李克勤於新年與譚詠麟（阿倫）舉行演唱會，為了以最佳狀態示人，所以賀年食品都要戒絕。克勤表示今次是多年來最辛苦的一次節食過程，他說：「過年咁多好嘢食，我最鍾意就係食蘿蔔糕，而家得個睇字，以往同阿倫搏命食，阿倫食到放晒屁都要食㗎，佢啲屁周圍益人，出台前都重食緊㗎。」
乖仔利是儲起投資
克勤又透露以往新年在紅館開演唱會會有賭局設於後台，所以新年氣氛不減，他說：「我哋以前開騷後台都有攤位開畀啲來賓入嚟賭兩手，邊個得閒就入嚟做吓莊咋，加埋觀眾啲利是真係過肥年㗎。」雖然克勤於新年開演唱會會收到很多利是，不過他派出的利是都不少，他表示每年至少派200封，他笑言：「一到新年都好似俾人割咗忽肉一樣，不過唔緊要啦，新年最緊要開開心心，咁我個仔都唔少收入，我會幫佢儲起晒啲錢投資。」採訪：李珮洳攝影：葉君海髮型：Adolph化妝：Angel
克勤新年將會與阿倫舉行《左麟右李》演唱會，更要禁食keep fit 。
from
http://appledaily.atnext. ... art_id=12139318
