薛凱琪（Fiona ）處女下海的首套舞台劇前晚演出最後一場，但Fiona 在台上卻不小心追傷手指即場流血見紅，謝幕更當眾落淚。對於緋聞男友房祖名因在內地工作未能前來捧場，Fiona 流露失望心情。
由薛凱琪和梁祖堯合演的舞台劇《Last Smile ，First Tear 》，前晚在演藝學院演出最後一場，反應熱烈。其中一幕Fiona 要拿著把小刀演出，但卻不留神追到左手尾指，即場見紅，但她仍很鎮定地繼續演出。而演出完畢眾演員在台上謝幕，梁祖堯表示：「Fiona 演出真係好投入，係個好演員，但每日都有驚嚇畀大家，佢成日都爆缸，噚晚就爆口，今晚就爆手。」Fiona 則說：「個角色好乞人憎，初頭真係好想放棄，但大家都好支持自己，又教我好多嘢，多謝唱片公司，海報雖然只有我同梁祖堯，但其實係成隊人，多謝金融海嘯下仍有人買飛。」說時已忍不住落淚。
Fiona 在最後一場演出時不慎追傷手指尾，幸好傷勢不嚴重。
房祖名（小圖）因在內地拍戲未能捧Fiona 場，令Fiona 有點失望。
跳到嘴唇爆缸
Fiona 和梁祖堯及一眾演員在舞台劇中落力演出，舞台劇終在前晚落幕。
事後問Fiona 為何前一晚嘴唇流血？她解釋：「其中有場我要係咁跳，點知就咬到自己爆缸，梁祖堯望住我有個好古怪表情，我先知自己流血，今晚又追到手指尾。」問到緋聞男友房祖名沒有來捧場有沒有失望？Fiona 只說：「佢喺大陸拍戲，所以嚟唔到。」記者再追問Fiona 對於祖名沒有來捧場是否失望，梁祖堯出口相助：「我好失望，我都係Fiona 緋聞男友，我都想見佢其他緋聞男友，可以約出嚟打牌見面。」及後Fiona 終開口說：「我當然想每個朋友都嚟，嚟到我會開心啲，因為舞台劇係現場，同睇DVD 唔同。」採訪、攝影：胡比
Fiona 和梁祖堯在舞台劇中有貼身親密戲，兩人都表現投入。
