台慶頒獎禮之最佳男主角篇 溏心父子爭視帝戰情激烈夏雨堅拒埋堆 林峯滿腹委屈
62歲的夏雨跟29歲的林峯，都是周六（15日）舉行的無線台慶《萬千星輝頒獎典禮》視帝大熱人選，兩個不同年代的小生，同樣憑《溏心風暴之家好月圓》一劇，在台慶頒獎禮中一較高低，爭奪最佳男主角及我最喜愛的電視男角色。不過，經歷了去年大熱倒灶事件，夏雨明白到世事無絕對的道理，所以對嗱獎夏雨揚言是有信心但沒把握，但他就表明不會為嗱獎而主動跟高層埋堆。至於入行10年的林峯，面對資歷比自己多30年的夏雨，心情難免緊張，他只希望盡量做到順其自然，不要想太多，他說：「正因為有太多變數，諗太多嘢會影響情緒，所以最好唔好諗。」
近日夏雨不論到那里去，也會聽到街坊同事說「支持你」或「你嗱硬」諸如此類的鼓勵說話，既然行內行外一致睇好他能成功憑《溏心風暴之家好月圓》中Jo 飽甘泰祖一角，勇奪視帝獎座，夏雨今次嗱獎信心理應會隨之而大增，但夏雨日前接受訪問時卻笑道：「一向有信心，但絕對冇把握，因為我已經盡所有能力去交卷，而家係評審去評分，就算請高層食飯都改變唔到佢哋嘅諗法。」
為林峯說好話
夏雨呼籲觀眾投他神聖一票。
問會否效法林峯邀請無線高層飯局打好關係？夏雨即耍手擰頭說：「邊度係我嘅性格！唔通我打電話畀陳志雲同佢講，我想請你食飯，做乜請食飯？冇呀，我……我……我想講嗱獎嘅嘢。大佬呀，你殺咗我都講唔出啦！所以我亦唔相信林峯會咁做，佢同高層食飯可能有第二啲嘢傾，為咗食飯而改變戰果，我唔信。」難道多年來也不曾主動跟高層聯絡感情，亦即是所謂埋堆？夏雨理直氣壯說：「咁多年嚟邊有做呢啲嘢！我至多咪埋劉家豪堆，佢最鍾意用我，不過，我覺得唔埋堆係吃虧啲嘅。」人人皆認為Jo 飽夏雨勝券在握，但究竟夏雨可曾想過自己有可能大熱倒灶？夏雨想了一會說：「今年嗱唔到，心情會平靜過舊年，因為舊年以為實有，就算冇呢個獎都會有第二個獎（指最佳男主角及我最喜愛電視男角色），其實呢個世界唔係理所當然，而呢個亦係遊戲最有趣嘅地方。」
自知失敗原因
阮兆祥和陳豪去年皆憑《溏心風暴》嗱獎，獨是夏雨空手而回，他失落陪笑的心情不難想像。
夏雨不諱言，有時劇本好演員好，劇集不一定大收，相反，有時以為某部劇唔收得，結果卻大收旺場，正所謂人算不如天算，最佳實例，莫過於月前到北京睇奧運的經歷，他說：「我好鍾意睇奧運，幾經辛苦撲到張飛，點知上機當日8號風球，搵到人車我去機場，結果原先搭過班機唔開，左撲右撲買到第二班機嘅機票，上埋機，諗住卒之搞得掂，點知到最後班機都係取消……你已經做晒所有嘢，到最後都係唔得，你冇得怨天尤人。所以，如果今年真係嗱唔到，一啲都唔奇怪，有邊個敢講自己一定得！」夏雨去年憑《溏心風暴》一劇，同樣有份角逐最佳男主角及我最喜愛電視男角色，但可惜空手而回，兩獎均落在演出同一劇集的陳豪手上，問夏雨有沒有掉過一滴淚？夏雨說：「冇，只係好失落，大家都做得咁好，個個有獎嗱，係得我冇，總係有個原因嘅，你咪諗吓係乜原因咋。」為此夏雨把自己關在家中足足兩日去思考，終於給他想通，並得出了一個結論，但結論是甚麼，夏雨堅拒透露。《溏心風暴之家好月圓》還未推出，已經有傳聞指無線為造就林峯嗱視帝而加重他的戲份，究竟戲份多是否一定有幫助？夏雨說：「絕對有，個個演員都係等一個好機會，但場場戲都出（指有份），都要寫到你有過啲戲先有用，你睇陳法拉，之前俾人鬧到體無完膚，又話佢姣又話佢唔識做戲，但今次又讚佢靚又當佢係女神，楊怡同陳法拉最顯著。我覺得林峯個管家仔角色有好多好嘅元素喺度，但個角色慘在太完美，一到大事件就梗係荷媽李司棋出嚟披荊斬棘，係荷媽解決，唔係管家仔撐，咁咪變咗唔到唔到咁咋。」
讀報練急口令
在《家好月圓》飾演父子的夏雨和林峯，鬥戲鬥到戲外。劇照
縱橫演藝界40年，夏雨除演技精湛外，更有一項能人所不能的絕世好武功，就連星爺周星馳也甘拜下風，向夏雨偷師，那就是念急口令，當年夏雨在《歡樂今宵》扮演的經典趣劇人物阿煩，最叫人印象深刻。談到這身好武功，夏雨笑言絕非一朝一夕：「我係一個比較性急嘅人，講說話好急，讀中一過陣，老師要我哋讀報紙，日日讀，讀咗幾年，變成日子有功，我都有同陳志雲講，訓練班啲學員訓練時可以讀報紙訓練，跟住做《歡樂今宵》，去到現場冇人救你，要自己執生，逼自己習慣，累積起上嚟咪練到有呢種絕世武功！就算而家我睇電視、睇《歡樂滿東華》咁，我都會不期然口
同字幕鬥快，陳小姐500、黃先生1000──睇電視都咁，你話我係咪傻。」撰文：戴彩煥
林峯要不是今年憑《溏心風暴之家好月圓》中管家仔甘永好一角提名最佳男主角，應該沒有人會追溯他已入行10年，10年時間既非短亦非長，不過，相比起今年被視為有對等機會衝擊最佳男主角的大熱人選、擁有40年演戲經驗的夏雨，林峯知道冇得比，亦不可以比，最怕還是跟夏雨比。林峯面對資歷多自己30年的強勁對手，問對最佳男主角獎的信心有多大時？他說：「順其自然，我知道個個都識講，未必識做，但正因為有太多變數，諗太多嘢會影響情緒，所以最好唔好諗，如果真係要諗可唔可以得獎，不如諗接到下個劇本時應該點做！所以乜都唔好諗就最好！」
29歲的林峯明白自己演戲經驗跟夏雨絕對是冇得比。化妝：Raymond Yip@Mae Von髮型：DY@HAIR Culture攝影：林德雄
林峯揚言自己在別人有色眼鏡之下成長，必定要比其他人更加倍努力。
一切從低做起
林峯被指跟樂易玲飯局博嗱獎，而早前他慶祝新碟大賣，樂易玲與陳志雲均前來撐場。
入行10年的林峯，在第13期訓練班畢業，同期有楊怡、徐榮及揚明等，出身富裕家庭的他，其家人更是無線大股東利孝和夫人的世交，擁有如此強大後盾，亦不等如可以走小路行捷徑，林峯一樣要由低做起，他第一套參與演出的劇集，當然不是做男主角，他說：「我都唔係一聲就爆出來，一開始都係由茄喱啡做起，第一套係林家棟過套《茶是故鄉濃》，入面做個茶藝比賽參賽者，之後第一次有對白嘅劇係同李國麟做對手戲，我諗佢都唔記得，我喺入面係做蒙面人，但係我記得我好緊張，返到屋企係咁背過一句對白，過陣時句對白我真係倒轉都識背。」做人要公平，或許大家都應該對林峯公平一點，問鼎視帝，多少都要有點實力吧！成功需苦幹，林峯知道自己在有色眼鏡下成長，必定要比其他人多兩倍努力，他說：「可以話係天時地利人和，我哋過期訓練班係較多機會，畢業出嚟已經好多監製用，因為過時佢哋想用新面孔，我可以話好好彩，遇到好多機會，第一次機會係吳啟華、陳慧珊套《美味情緣》，要搵個19、20歲嘅嚫仔做第三男主角，過時真係好驚，不過都要頂硬上，自己知道過時做戲好多over action ，之後第二個機會係《尋秦記》，我好大壓力，明白自己處境，我知道自己只可以成功唔可以失敗，唔可以令畀機會我嘅人失望。「其實喺《尋秦記》時我先真真正正知乜叫做演戲，仲係岩岩先清楚rundown 點睇，而且喺過時開始真正對演戲產生興趣，之前嘅我都係乜都唔識，傻更更咁，不過，我知道呢行好多嘢學唔晒，同埋進步速度唔可以慢，好易會俾人淘汰，所以就算我好好彩，有機會，我冇好好把握，一樣係一鋪就死得！」
否認鋪路換獎
演技出色的夏雨去年敗給後輩陳豪，今年又將與林峯拗手瓜爭視帝。
每年台慶頒獎禮前夕，均有不少嗱獎是非出現，今年也不例外，林峯早前被指黐實高層樂易玲，為換獎鋪路，講到用人事，靠關係，林峯氣上心頭，本來蜷坐在倚子上的他突然挺直身子，一臉認真地說：「話我靠乜靠乜，咁我靠乜？因為我有錢？利孝和夫人？你講過啲嘢，對我影響唔好多過好，係！我比人好，係因為我冇經濟負擔，唔使養家，但係我面對嘅係一班基層嘅人，佢哋只係會覺得你唔好阻住我收工，唔會理你係邊個，更何況我唔係邊個！咁多年嚟，我都會同自己講，盡量唔好俾身邊說話影響到，我知有好多眼光，好多說話，但係我相信識得我嘅人，好清楚我為人係點，同我一齊做嘢過班人，係睇住我大過班，佢哋好清楚我係乜人。」
三年前曾自閉
10年娛圈生涯，無論演技或者交際伎倆，都應該得到磨練。《尋秦記》的林峯，被視為古天樂接班人，由內至外，無論外形、膚色、性格以及態度都有98%相似，名副其實是翻版Mr.Cool 。不過，今日的林峯，找不到其他人的影子，他已經不再cool ，他說：「以前我只係會care 我朋友點睇我，其他人我唔會理，所以3年前嘅我都係拍完劇返屋企，好自閉，亦唔鍾意解釋咁多，因為我對好多嘢都冇信心，可能呢份係我第一份工，我覺得出嚟做嘢做好自己就得，加上我係屋企大仔，屋企觀念係唔可以做錯嘢，唔可以講錯嘢，因為咁樣我甚至唔講嘢，之後得到身邊一班朋友開解我，解開我心結，令我對人有番信心，個人開朗咗好多，可以話由一個自閉仔變成口水佬。」撰文：楊潔雯
最佳男主角提名名單
歐陽震華
馬國明 《律政新人王Ⅱ》（辛萬軍）郭晉安 《古靈精探》（于子朗）劉松仁 《原來愛上賊》（高哲）林文龍 《法證先鋒Ⅱ》（古澤琛）苗僑偉 《疑情別戀》（饒立天）夏雨 《溏心風暴之家好月圓》（甘泰祖）陳豪 《溏心風暴之家好月圓》（甘永家）林峯 《溏心風暴之家好月圓》（甘永好）歐陽震華 《尖子攻略》（彭錦秋）鄭嘉穎 《與敵同行》（張承希）
我最喜愛的電視男角色提名名單
郭晉安
馬國明 《律政新人王Ⅱ》（辛萬軍）黃宗澤 《野蠻奶奶大戰戈師奶》（戈德）郭晉安 《古靈精探》（于子朗）郭政鴻 《古靈精探》（張正義）謝天華 《師奶股神》（黃子聰）夏雨 《溏心風暴之家好月圓》（甘泰祖）林峯 《溏心風暴之家好月圓》（甘永好）陳錦鴻 《搜神傳》（晏喜）吳卓羲 《少年四大名捕》（冷凌棄）鄭嘉穎 《與敵同行》（張承希）資料來源：無線電視
62歲的夏雨做戲做足40年，嗱獎絕對實至名歸。場地提供：Misto攝影：林德雄
