湯盈盈在撞車後兩日首度露面。神情鬱結的她，只匆匆交代幾句，不肯接受記者訪問。
今年湯盈盈可以話愛情得意，其餘失意，雖然與錢嘉樂沐浴愛河，但年初她無端端在街被人掌摑而要入院驗傷，而上周日（11月30日）深夜她更涉嫌醉酒駕駛兼撞傷人，令電單車男司機及女乘客同告受傷，該電單車被撞致爛如廢鐵。
湯盈盈被證實體內酒精超標近四倍被捕，最後以5千元保釋外出。法律界人士指出，由於她涉嫌酒後駕駛，在交通燈前不單止沒有停車，反而狂撼停在燈前的電單車，事態嚴重，隨時有機會琅璫入獄。
事發後，錢嘉樂明顯愁爆，提到「女友」隨時坐監，無奈說：「佢好慘！」
對於湯盈盈有可能要坐監，記者在電視城問到錢嘉樂，他顯得憂心忡忡。
上周日，11月30日，湯盈盈醉酒駕著平治座駕，在西貢失事撞向電單車，事後狂飲清水，並向受傷的一男一女頻呼「對唔住」，希望可以和解。
本周二（2日），湯盈盈（紅圈）甫入電視城即被大批記者採訪，她未有理會，直行入廠，工作人員上前擋駕。
當夜為《東華》綵排完畢，出事後對開車具強烈陰影的湯盈盈，不敢再坐上駕駛座，只由助手開車送回家。
撞車事件後，本周二（12月2日）湯盈盈本應在黃昏6點半返無線為《歡樂滿東華》綵排，但她遲了足足兩個小時，才面容憔悴的出現，同夜要錄影《鐵甲無敵獎門人》的錢嘉樂，人前仍嘻嘻哈哈若無其事，但背後卻愁爆，看似心事重重。
嘉樂冇胃口
6時許，記者發現在無線飯堂打躉，準備稍後入廠的錢嘉樂，明顯沒甚胃口，不時雙手掩面煩爆，不少同事如張國強、姚瑩瑩等，見到他都上前慰問數句，其中老死曾志偉更坐在旁邊與錢嘉樂耳語一番，原本搞笑慣的他們，此刻都愁眉深鎖。
今年一月，湯盈盈在灣仔拍劇集《師奶股神》外景時，被男子掌摑後入院檢查，說到事發經過，更激動得眼泛淚光（左圖）。《蘋果日報》圖片
當日錄影《獎門人》前，一班藝員齊坐無線餐廳。愁爆的錢嘉樂毫無食慾雙手掩面，曾志偉（小圈）曾上前安慰，但耳語不久，志偉亦笑唔出，托腮陪坐。
第一時間哭訴
就湯盈盈出事，本刊記者上前問過錢嘉樂，起初他還故作輕鬆，但一提到湯有機會入獄，錢就顯得相當擔心。
記：女友依家點呀？
錢：哎呀！你漏咗「緋聞」兩個字呀，我哋好似冇正式認過（拍拖）！
記：聽聞盈盈出事之後第一時間打電話俾你哭訴
，你話最緊要係佢個人冇事，係咪呀？
錢：係，最緊要個人冇事啫！
記：你會唔會叫佢戒酒？
錢：（笑笑口，故作輕鬆）政府已經做晒嘢啦，使乜我講，學成龍大哥話齋：「駛出真功夫，方為大師傅」，之後又輪到克勤教「馬路如虎口」。
如果俾我，我會用「學武要有武德，揸車要有揸德（即揸車德行）」，例如慢車唔好過快線，唔好超速，定期檢查架車啦！
記：擔唔擔心盈盈有機會坐監？
錢：（即時面色一沉）其實佢都好慘㗎……不過依家件事交咗俾律師處理，我唔方便講啦！
綵排遲到
晚上8時許，全身黑衣打扮的湯盈盈才姍姍來遲到達電視城綵排，大批記者請她停下來回應數句，但她毫不理會一支箭衝入廠，當時只拋下一句：「對唔住，我遲到啦！」直到《東華》監製何小慧趕到，入內商議了十幾分鐘，湯盈盈的助手才向記者事先聲明，她只會講幾句但不會答任何提問。
不久面容憔悴的湯盈盈便出來交代說：「多謝大家關心，依家我唔方便講太多，因為警方處理緊件事，希望遲啲可以同大家交代啦！我依家嘅心情仍未平復。」說罷便轉身入廠。
到達律敦治中心後，湯盈盈直上16樓。離開時被問到是否前來搵律師？她只笑一笑，不發一言。
本周三下午，湯盈盈從北角寶馬山寓所乘的士外出，直往律師行林立的中環律敦治中心。沿途湯一直擰歪面，未有正面望鏡頭。
急忙搵律師
搵律師解困
據湯盈盈身邊人透露，原本她在撞車事件後，不想參與《東華》演出及綵排，是錢嘉樂鼓勵她出來勇敢面對，「嘉樂仔同佢講，避得一時避唔到一世，始終要出嚟面對，盈盈考慮咗好耐至肯出嚟。依家盈盈仲煩緊搵咩律師處理呀，佢一班老友都有介紹啲相熟律師俾佢！」
而在本周三（3日）下午，湯盈盈神色匆匆乘的士離開寓所，到達中環律敦治中心16樓，該樓層除了一些商業公司外，更有多位法庭律師的辦公室，相信她大有機會就撞車事件尋求法律意見。
上周二（11月25日）錢嘉樂與湯盈盈錄影《獎門人》時，啜波波變成啜嘴，在旁的王祖藍、曾志偉睇到眼甘甘。
今年七月，湯盈盈被本刊踢爆偷偷摸上錢嘉樂在西貢匡湖居的寓所，一段地下情才浮上面。
從水牌看，該大廈的16樓有數位律師，其中一位更是前藝員盧敏儀。當晚她下班甫見記者，即笑說：「唔關我事㗎！」
蘇民峰：湯盈盈12月最黑
玄學家蘇民峰指湯盈盈在08年水火相
，今年亦重桃花，如果結婚便能一喜擋三災，但冇喜便是非來及要提防長輩健康。
「佢鼠年最衰嘅月份係新曆十二月，依家十一月尾就出大事，佢十二月仲要更加小心，尤其小心父母同其他直系長輩嘅身體，依家已經出咗事都冇乜好講，響全屋中間放三盆泥種綠色植物化解，著白、金、銀、黑、灰、藍色衫，希望可以輕判，唔使坐監啦。」
蘇師傅說見過太多客人被控醉酒駕駛，就算沒傷人撞車，亦要先扣留十四日，搞到他連自己部法拉利座駕亦賣掉，小心駛得萬年船呀！
區仲德：呢關幾難過
區仲德師傅指1975年6月30日出世的湯盈盈，屬兔生於夏天，命格屬丁火，碰上土鼠年，會有勾神、三刑及貫索三粒凶星，諸事不爽。
「勾神專搞破壞，令人心緒不寧，易做錯事，而三刑則令人易行為失控，貫索就令人易犯官非。所以佢今次有排煩，要等到09年1月到2月，會遇到個男性貴人，助她解決麻煩。雖然有貴人，呢關佢未必過到，可能會被判守行為之類。」
醉駕撞人屬刑事
根據警方資料，當司機進行酒精測試，每100毫升超過含22微克酒精的標準即屬違法，而湯盈盈出事時測得97微克，遠超標準4倍，即時涉嫌醉駕而被拘捕，帶返警署扣留調查後，准以5千元保釋，到明年2月11日再報到。事後記者問過警察公共關係科，發言人關先生表示：「依家呢件案件仲調查緊，要到2月11日湯盈盈報到後，至可以再update 資料。」
據現行的「道路交通條例」，醉駕初犯者，最高可被判罰款2萬5千元，監禁3年，並會扣十分，再犯則停牌兩年。律師譚智偉指若醉駕兼傷人，一般會以兩條罪起訴，「如果醉駕撞傷人，係屬刑事，政府會檢控佢，上到法庭一般會用兩條罪起訴，一條係醉酒駕駛，第二條係不小心駕駛，其中不小心駕駛最高會罰5千蚊同監禁6個月。如果危險駕駛導致他人死亡，更加有機會判監3至5年。至於傷者亦可從民事索償，賠款就要由法庭再判！」
