張敬軒軒仔突襲街頭Jam歌

1^# 大中小 young 發表於 2017-5-28 19:40 發短消息

相關主題: 張敬軒

張敬軒（中）昨晚在尖東海旁快閃加入busking team演唱，吸引不少遊人圍觀，軒仔輕鬆地獻唱《音樂大童》和《青春常駐》。

平日有留意街頭演出的軒仔，自言是人生第一次busking，希望現場觀眾給予掌聲支持，他並主動要求和組合互動合唱《櫻花樹下》，軒仔說：「咁樣jam歌好有趣，希望大家感受到音樂大同嘅威力。」
from:http://hk.apple.nextmedia ... 170528/20035956

廷伸閱讀/相關主題推介:

相關主題:張敬軒

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2017-6-7 18:34 發短消息

張敬軒麵包宴客

張敬軒（右）噚晚現身中環ifc，見佢入咗一間餐廳買餅，買完好快就行番出嚟，問到軒仔難得一日輕鬆吓，點解唔坐低飲茶買完就急急腳走？軒仔一面輕鬆咁話：「我只係過嚟買個麵包，跟住返屋企繼續做我嘅看護。」

不過軒仔買咗好多件，似乎唔係一個人食，佢話：「冇你哋期待見到嘅事。」講完佢好快手咁塞咗幾袋麵包畀馮仁昭，就即刻上車離開。

撰文：馮仁昭
from:http://hk.apple.nextmedia ... 170607/20046683

TOP

3^# 大中小 young 發表於 2017-6-28 01:49 發短消息

軒仔戥開心祖兒識盧凱彤太太

容祖兒噚日露出小蠻腰又跳又唱，仲話識得盧凱彤老婆。

容祖兒噚日同張敬軒、許廷鏗、吳業坤喺紅館出席港台活動，祖兒講番大前晚擔任台灣金曲獎頒獎嘉賓，因為讀唔出得獎者個名，笑住叫對方自己上台，結果被圍插唔尊重人。事後祖兒急急拍片道歉補鑊，但依然被批評唔夠誠意，結果又要急刪道歉片呢件事，祖兒話：「第一次去呢個大型頒獎禮，將心比己覺得應多啲準備，事前怕讀錯名，有問過（大會）可唔可以睇結果先，但唔得。揭曉結果嗰時已心知不妙點讀呢，呢啲都係命運安排。」仲話過咗去就算，唔會因為捱轟而耿耿於懷，希望下次再做好啲。

當晚頒獎禮另一個焦點，就係盧凱彤得獎時驚爆出櫃兼已婚，祖兒自爆認識盧凱彤另一半余靜萍：「工作上合作過，小余幫我影過唱片封套同MV，阿妹（盧凱彤）有嚟探班，見證佢哋發展，經歷過好多，戥佢哋開心。」

盧凱彤（圖）自爆同另一半余靜萍已婚，得到唔少圈中好友祝福。資料圖片

余靜萍。資料圖片
坤哥心口瘀晒

軒仔就話以前同盧凱彤係鄰居，成日見面一齊食飯，好開心盧凱彤人生去到另一階段。另外，坤哥同麥明詩合作拍劇，一齊坐車玩直播，坤哥澄清佢哋唔係拍拖，佢笑住話：「已經害咗好多人，我哋了解咗都唔會發展，我頭髮唔夠亂。」之後坤哥仲打開自己個心口，話拍劇時被麥明詩打到一大撻瘀青，坤哥話：「嗰幕被佢發洩打咗幾拳，因為拍咗幾個角度，你哋幫我追討索償！」

撰文：馮仁昭

張敬軒開心盧凱彤人生去到另一階段。

坤哥展示俾麥明詩打瘀咗嘅心口。
from:http://hk.apple.nextmedia ... 170627/20069456

TOP

4^# 大中小 young 發表於 2017-8-5 22:01 發短消息

落選港姐ViuTV劇同性激吻張敬仁咀女一鏡過

張敬仁冇後悔放棄銀行工作返港發展。

張敬仁（Kendy）2013年以大熱姿態參選港姐，最後大熱倒灶三甲不入，隨即閃離無綫以自由身發展，Kendy本來喺美國生活做金融投資，鋼琴八級兼有唱歌底子，背景唔輸蝕，近日簽咗經理人公司，即刻來個大膽新嘗試，同吳海昕（Sofiee）喺ViuTV新劇《賤民20》有激吻親熱場面。

Kendy日前喺黃竹坑受訪時話：「最初都擔心做唔嚟，性感場面仲要kiss。導演唔嗌cut都要keep住錫，每次起碼半分鐘以上，直到拍到一個好鏡頭先回氣，都幾激。」Kendy以前讀女校，見唔少同性戀人，身邊亦有朋友係一對，而佢覺得同Sofiee咀一啲都唔尷尬：「我螢幕初吻畀咗Sofiee，之前都好緊張，𠵱家跨進一步，原來唔係咁難啫。」其實Kendy已有圈外男友，佢話男友好明白同支持，認為要爭取機會就要咁做。

張敬仁同吳海昕喺《賤民20》有激咀戲。

張敬仁獲圈外男友支持拍Kiss戲。

（左起）張敬仁同屆港姐有劉佩玥、蔡思貝同陳凱琳。資料圖片
想試好多嘢

回想當年喺美國工作，Kendy瞞住家人辭職返港參加選美，如果冇踏出呢一步，𠵱家可能仲喺美國過住平淡嘅銀行工作生活，佢話：「同屆港姐陳凱琳、蔡思貝、劉佩玥、歐陽巧瑩都好好，電視有曝光率係重要，我自己諗法係想試電影、唱歌、舞台劇同其他，所以冇留低發展。」Kendy拒絕接受一條龍捱世界模式，好享受過去嘅一切經歷，唔會後悔自己嘅選擇。

撰文：馮仁昭
場地提供：Campfire（黃竹坑）
from:http://hk.apple.nextmedia ... 170801/20107567

TOP

5^# 大中小 young 發表於 2017-8-30 00:36 發短消息

難過長輩風災中逝世張敬軒愛犬病重停工

張敬軒為照顧病重愛犬而暫停出埠工作。

張敬軒和前財爺曾俊華前晚在九展擔任最後一場《暗中作樂2017》特別嘉賓，已是第三年演出的軒仔，獻唱了好朋友王菀之的《好時辰》，他直言被歌詞感動到差點流淚：「近嚟發生好多唔好嘅新聞，好似澳門嘅天災。我本來都想送啲物資過去，但原來碼頭已經唔再收物資，我都有唔少朋友、親戚、歌迷喺嗰邊，所以都好擔心當地人嘅安全。」軒仔更透露其母有兩位朋友在「天鴿」風災中不幸喪生：「兩位aunties原本諗住去當地探年老嘅父母，喺去緊嘅途中遇到海水倒灌失蹤，過咗一段時間先搵番，亦不幸過咗身，聽到覺得好難過好唔舒服。」

第三期癱瘓

除了為風災遇難者感到惋惜外，軒仔最近亦為患了重病的愛犬而憂心忡忡，他說：「佢屬於第三期癱瘓，即係你篤佢、搣佢會有反應會縮，但就唔能夠靠自己企起身。我同三個工人照顧緊佢，我聽到有啲網上留言，問我點解唔畀隻狗安樂死，除非佢已經失去維生能力，否則盡一切嘅能力一切嘅方法，我都會照顧佢，始終一齊生活咗十幾年，係我屋企嘅一分子。」

張敬軒、曾俊華（右一）及失明人士莊陳有（右二）前晚出席《暗中作樂》聲演會。

張敬軒早年曾被拍到出街蹓狗。資料圖片
軒仔為了照顧愛犬，已經暫停大部份的工作計劃，他感謝公司的體諒：「早幾日出活動時，工人打畀我話佢流鼻血，我又發晒茅好心急想返屋企，所以暫時要出trip啲工作都盡量唔接。」

唔再養寵物

軒仔指計上病重的狗狗和老家廣州所養的，總共有五隻寵物：「等佢哋全部百年歸老，唔會再養任何寵物，我驚自己接受唔到。」

採訪：曹家誠
攝影：陳慧安
from:http://hk.apple.nextmedia ... 170829/20135475

TOP