舊年曾經瘦到得棚骨嘅阿Rain ，周一（1 月19 日）出席許志安新碟發布會時，明顯發福不少。套衫就同facebook 啲相同一件。
做藝人最緊要講包裝，出街見人一定要執到靚，失儀醜樣邊會咁易俾你睇到。不過自從有咗facebook 之後，就要睇身邊朋友生唔生性喇！
甩粉
阿Rain 被友人擺上facebook 啲相，又甩粉又肥，都唔知係咪有心靠害。
脹爆
扮可愛
近年轉返大陸搵銀嘅李彩華，甚少響香港露面。不過佢每次返親嚟都會約大班friend 出去玩。難得蒲一次，阿Rain 通常都不醉無歸，飲到醉醉哋嘅佢，玩到癲都不特止，就連塊面啲粉一路係咁甩，佢都任影唔嬲。最後仲俾人放埋上網，真係要多得佢朋友囉！
