「佢舊年嗱咗今年讓畀其他人啦」徐子珊有望奸贏陳法拉
台慶頒獎禮之女主角/ 女配角篇--徐子珊去年影、視雙贏，成績理想，本年度又憑《溏心風暴之家好月圓》路嘉美一角，角逐本月15日舉行的無線台慶《萬千星輝頒獎典禮2008》中之最佳女配角獎項，雖然扮演大反派，在觀眾眼中絕不討好，但演技備受認同，除了她本人外，《溏》劇還有三位演員獲提名，包括楊怡、陳法拉及李香琴，徐子珊對此表示：「法拉舊年都嗱咗配角獎，今年讓畀其他人啦。」另外，她更憑《甜言蜜語》唐棠一角獲提名最佳女主角。 撰文：卓寶花
徐子珊成為無線力捧花旦後劇集浪接浪，今年先有她首次擔正的劇集《甜言蜜語》，飾演有聽障的唐棠一角，當時成績雖然未見突出，但其後接著推出《溏心風暴之家好月圓》，徐子珊在劇中飾演Sa 姨關菊英女兒嘉美，為爭取利益不惜一切，所作所為令人恨之入骨，在演技上已獲得觀眾肯定。
嘉美勝過唐棠
徐子珊視嘉美一角為今年突破，她說：「今年出咗《甜》劇，接住就係《溏》劇，之後又播《四大名捕》，到而家我行出街，啲人仲係叫緊我嘉美，證明啲人仲記得我呢個角色，所以我覺得嘉美對我嚟講係一個突破，而且仲係大反派，雖然喺劇中最後係變番好人，但乞人憎起上嚟都真係好討厭，冇諗過自己可以掌握到，雖然係配角，但嘉美喺套戲入面，係重要嘅導火線，因為夾雜咗好多人物關係，喺我心目中做配角係要襯托主角發揮，擦出火花，今次好成功。」相反徐子珊認為《甜》劇雖然是擔正女主角，但由於角色是一位百分百好人，難以突出個性，故此在唐棠角色對比下，顯得嘉美更受注目。
徐子珊（右）憑《溏》劇飾演大反派嘉美，獲提名最佳女配角，與陳法拉（中）一較高下。 劇照
憑《甜言蜜語》提名最佳女主角的徐子珊，她自謙只是陪跑。 劇照
睇好菊姐米雪
徐子珊今年共獲兩項提名競逐台慶獎，成績不俗。
徐子珊去年憑電影《跟蹤》榮獲第27屆香港電影金像獎之最佳新演員獎，在去年無線台慶頒獎禮上，更得到飛躍進步女藝員獎，對此她說：「我對獎項嘅睇法係代表鼓勵認同，嗱過獎之後畀人感覺係將來要表現得更加好，自己都會有壓力，結果好快就會知道，有兩個提名已經好好，對自己嚟講係過到關。」本年度徐子珊共有兩個獎項競逐無線台慶頒獎禮，包括憑《甜言蜜語》角逐最佳女主角，憑《溏心風暴之家好月圓》提名最佳女配角，面對最佳女主角的對手，幾乎全是前輩級人馬，徐子珊表示已打定輸數，她說：「呢個越級挑戰我唔會諗，個人嚟講最睇好菊姐同米雪，因為戲里面我同佢哋對手戲最多。」
不及去年突出
徐子珊認為得獎是代表觀眾對自己的認同，也是對自己的一個肯定。
女配角方面的對手雖然比較平均，但單是《溏》劇，除了徐子珊外，還有三位演員獲提名，包括楊怡、陳法拉及李香琴，徐子珊說：「有咁多對手，我都唔敢期望，如果有幸運之神眷顧當然開心啦，我睇好琴姐同楊怡㗎，而法拉舊年都嗱咗配角獎，今年讓畀其他人啦。」回顧今年成績，徐子珊反而覺得整體表現不及去年突出，只可以用中規中矩來形容，不過觀眾反應卻比去年理想，她說：「舊年可能仲係新人，嗱到兩個獎，感覺突出啲，今年就出咗幾套劇，令更多人認識我。」
最佳女主角提名名單
汪明荃
汪明荃 《野蠻奶奶大戰戈師奶》（戈碧）郭羨妮 《古靈精探》（刑晶晶）鍾嘉欣 《金石良緣》（施嘉嘉）薛家燕 《銀樓金粉》（賽小蝶）佘詩曼 《法證先鋒Ⅱ》（馬幗英）徐子珊 《甜言蜜語》（唐棠）李司棋 《溏心風暴之家好月圓》（鍾笑荷）關菊英 《溏心風暴之家好月圓》（鍾笑莎）米雪 《溏心風暴之家好月圓》（殷紅）鄧萃雯 《尖子攻略》（嚴家勵）
最佳女配角提名名單
廖碧兒 《和味濃情》（高柔麗）滕麗名 《野蠻奶奶大戰戈師奶》（高家寶）胡定欣 《銀樓金粉》（霏霏）陳敏之 《原來愛上賊》（江翹）姚嘉妮 《甜言蜜語》（袁少娜）田蕊妮 《疑情別戀》（程傲兒）陳法拉 《溏心風暴之家好月圓》（甘詠慶）徐子珊 《溏心風暴之家好月圓》（路嘉美）李香琴 《溏心風暴之家好月圓》（佘君麗）楊怡 《溏心風暴之家好月圓》（孫皓月）資料來源：無線電視
徐子珊覺得今年整體表現雖不及去年突出，但她卻慶幸有多齣劇集播出，令更多觀眾認識她。攝影：陳慧安服裝：Sistyr moon場地提供：東京和食（時代廣場）
