身體，堅持飛來上海和大家見面，還和我合唱《浪花一朵朵》，誠意令人感動。」

撰文：皓騫
from:http://hk.apple.nextmedia ... 161006/19791950

TOP

4^# 大中小 young 發表於 2016-12-10 18:22 發短消息

小齊備戰拉力賽狂操

任賢齊早排搵自己執導嘅電影《落跑吧愛情》班底拍新歌《朋友的酒》MV，仲借出珍藏嘅古董電單車拍攝。

台灣藝人金士傑、邵雨薇分別演男女主角，小齊話：「冇同金士傑合作過，就唔算係好演員，演咗咁多年戲，終於圓夢。」另外，小齊下年會參加達卡拉力賽（Dakar Rally），呢個賽事少啲體力同耐力都唔得，所以小齊已經狂操體能。

撰文：馮仁昭
from:http://hk.apple.nextmedia ... 161123/19842373

TOP

5^# 大中小 young 發表於 2017-2-3 18:00 發短消息

小齊派利是惹混亂

小齊反傳統落台派利是，被觀眾逼得寸步難行。

男人幫於美國時間年初二假拉斯維加斯開騷，任賢齊、黃家強、梁漢文和蘇永康反傳統落台大派利是，觀眾瘋狂搶奪，小齊被迫到寸步難行，甚至一整排座椅都被掃下，不少觀眾被撞跌地上，幸好沒人受傷。事後小齊說：「我都嚇親，根本連手都伸唔到去派，手上嘅利是已經被搶光。」

今次小齊和家強的老婆仔女都有同行，蘇永康老婆因懷胎近8個月留港安胎，完騷後即頻撲返港見老婆，之後再飛到華盛頓繼續巡唱，而梁漢文在拉斯維加期間發了新年財，在賭場贏了五百多元美金。適逢老闆林建岳帶家人在當地過年，於年初一宴請大家食飯。

撰文：皓騫
from:http://hk.apple.nextmedia ... 170201/19913909

TOP

6^# 大中小 young 發表於 2017-6-25 21:22 發短消息

小齊生日捐錢助電影業

小齊（中）前晚獲杜琪峯（左）和古天樂預祝生日。

任賢齊（小齊）昨日51歲生日，老闆林建岳、杜琪峯及古天樂前晚特地為他舉行生日飯局預祝，齊唱生日歌、切蛋糕兼食壽包，小齊更收到經理人成吋厚的大利是，透露會全數捐給「鮮浪潮」，以行動支持香港電影創作人才。

身為「鮮浪潮」發起人兼主席的杜Sir，送了一支限量版「杜琪峯酒」給小齊做生日禮物，小齊說：「我好少飲酒，呢支酒咁有紀念價值，我會好好珍藏，好快就成為全球唯一一支！」小齊全晚聲沙沙，原來早前在加拿大舉行演唱會時太high導致失聲，又指自己剛回港未適應時差有點頭暈，笑言要祝自己身體健康。

撰文：小米
from:http://hk.apple.nextmedia ... 170624/20066588

TOP