由工作、婚禮到度蜜月，王菀之都會問過軒仔。
明日出嫁的王菀之（Ivana），前晚與好友張敬軒在金鐘太古廣場出席電影《小王子》展覽開幕。現年36歲的Ivana與男友「Figure王」蘇卓航（Eric）拍拖兩年，本月11日在微博宣佈婚訊，一對新人於明日註冊，並強調一切從簡，婚後即出埠度蜜月。
準新娘Ivana前晚左手戴上求婚戒指現身，距離婚期還有一天，她說：「有個朋友同我講，我得番兩、三日時間做『小姐』，希望我結婚後，大家叫番我做王小姐，因為我好唔慣。」身邊軒仔搭嘴：「咁叫蘇太、蘇師奶。」問到Ivana待嫁心情？她說：「我𠵱家成個腦都係期表，原來呢啲時間好靠朋友，所有嘢張敬軒都有幫我安排，由結婚、工作同去邊度蜜月，佢都係我顧問。」
王菀之明日結婚，她笑言希望大家一直稱呼她做王小姐。
王菀之與男友Eric拍拖兩年，終於修成正果。資料圖片
度蜜月去幾星期
婚後到哪裏度蜜月？Ivana說：「我未有時間plan。」可會選擇歐遊？她答：「要plan好啲囉，兩個人商量。佢（Eric）拍板，我呈上意見，應該去幾星期。」Ivana笑言不介意軒仔同行做蜜月電燈膽，更大方表示可以包食宿。至於明日出嫁有邀請軒仔嗎？她說：「我同張敬軒講咗，唔好怪我唔請佢，因為我唔知當日夠唔夠人幫手。」
軒仔昨日凌晨在Instagram轉貼文章，當中內容把軒仔和Ivana的「親密關係」形容得淋漓盡致，形容他們比情侶更甜蜜，但就有默契把那份愛轉換成友誼，把想要付出的心變成祝福，所以他們會知道彼此不是拍拖對象，即使對方成家立室，伴侶都老去，但將來還是可在一起繼續傾音樂等話題。對於這份不可取替的友情，軒仔表示看後二人都哭了，留言：「為我們在這驟冷的天氣覺得格外溫暖。」
採訪、攝影：盧妹
from:
http://hk.apple.nextmedia ... 151127/19389404
