王菀之（Ivana）昨日與拍拖兩年的「Figure王」蘇卓航（Eric So）行禮，在陽明山莊舉行簽紙及斟茶儀式，正式榮升蘇太。王父因不捨得Ivana，拖著愛女不放手，新郎見狀惟有「搶新娘」。而一班好友張敬軒、容祖兒、黃偉文、楊千嬅、吳君如及王祖藍等出席見證。原本Ivana希望婚禮簡單，卻因在附近發現4枚戰時手榴彈而變得「熱鬧」。
現年36歲的王菀之（Ivana），本月宣佈婚訊時已講明結婚將一切從簡，註冊後只會男女家吃飯慶祝。不過，昨日低調的婚禮，卻因現場對開的衞奕信徑發現有4枚戰時手榴彈，整個山頭隨即變得熱鬧，大批警員、消防及爆炸品處理課人員為Ivana贈興。
【新娘進場】
王菀之由父親拖著入場，並走到賓客面前。
【父女相擁】
王父不捨得放手，王菀之攬住爸爸喊。
【賓客開餐】
儀式完成後，一眾賓客隨即用餐。
攬爸爸狂喊
昨日簽紙儀式在中午12時半舉行，儀式如Ivana所說非常簡單，新郎新娘甚至連傳統婚紗禮服亦沒有穿，Ivana穿上一襲鬆身cutting加低腰設計的蕾絲短袖裙襯珍珠鏈，行禮時披頭紗，與賓客合照戴上可愛小皇冠，新郎則煲呔配西裝褸牛仔褲，完全非主流style。
Ivana先現身與到場老友合照後才整妝，半小時後儀式開始，新娘在其歌曲《好時辰》伴奏下，披上頭紗由王父拖著，於會場上層樓梯慢慢步下來。王父拖著愛女走到女婿面前，卻不願放手，賓客隨即大聲問王父是否不捨得？王父亦不轉彎抹角：「我係唔捨得呀！」Eric見狀惟有上前「搶新娘」，將老婆由外父手上拖過來，之後Ivana與老公一齊擁著爸爸喊，場面溫馨又感人。一對新人在宣讀誓言及交換戒指後再合巹交杯，Eric還情深捧著老婆臉蛋連咀兩次。
【結成夫婦】
王菀之望著老公已露出冧爆表情。
王菀之與Eric昨於陽明山莊簽紙結婚，新娘手上戴上三隻戒指（小圖）。
王母（右）是女高音，昨為愛女Ivana高歌又送贈詩詞。
戴三隻戒指
下午3時半左右，Ivana在會所外接受訪問，老公Eric So則貫徹低調性格沒有現身。問Ivana在婚禮有沒有喊？她說：「有呀，爸爸唔捨得將我交畀Eric，好感動，爸爸唔記得交咗我畀Eric之後，我都係佢乖女嘛！」見她手上戴了三隻戒指，Ivana說一隻是求婚戒指，一隻是儀式用的戒指：「今日交換呢隻係想方便平時戴，用繩綁咗個蝴蝶咁，係Eric設計嘅，有結良緣嘅意思。」
之前Ivana計划去巴黎、意大利、倫敦等地蜜月旅行，但早前巴黎發生恐襲後已改行程，她說：「忙完婚禮𠵱家先有時間諗去邊，不過都想做埋工作先。」問她會否趁蜜月努力造人？Ivana似乎並不抗拒，但聞言就嘩一聲說：「呢個問題咁私人嘅，唔知呢！」
採訪、攝影：朱志聰、徐錦池、黃曉妍
from:
http://hk.apple.nextmedia ... 151129/19392199
