何超儀、李彩華及梁靖琪等前晚出席銅鑼灣adidas 店舖重開派對，陳奕迅與太太徐濠縈前後腳到場。其間李彩華自爆日前到深圳登台做騷時被客人輕薄，她說：「我過日唱唱吓歌時，俾兩個客人衝上台左右攬住我，搞到我唱唔到歌，跟住個老闆又突然走上台同我合照，老闆娘又上去同我合唱，我預咗喺內地做騷時唔可以著得太性感，因為我吸收過以往經驗，試過一次著裙俾人摸大髀，所以之後著褲。」
超儀吞咪肚痛
超儀就透露今次還為adidas 設計波鞋款式，設計方面頗為大膽新穎，問超儀可有甚麼大膽經歷時，她說：「試過唱歌唱得太high 吞咪，結果第日肚痛，因為過支係公眾咪，有成10個人用過。」採訪：胡比攝影：陳順禎
李彩華無懼寒風，昨日仍穿超短裙出席活動。
