係人都知近排有唔少狗仔隊雲集喺跑馬地周慧敏寓所樓下守候佢嘅芳蹤，如果唔想俾人影到，都知道唔行經附近，但係移居上海多年嘅吳綺莉就似乎唔多醒目，竟然拖埋同成龍生嘅8歲嘅「小龍女」吳卓林喺跑馬地現身，而且吳綺莉最近喺倪震嘅媾女名單中亦榜上有名，難怪佢一現身即時被成班記者追住係咁影，馮仁昭估佢都好耐冇試過咁墟
。
吳綺莉放下女兒後，才與女友人折返取座駕。
由上海回港避寒的吳綺莉心情大好，全程有問必答。
回港度聖誕
噚日下晝4點半，好耐冇喺香港出現嘅吳綺莉就現身喺跑馬地，佢身旁仲有8歲嘅「小龍女」吳卓林，唔知吳綺莉係唔係養尊處優嘅關係，馮仁昭覺得佢冇以前咁苗條，當時吳綺莉同小卓林準備過馬路嗱車，不過身為媽媽嘅吳綺莉就一邊傾電話一邊拖實女兒，仲唔睇交通燈就咁亂過馬路，唔只好危險，直情係反面教材。雖然吳綺莉已息影多年，但係佢對鏡頭都好機警，當佢見到有記者影相時就即刻帶女兒離開現場，帶走女兒後，佢先至再同一名女友人折返嗱車，佢仲同記者有講有笑話：「今次返嚟過聖誕節，因為上海好凍，過埋年先返去，都會約香港嘅朋友食飯。」
吳綺莉邊傾手提邊拖實「小龍女」吳卓林橫過馬路，似乎有點危險。
吳綺莉點都估唔到跑馬地會有咁多記者喺度，佢一出現就變成焦點。
FROM: 頻果日報
