減足廿磅的林嘉欣，拍呢場人體素描戲，當然及唔上十年前的肥溫全裸般震撼（下圖），但相對肥溫的「肉腿」，纖瘦嘉欣又有另一種吸引力。
一向面圓圓、腿粗粗的林嘉欣，從影以來，寧願扮癲扮醜扮老都堅拒扮性感尤物。不過，做得藝人，當然唔可以只得幾度板斧，近兩個月她積極修身急減廿磅，喺新片《愛情左右》入面，終於開竅豁出去，露肩又露腿，實行擴闊觀眾「視野」增加客路！其中一場齋披毛巾，做人體素描模特兒，場面與《鐵達尼號》琦溫斯莉一場經典劇情相似，唔同嘅係，林嘉欣沒有全裸，不過已是她從影以來的極限。
戲中嘉欣不停著吊帶衫，雖然睇頭一般，但相比以往守身如玉的她，已算是一大突破。
鐵達尼經典場面
瘦咗又靚咗的林嘉欣，在新戲《愛》入面，指定服裝除有大量低胸吊帶衫外，一場講述嘉欣剝衫畫人像素描戲份，全程只「嬲」住大毛巾加tube top 打底，更要擺誘人甫士擺足兩粒鐘。林嘉欣都話：「唔好話隻腳，條腰條頸都好攰，又驚穿崩又要顧住儀態，哈哈！返到屋企貼咗幾晚鎮痛貼先好番，辛苦過喺《怪物》化嗰個爛面妝！至於身形，雖然係比前瘦咗，但我都只敢露肩露腿，其他地方冇乜睇頭，所以冇本錢露。」
古巨基做賤男
除了嘉欣有突破，拍親戲都例牌做戇直青年、餐餐俾人飛嘅古巨基，在該片中，嚟個180度轉變，變身專
女落
嘅賤男。飾演保險經紀的他，呃女賤招層出不窮，唔少得當然係「啷過油」嘅甜言蜜語、七情上面苦肉計同瞞住舊愛嗒新女嘅賤男場面。
咦！講講吓乜咁似一個人？周小姐，到時捧老友基仔場係應該，不過奉勸一句，入場前要有心理準備，否則影響結婚心情就唔好啦！
林嘉欣三年前拍電影《怪物》，每日化爛面妝花三小時，但她坦言寧願爛面都比行性感自在。
古巨基在片中頻頻賤招
女，與林嘉欣有不少對手戲。
一拖十二男
新片《愛情左右》中，林嘉欣飾演尋找戀愛感覺的乾物女，其間與12個不同性格的男人拍拖，包括古巨基、黃曉明和蘇有朋等，從而體驗出12種截然不同的都市
