鄭秀文昨日出席教會活動，並且熱淚盈眶上台作生命見證。她表示太愛事業成就No.1，曾因減肥而於七日內只吃兩個蘋果，錢財再多也不會再快樂，心靈跌入黑洞，朋友笑言她遇上「困𨋢」窘境。
鄭秀文（Sammi ）昨日現身金鐘港麗酒店，出席播道會港福堂的活動，她以生命見證上台分享近半小時，她的一眾好友如梁詠琪、吳君如、羅霖和蔣麗萍等在台下支持。
近期常常出席教會活動的孫耀威，也來出席聖誕福音聚會。
梁詠琪昨日現身支持好友鄭秀文。
「七日只食兩蘋果」
見證會之後，教友蔣麗萍（右）和呂良偉（左）不斷鼓勵鄭秀文。
Sammi 祈禱時已忍不住眼淚，不過她笑言是快樂的眼淚，並開玩笑說：「今日自己知好多阿太嚟，本來諗吓著乜嘢靚衫，不過其實華麗只係外表，今日我冇需要包裝自己，所以著咗對舊波鞋、舊冷衫同著咗70幾次嘅牛仔褲。」Sammi 於台上分享自己潛伏三年的感受：「自己好鍾意成就同No.1呢兩樣嘢，試過為咗減肥，七日入面只係食兩個蘋果，搵到好多錢都唔會再快樂，反而心靈黑洞越嚟越大，漠視自己心靈需要，於是放咗假成三年，好似一個病咗嘅BB ，冇能力起身。」當外間認為Sammi 拍電影《長恨歌》壓力太大，出現情緒問題，她說：「其實壓力已令我好憎、厭倦同害怕工作，《長恨歌》只係一個引子，就算拍《長江7號》呢類喜劇都係一樣，因為情緒潛伏已久，拍完《長恨歌》之後不斷放假，不斷推工作，都改善唔到問題。」之後Sammi 透露向神禱告：「幫我搵咗一條路，好似蛇甩皮，將自己面具、驕傲、不是同可憎打碎。」
勁食增至140磅
Sammi 笑言在悠長假期不斷進食，她說：「自己以前好鍾意做紙板人，我將咁多年嘅肚餓，食番以前冇食過嘅嘢，最高峯成140磅。」有教友問她信了主有何轉變，她表示令到她笑口常開，令她變成「鄭四萬」。採訪：Rita Leung攝影：Wong Man Wai
鄭秀文昨日與教友分享人生經歷時，熱淚盈眶。
