上個禮拜五（十一月十四日），20位亞洲小姐候選佳麗著住波點泳裝，喺郵輪會見傳媒。
無論樣貌同身材，六位香港賽區代表質素最突出，尤其係1姚佳雯，得到蔡瀾連續兩日喺專欄大讚係「一顆未磨光的鑽石」，人氣夠加上有大量選美經驗，成為大熱冠軍人馬。
至於視覺方面，6袁小曼身高5呎4，但擁有完全唔合比例嘅35吋、睇落唔多自然嘅巨胸，佢仲好自信同記者講：「我覺得自己好平均（身材），有線條。」
八珍唔係隆胸醫生，未夠資格質疑有冇人「打假波」，但今屆亞姐上圍平均數字的確有番咁上下斤兩，可惜「上盤」波膽過晒關，「下盤」腰籮腿離奇厚肉，一著泳衣即時漏底兼倒胃。
34/24/35
現年23歲、身高5呎9吋嘅1姚佳雯，04年曾經參加過「中華小姐」，被評判之一嘅蔡瀾提出刁難問題「要國家還是要錢？」當年因為答咗錢成為網民抨擊對象，今日再踏選美台，自然經得起風浪。
正面
側面
35/23.5/34
無論正面同橫切面都充分表現出脹爆咪咪狀況嘅6袁小曼，同佢5呎4吋身高強烈不合比例。
34/25/36
今年17歲嘅4姚鳳鳳，由頭到腳俾脂肪重重包圍，雖然已經積極減肥，但與佢同母異父嘅阿哥F4吳建豪相比，個天真係唔公平。
34/24/35
愛美白嘅日本妹，最憎同陽光玩遊戲，所以8齊藤未知，出入要工作人員擔遮防曬。
