好少可咁性感嘅鍾嘉欣，做足準備工夫黐晒膠紙，但依然離罩，驟眼睇仲以為佢甩皮
。上周五（11月7日），美國化妝品牌Jill Stuart 喺半島酒店搞咗個宣傳活動，請咗鍾嘉欣、李彩華、邦民女Kama 、莊思敏、楊洛婷等做嘉賓。成班青春玉女，大家咁高咁大，以為佢哋會鬥出位，點知佢哋鬥騎呢。
影大合照，佢又周身唔聚財唔敢望鏡頭，完全唔在狀態，旁邊嘅楊洛婷sharp 過佢好多。
鍾嘉欣尷尬騷胸自言會以性感晚裝出席TVB 台慶頒獎禮嘅鍾嘉欣，罕有咁以低胸晚裝示人。不過，可能佢真係唔慣喺呢類衫，除咗成條膠紙現形外，影大合照時又周身唔聚財咁，真係未ready 。
簽名好，同林子瑄合照好（右圖），Kama 隻手喺下體位置係咁拗，認真失禮。
忽然間，佢又遞高隻手騷胳肋底，想證明自己唔係狐狸？
邦民女拗下體邦民女Kama （羅凱珊）都唔係第一日出道，不過出席呢類咁隆重嘅場合就真係比較少。可能太緊張，喺簽名板簽名時，左手不自覺咁隔住條裙喺下體部位係咁拗，真係失禮。
就快25歲生日嘅李彩華，嘅皺紋同眼袋就令佢睇落年過30。
李彩華大家姐李彩華年紀雖然跟其他女仔差唔多，但講出道年資，就佢輩份最高。睇埋佢塊面，眼肚、眼摺、皺紋統統現形，真係大家姐囉。
