黎姿傳下月結婚，前晚她曾代言的時裝品牌開騷，鍾嘉欣獻出首個天橋騷，更大送秋波，硬銷玉女形象自薦任代言人。同場，移居內地在即的羅霖，獲兒子、家人及好友打氣其last show ，難怪她頻呼不捨。
黎姿、蔡少芬曾擔任代言人的時裝品牌Moiselle ，前晚在灣仔會展舉行2009春夏時裝騷In Full Bloom 。新裝以法國凡爾賽花園作靈感，一片春日浪漫情懷，周汶錡（Kathy ）、小小超前緋聞女友陳碧舸（Bonnie ）和Ana R.等行騷，羅霖（Candy ）及鍾嘉欣示範三套新裝，鍾嘉欣更壓軸出場，無線高層樂易玲也現身撐愛將。
鍾嘉欣向品牌大送秋波，力求接黎姿棒任代言人。
黎姿去年1月為代言的Moiselle 行騷，明艷照人。資料圖片
樂易玲撐場減壓
樂易玲（左）捧愛將鍾嘉欣場，與看騷的蔣麗萍作伴。
鍾嘉欣完騷後仍然甚high ，她說：「係我第一次天橋行catwalk ，好緊張，換衫好趕，我同幾個藝人都有獨立更衣室換衫，Kathy 幫我整好啲頭髮，Candy 又教我有寒背，可以傾斜啲個身就番。我今日午餐已經係最後一餐，想以最佳狀態行。」對於樂易玲撐場，她說：「係呀，好開心見到佢嚟支持，我喺台上有同佢眼神接觸，冇咁緊張。」Moiselle 多年代言人黎姿傳下月出嫁，大好機會頂替接棒，鍾嘉欣初時說：「唔好咁講，要經理人去傾，睇將來啦。」不過，鍾嘉欣也不忘大送秋波sell 自己說：「不過啲衫真係好靚，做代言可以學著靚衫，我都覺得自己適合，因為啲衫好女性化，好岩自己image ，我都係走玉女同乖女路線。」Moiselle 老闆陳欽杰則指黎姿合約已滿，也會考慮鍾嘉欣任代言人。
Moiselle 老闆陳欽杰夫婦拖著羅霖、鍾嘉欣謝幕。
羅霖兒子及家人在台下捧場。
羅霖舉家遷上海
此外，久未行騷的羅霖，其兩個兒子及家人都有在台下打氣。她自爆是行最後一場騷，她說：「農曆年後，我哋全家移民上海，因為老公啲生意北移，我都好唔捨得香港，咁多朋友、媽咪又喺呢面，或者遲啲有適合工作我會返嚟接。」羅霖自評表現有90分，她說：「我專程去推脂、全身磨砂，近呢兩個月因為執嘢移民，成日執到凌晨4點先
，瘦7、8磅，胸骨就嚟可以彈結他。」採訪：Jessica Ngan攝影：Chan Shun Ching
鍾嘉欣前晚為Moiselle 壓軸出場，收起笑容演繹立體花花長裙。
from
http://appledaily.atnext. ... art_id=12093926
