70多歲嘅大衛卡烈甸，響劇入面飾演劫富濟貧嘅隱世武俠高手Bird 。身手依然了得。
大家仲記唔記得邊個草蜢仔？
，講明唔係蔡一智呀；好啦，邊個金貴祥仲有冇印象呢？冇錯啦，咪就係三十五年前（73年）嘅經典劇集《功夫》嗰個大衛卡烈甸囉！
前年，大衛同Hallmark 開拍一套電視電影《龍城俠隱》（Son of the Dragon ），大衛依然係飾演武術高手。
講起呢套《龍》，對我哋香港觀眾嚟講，雖然劇集係Hallmark 出品，但導演係我哋都熟識嘅胡大為，而演員就有李綺虹、高雄、谷峰、同周文健；再加埋劇情以中國武術為主。所以對我們香港觀眾嚟講，特別有親切感。
大衛卡烈甸73年憑《功夫》走紅美國；亦憑劇集入面草蜢仔金貴祥一角為香港觀眾熟識。
現時響美國做導演嘅胡大為（左），90年時同廖偉雄（右）及黃一山（中）主持嘅《笑星救地球》，可以講係無線當年王牌節目之一。
為要解決百姓飢荒問題，趁公主招婿，大衛卡烈甸帶埋假扮王子嘅大弟子Devil Boy 混入皇宮「見工」，應徵做駙馬。
此劇女主角係啱啱回流香港搵食嘅李綺虹。佢響劇入面飾演公主貼身侍婢Ting Ting ，亦係Bird 收養嘅孤兒之一。
Ting Ting 做公主侍婢，主要目的係幫Bird 同師兄Devil Boy （John Reardon ）做
底，即係話佢真正身份係「無間道」。
Devil Boy 最初只係想利用公主達成救民目的，冇想過最後真係鍾意咗公主。真係冤孽。
因為印度王子送嚟嘅飛氈失咗蹤，因而成為皇帝招婿考試之一，要應徵做駙馬班
仔去搵飛氈。
90年時，胡大為同廖偉雄嘅《笑星救地球》，受歡迎程度同依家嘅《鐵甲無敵獎門人》有得揮。之後胡大為去咗美國做導演，拍過電影《冰雪女王》。而大陸女星孫儷啱啱憑電影《金山》得到羅馬電影節「最佳女主角」，該片導演就係胡大為啦。胡大為拍《龍城俠隱》，就搵咗有中國武術底嘅大衛卡烈甸飾演一個隱世嘅武術高手，古仔以中國做背景。
咪睇大衛卡烈甸雖然變咗阿伯，但依然好打得。幾年前佢仲憑《標殺令２》得到當年金球獎「最佳男配角」添。今次《龍》響劇入面佢飾演一個武功高強嘅隱俠，專收養孤兒，教佢哋功夫，等佢哋可以自食其力兼救國救民。
老少咸宜
劇集唔止單係武打，仲加有科幻情節。其實套劇最啱一家大細，橫豎人人都話今個聖誕冇打算出去旅行，咁留響屋企睇電視應該係最好嘅節目。
播映日期：12月24及31日(周三)晚9:00pm 國際台
