自從黎嬰出事後，黎姿除盡力照顧細佬外，亦要打理細佬皮膚護理中心的生意，孭起全家重擔。
黎姿去年經歷胞弟黎嬰車禍重創後，以全心全意照顧他為大前提，上月她毅然宣布退出娛圈，自此她再沒公開露面，原來她為了激勵細佬，忙於四出奔波。
當知道舉世知名，失去四肢的澳洲傳道人Nick Vujicic 上周來港演講見證，黎姿有如搵到救星，預早經中間人穿針引線，結果於上周六（22日）成功安排黎嬰與殘疾更甚的Nick 秘密會晤。
事後黎父亦承認一家曾與Nick 接觸，黎嬰更因對方的激勵說話，而與黎姿感動得當場落淚。
今年1月
今年5月《Face 》圖片
黎嬰康復良好
黎嬰自07年6月車禍後，一度昏迷兩個月，不過康復進度理想，08年1月他已經可以挨住枕頭進食流質食物。至5月，他更能毋須倚傍坐穩身子，接受一系列物理治療。
本周日（23日），Nick 在香港博覽館進行演講，吸引近萬人聽道，圈中不少藝人如鄭伊健、蒙嘉慧、孫耀威等人均有出席。《蘋果日報》圖片
其間Nick 還接受在場人士擁抱，不論大小，場面十分感動。《蘋果日報》圖片
原來Nick 在博覽館公開演講的前一天（22日），他率先在銅鑼灣同福堂教會作私人性質演講，當時黎姿帶同黎嬰和父母到場。
當日坐著輪椅的黎嬰，就是利用教會內的特別輔助設備入會場聽道。
向來痛錫家人的黎姿，為了照顧車禍重傷導致半邊腦癱瘓的胞弟黎嬰，甘願放棄演藝事業。自車禍後，黎嬰曾昏迷兩個多月，動過二十次大小手術後終可甦醒，然而要完全康復仍是遙遙無期，黎姿深知除了細佬的身體外，對他心靈的扶持亦同樣重要。
黎姿父母眼見阿仔聽過Nick 講道後，心情開朗不少。本周三，兩老對住記者鏡頭亦有問必答。
樂易玲除了帶黎姿返教會，令她成為虔誠教徒外，今次亦穿針引線安排黎嬰與Nick 見面。
樂易玲搭路
上周日（23日），天生無手無腳，仍能活得精采的澳洲傳道人Nick Vujicic 在香港機場博覽館舉行下午及晚間兩場佈道會，吸引六萬多人捧場。成為基督徒的黎姿把握Nick 來港機會，希望透過他的經歷給予黎嬰正面訊息，激勵細佬的生存意志，但她又考慮到細佬現身公眾場所的感受。據知黎姿早於個多月前便透過無線高層樂易玲穿針引線，得教會協助才能出席上周六（22日），Nick 在銅鑼灣摩頓台「同福堂」教會舉行，屬私人性質的小型佈道會。「嗰日只招待東區居民同長者，仲有啲自閉兒童家庭，得1千個座位，所以一般人好難撲飛入場，但因黎姿身份敏感，教會又體諒佢細佬若出現機場博覽佈道會，會成為焦點，所以俾佢一家人出席22號佈道會。」知情者說。
黎姿特別為細佬租用了一部轎車代步，當日黎家四口就坐著此車來回教會聽道。
今年10月黎姿在《東張西望》宣布退出娛圈，說到希望見到細佬開心笑容時感觸良多，不禁眼濕濕。
轎車接送黎嬰
當日早上十一時，束起馬尾，架著眼鏡的黎姿，推住坐在輪椅的黎嬰，與父母一同到「同福堂」聽道。據知黎姿為方便細佬到場，事前向黎嬰所屬的麥理浩療養院租用了一部內籠寬敞，可讓輪椅上落的轎車。當日黎嬰便乘著該車由療養院出發到銅鑼灣，有現場目擊者稱黎嬰精神不俗，「佢身體雖然郁唔到，但精神唔錯，好多教友見到都不停對佢講啲鼓勵說話，黎姿就企響旁邊睇實細佬。」
5月，黎姿與孫耀威、張晉等教友為福音電影《流浪漢世界盃》拍攝，她將6位數字酬勞捐作慈善。《蘋果日報》圖片
黎姿經歷人生巨變後，學懂人生無常，雖然決定退出娛圈，早前仍與香港世界宣明會進行不少探訪活動。
黎姿聽道激動
佈道會開首唱起詩歌〈有一天〉時，黎姿一家已被當中「面對人生谷底要振作，不要放棄，這個世界有一位上帝看顧」的歌詞，感動得眼泛淚光。到Nick 出場，講述他沒有因殘疾身體選擇放棄或自卑地過活，黎姿一家更為激動，其中黎姿禁不住淚流滿面，仍不時邊聽道邊在細佬耳邊打氣。當聽到Nick 由翻譯員轉述：「我不再求神給回我手腳的神蹟，因為我已經係一個神蹟，能夠藉住自己殘缺成為別人生命祝福，明白神在每一個身上都有美好計劃……我雖身體殘疾，但神俾我心靈自由可超越身體限制。」有切身感受的黎姿不時拭淚，更擁著坐在輪椅的細佬，兩人同樣哭如淚人，場面十分感動，Nick 的見證尤如為黎嬰打了強心針。
佈道會結束後，大會安排出席人士跟Nick 擁抱，據知事後黎姿推著黎嬰在大會安排下，在後台跟Nick 近距離會面，讓同病相憐的Nick 直接鼓勵黎嬰，會面後的黎嬰臉上露出一份前所未見的喜悅。黎姿一直視細佬笑容勝於一切，她亦說過細佬可以甦醒根本是神蹟，「我知幫到我細佬嘅就係主，呢件事我好感激神！」黎嬰一笑，相信黎姿亦不枉安排今次會晤的一片苦心。
黎母：阿仔開心好多
本周三（26日），記者在黎嬰所住的薄扶林麥理浩復康院外守候，發現其父母如常到上址探望，對於黎姿在上周六安排細佬與Nick 秘密會晤時，黎父起初表示黎姿已非圈中人，不願多談，但不久他亦承認說：「係呀，嗰日我哋一家人都有去，好感動呀。我哋成家人都有喊，Gigi 有喊，阿仔都聽到喊！」問到事後有否激勵到黎嬰意志，黎母則說：「Nick 都有挨一挨阿仔，之後佢情緒好咗好多，個人仲開心咗！（依家黎嬰進展如何？）康復得好好，不過冇咁快，仲有排調養㗎，未知幾時可以出院。」
近日黎姿在blog 內表示到過貴州貧窮地區探訪，感到很痛心，希望大家多做慈善工作。看來細佬的遭遇，令她的人生觀改變不少。
轉信耶穌
黎姿自細佬車禍後，由原本篤信風水命理，到廟宇點七色燈求化險，直至樂易玲帶她返教會聽道，之後才轉信耶穌。她在基督教書籍《天使心》訪問中說到信仰令她明白人生道路不會平坦，故欣然接受生命一切，主的支持令她捱過這痛苦經歷。
記者曾致電樂易玲，問到為黎姿搭路與Nick 會面一事，她未有否認，只說：「嗰日我都去唔到，只係搵啲人睇吓幫唔幫到佢手啫。黎姿嘅嘢你哋最好問番佢本人，我即管試吓幫你哋問，睇佢肯唔肯覆你哋！」但至截稿前，本刊仍未收到黎姿回覆。
黎姿以往篤信風水和佛教，早年更將一家四口之名以佛像祈福，不過自黎嬰車禍甦醒後，她隨即感受到神蹟，現時她已成為虔誠基督徒。
Nick 由有輕生念頭，到想通上天對他殘障的安排，是讓他激勵世人，令他找到人生的意義。《蘋果日報》圖片
Nick 出生時已殘缺，只有一雙小小腳板，需長期
著。
憑著Nick 的意志，其起居生活已不成問題，甚至連游水都可以。
逆境自強
Nick Vujicic 生於澳洲墨爾本，出生時已沒手沒腳，只有兩隻小腳板和合共三根小腳趾，他8歲時曾想過在洗手間內把自己浸死，後來不斷反思生命，最終發現生命最大障礙源自恐懼。
由於其父母均是虔誠基督徒，Nick 信主後開始學懂欣賞自己，將自己身體殘疾看成是上天禮物，故由17歲起他便開始到教會演講，21歲還考獲財務策劃及會計學雙學位，之後他更作世界性巡迴演講，希望以自己的經歷，去撫慰無數失落無助的心靈，正如他所講：「我覺得沒有一件事比可以成為別人的鼓勵更美麗！」
過去6年，他到各地進行逾250次演講，而香港則是第十站，上周五，他從印度來港後，在周六、日便舉行多場「Give Up Get Up 」佈道會作見證。
孫耀威：「現場見到Nick 感覺好震撼，佢激發我做人更要積極，所以我同MC Jin 籌備緊一個中英文雙語藝人查經班，照顧剛信主嘅年輕藝人。」
鍾嘉欣：「見到佢笑容係發自內心，就會反問自己，點解有手有腳仲咁易憂慮，從佢生命睇到神係為人安排晒所有，唔使操心。」
楊思琦（非基督徒）：「佢四肢唔健全，但信心可以好堅定。聽完佢見證，提醒有手有腳嘅自己，更加唔應該遇上少少波折就咁易灰心。」
藝人體會
Nick 來港作巡迴演講機會難逢，圈中不少藝人都專誠聽他講道，事後感慨良多。
封面故事
