杜汶澤臭口係人都知，不過佢老婆田蕊妮原來亦不遑多讓，正一兩公婆一擔
。
周柏豪嘅經理人（中）遞咗張卡片俾田蕊妮，但田望咗一望全無反應。
周嘅經理人冇癮走開。
話說早前TVB 新劇《廉政行動2009 》拍造型，樂壇新人周柏豪有份演出，由經理人陪住入TVB ，響化妝間門口撞到田蕊妮，諗住賣吓口乖，叫田蕊妮一聲「姐姐」。點知田蕊妮反應誇張：「吓，你叫我姐姐，叫到我老晒，你經理人冇教你咩，梗係叫我靚女啦！」周柏豪頓時啞口無言，不知所措，而田蕊妮就哈哈大笑。
或者田蕊妮只係想搞吓氣氛，但就將自己快樂建築響人哋尷尬上囉。
