章子怡和未婚夫Vivi Nevo 的沙灘聞股慾照曝光後掀全球話題，前日李克勤舉行新碟祝捷會，譚詠麟（阿倫）以神秘嘉賓身份現身打氣，近日為即將舉行演唱會而努力減肥的阿倫透露被克勤監視禁食，一向口不擇言的阿倫擺章子怡慾照上枱搞笑說：「我而家只可以聞，好似章子怡個朋友（Vivi ）咁。」引得全場大笑。
李克勤新碟將於今日推出，但定單數目已直逼白金數字（約3萬張），故唱片公司前晚為他在尖沙嘴富豪酒店舉行祝捷會，克勤請來在新碟中合作的陳奕迅（Eason ）、側田及張敬軒到場，Eason 因去錯另一間富豪酒店而遲到，而譚詠麟則以神秘嘉賓身份現身打氣。談到克勤和阿倫即將舉行的演唱會，克勤表示：「阿倫好努力咁keep fit ，我從來都未見過佢食咁少嘢。」在旁的阿倫即擺章子怡與未婚夫Vivi Nevo 的沙灘聞股慾照上枱笑說：「係呀，我而家只可以聞，好似章子怡個朋友咁。」台下嘉賓聞言即捧腹大笑，克勤即笑稱：「唔好講，講正經嘢啦。」
勁減15磅贅肉
現場所見阿倫的確消瘦不少，他說：「我減咗15磅，肌肉都幾實。」問到在演唱會上會怎樣騷身材？阿倫透露克勤提議兩人一同穿緊身體操衣，這樣便可以看到瘦身成果，不過阿倫笑言男人袒胸露臂沒有睇頭，不過他仍想減多幾磅。問到擺章子怡事件上枱搞氣氛，阿倫笑說：「我只係話聞嘢，冇講其他，而家克勤做管家，唔畀我食，只可以聞，連我平時最鍾意嘅薑茸都唔畀食。」
阿倫（左）提到被克勤監視禁食，即擺章子怡與未婚夫Vivi 的聞股慾照上枱，笑稱自己也只可以聞。
阿倫提到被克勤監視禁食，即擺章子怡與未婚夫Vivi （圖）的聞股慾照上枱，笑稱自己也只可以聞。資料圖片
賣3萬碟好尷尬
今次克勤親自邀請其他人為他寫歌，包括方大同、林海峰及側田，他笑說：「佢哋成班後生仔，我擔心佢哋嫌我老，我咁嘅年紀又怕被人拒絕。」克勤又透露林海峰幫他寫的新歌囝囝Ryan 很喜歡聽，因為十足講故事一樣。談到新碟定單直逼白金數字，克勤表示：「講真有啲尷尬，以前八、九十年代好輝煌，最高賣成20萬，但而家賣3萬就嗱出嚟講，以前收支票夠做首期，同而家真係冇得比。」採訪：胡比攝影：陳俊強
今次克勤出碟，獲大批歌手支持，眾人為他作曲又填詞，更出席其新碟慶功造勢。
from
http://appledaily.atnext. ... art_id=12089678
