34歲的郭羨妮電力足，繼殼王陳國強後又搭上陶大宇，要養番好個形象有難度，如今衰埋私下接job ，即使郭羨妮自動減價，Covermark 都唔食回頭草。
郭羨妮06年介入陶大宇婚姻後，「狐妮」勁朵嗌到通街都知，廣告商紛紛掉頭走！
不過34歲郭羨妮似乎仲未知驚，之前做化妝品牌Covermark 代言人時，竟然犯天條幫另一美容院做剪綵嘉賓，結果益咗比她高三屆但後生3年的港姐冠軍師姐李珊珊，以40萬搶食成功，鬼叫偷食在先，郭羨妮唔怪得人絕情喎。
現年34歲的郭羨妮去年11月幫化妝品牌Covermark 做代言人。據知郭羨妮過往3次出席Covermark 活動都各例遲3粒鐘，又要嚴選指定化妝師執靚樣，要求多多。
太狼死
據知Covermark 原意找港姐冠軍袁詠儀頂走狐妮，點知靚靚獅子開大口，開價100萬，令Covermark 卻步，其後自動減10萬都
唔番。
犯天條
不過呢啲例牌菜都可以忍，郭羨妮死罪原來係今年9月私下接咗逸姬美容開幕，違反合約觸怒Covermark 高層，郭羨妮只例牌以「公司安排」為由敷衍了事。
既然你唔志在，Covermark 決定改簽出名聽教聽話嘅李珊珊頂替郭羨妮，據知事後郭曾主動要求減價博食回頭草，不過始終冇下文，週二（11日）公布新代言人，Covermark 公關Cynthia 則說：「合約嘅嘢有長有短，我哋係換咗人，不過我哋唔排除仲有機會合作。」本刊週一（10日）問到郭羨妮被飛一事，佢經理人唐國忠竟然未知：「係咩，我哋仲係代言人喎，其他嘢你哋問番Covermark 啦！」係喎！既然都唔預你玩，換人又使乜通知你先。
紅牌出場
本年9月，身為Covermark 代言人的郭羨妮未有事前通知Covermark ，私下做美容院開幕嘉賓，郭羨妮就話係TVB 安排，不過佢錢又收咗、人又去咗，做乜都補唔番飛，即時紅牌game over 。
31歲的李珊珊擁有魔鬼36D 身材，雖然今次做化妝品代言人造型照唔使sell 胸，不過李珊珊一向出名有商有量，Covermark 寧願畀貴啲都要簽佢，家陣連廣告相都影埋，海嘯都有筍job 接，李珊珊有運行喎！
專搵港姐
Covermark 愛用香港小姐代言人，上年搵咗5位港姐，今年得蘭子同鄧上文有得留低，其餘全部講拜拜！
Out ︰李詩韻
冇觀眾緣
Out ︰郭羨妮
衰違約私下接美容店剪綵嘉賓而被飛。
Out ︰向海嵐
泊掂羅康瑞碼頭唔憂，做瑞安房地產高層長駐上海。
