黃子華對香港前景太悲唔識引人笑暫別棟篤笑戀陳法拉做舞台劇

2014年，男神黃子華在紅館棟篤騷撐佔中，他形容香港像中毒一樣病入膏肓，被中國「標參」了，之後傳出子華被內地封殺消息！2016年，子華將回歸舞台，改以愛情題材的舞台劇出發，雖然卸下了政治的沉重包袱，但卻揀在7.1開騷，並宣告封咪兩年暫別棟篤騷，因自認是地道香港仔的他，卻摸不清現在的香港：「唔知點笑，大勢係悲觀！」

現年55歲的棟篤男神黃子華前年在紅館舉行棟篤騷《唔黐線唔正常》，由於當時雨傘運動熾熱，子華在台上撐學生講佔中嘲高官，結果被傳列入內地黑名單，廣州站的棟篤騷傳被取消！事隔兩年，前晚子華在facebook專頁公告將重返舞台，然而，今次卻不是舉行至煞食的棟篤笑，而是已經四年沒做的舞台劇，並轉貼跟女主角陳法拉的一條短片，從暫時披露的內容中，舞台劇似以愛情為題材，不牽涉政治。

子華前晚在fb專頁上載舞台劇短片，以愛情故事做藍本，內容不牽涉政治，女主角找來陳法拉參演。

子華日前接受蕭若元（右）的網台節目訪問，坦言將封咪兩年不做棟篤笑，因有感現時香港好陌生令人笑唔出。互聯網圖片
婚外情孽緣

男神子華和高登女神法拉首次合作，在片中兩人輪流自述，子華說：「佢係我老婆請嘅。」法拉說：「佢係我舊老闆，我第一次見到佢，我就知道我哋有啲嘢。」道出了婚外情的矛盾孽緣，子華續說：「我老婆死咗，佢就反而走咗，不負責任。」法拉就表示不想再見到他：「乜嘢都唔同曬。」最後子華說：「佢唔喺度吖嘛，我搵佢囉，我要一個交代，一個說法。」短片上載YouTube短短半日，已有逾五萬瀏覽，網友紛紛留言撲飛。

雖然大會仍未公佈舞台劇資料，但本報獲可靠消息，舞台劇將於7月1至21日假演藝學院舉行，逢週一休息共演18場，門票最貴為880元，雖然舞台劇內容似不涉政治，但子華卻巧合地揀選7.1開騷，似乎心仍未冷！日前子華接受才子蕭若元的網台節目《蕭遙遊》訪問時，宣告「封咪」未來兩年都不會再做棟篤笑，因為自己已笑唔出。

子華在節目中說：「我係一個地道香港仔，香港由一個我認識嘅香港，發展今日咁嘅香港，我點能夠講一個香港嘅故事，再做一次棟篤笑，喺一個咁嘅狀況，我諗好多嘢已經笑唔出，唔知點笑，大勢係悲觀，人類從來都係悲觀嘅，作為一個香港人，我希望嚟緊一個騷，去總括一下自己。」

問到何時再做棟篤笑，子華笑說：「其實睇嚇我幾等錢使，𠵱家時勢講乜都有人鬧你，讚唔讚你都唔重要，香港好慘地方係藝壇有周潤發，而政壇係冇周潤發、冇劉德華嘅人物，𠵱家有一個思潮係大家乜都唔要，唔要黃子華扮嘢，我唔會話呢樣嘢啱定錯，但係香港未來點走呢？中國人唔易接受人哋講笑話，所以我有呢個任務，如果大家接受，我點都要講多次。我最近7月會做一個舞台劇，棟篤笑我呢一、兩年都未必把握到。」子華更指視蕭若元為恩人，因當年對方提議他做喜劇，之後子華接拍《男親女愛》爆紅，蕭若元提到自己怎點化對方：「子華做戲用一種比較冷嘅方法處理，當你好冷時，個人投入度係唔夠，應有冷同有熱嘅acting，我當日只能夠畀到呢啲意見佢。」

前年子華在棟篤騷講佔中，為港人哭了。資料圖片

【00年《男親女愛》】

當年子華和鄭裕玲合作《男親女愛》舞台劇，共演50場破紀錄。

【12年《野豬》】

子華上一部演出的舞台劇是與林嘉欣合演的《野豬》。

子華的舞台劇仍未公開售票，但內地淘寶網已離奇出現代購。

淘寶有代購？

2000年子華演出50場《男親女愛》舞台劇創紀錄，之後作品有《男磨坊》、《咁愛咁做》和《野豬》，今次跟法拉合作是第五部舞台劇，粉絲引頸以待，內地淘寶網已經有代購，索價每張定金100人民幣，但大會發言人昨表示：「目前仲未有任何網上預訂或公開發售，其實除咗官方合作機構之外，冇其他途徑可以買飛，一切等公佈購票詳情才作準。」

採訪：皓騫

子華舞台劇7.1公演（暫定18場）

日期：7月1日至21日（逢星期一休息）
場地：演藝學院歌劇院
票價：$880／$680／$480／$380／$280
公開發售日期：5月上旬
from:http://hk.apple.nextmedia ... 160428/19589115

黃子華早前上蕭若元喺網台節目《蕭遙遊》，講自己人生其中兩個恩人係蕭若元同黃霑，子華稱同蕭若元有段淵源，見蕭若元話做到5月23號唔做，所以子華先上嚟報恩，佢稱以前有好多節目搵佢，佢都百分之百推晒。

子華回想1999年有個朋友介紹佢去見蕭若元，指子華做極都紅唔到，話搵蕭若元點條明路，叫佢做喜劇演技嘅方向，當時子華好感激對方，過咗幾個月，佢就演劇集《男親女愛》，個角色要求係無端端好high，引證蕭生畀佢嘅建議，余樂天呢個角色幾成功，所以蕭生係佢嘅恩人。
from:http://hk.apple.nextmedia ... 160428/19589548

子華在02年曾與郭羨妮合作拍《一蚊雞保鑣》，惜票房慘淡。

男神黃子華出山，不過就不是做強項棟篤笑，而是跟女神陳法拉做舞台劇。原來除了舞台劇之外，子華還計劃與蕭定一合作拍一部喜劇電影。有傳無綫欲開拍《男親女愛》續集，但由於子華忙於舞台劇及籌備電影，所以這兩年內都不會為無綫拍劇。

子華再度挑戰從來沒成功過的電影範疇，大膽講句計往績他亦算得上票房毒藥之列，他在2002年自導自演與郭羨妮合拍的電影《一蚊雞保鑣》，當年無聲無息上映了五日，票房僅得11萬。不過據知今次子華只會負責自編自演，近日更差不多每天都在蕭定一公司與監製陳穎倫開會度橋，據在場人士形容他們每日度橋都笑到不停口，電影的定位會是港產笑片，而不打算在內地上映。果然子華是有一種「邊度跌低，要喺邊度企番起身」的小強精神。

採訪：李森
from:http://hk.apple.nextmedia ... 160428/19589038

【金句１】
「過咗九七，香港唔會有被動嘅嘢出現。」

黃子華揚言香港社會已經令自己笑不出，暫時封咪兩年內不做棟篤笑。要回味子華的表演，當然要睇97年回歸前夕的棟篤笑《秋前算賬》，當中十大金句隱喻香港未來，字字珠璣預示今日政治環境，足可媲美電影《十年》。

金句1：「過咗九七，香港唔會有被動嘅嘢出現。」

香港由「被收回」變成「主動式」的「回歸」。

現況：銅鑼灣書店東主李波及桂民海亦用主動方式返內地協助調查，香港人幾主動！

金句2：「知唔知一國兩制最偉大地方係乜？就係肯承認佢自己個制，真係嚇親人！」

鄧小平明白香港人接受不到共產主義，因而有一國兩制。

現況：鄧公之後的領導人漠視港人感受，在港行一國一制。

金句3：「我識幾個幹部朋友，對我非常好，又請我食飯，又搵隻水警嚟請我遊船河！」

子華提到因認識內地幹部，看醫生不用等。

現況：最近梁特一家將特權用於社會，機場「行李門」事件，引證「特事特辦」預言。

金句4：「如果我哋一齊唔生仔，暴政必亡！」

子華悲觀以玉石俱焚不生仔方式對抗暴政。

現況：可惜中共以每日150個新移民配額抗衡，創造出「新香港人」偽名詞。

金句5：「呢六、七百個名單（支持學運）緊要，識嘅拍一拍手！何鴻燊、李嘉誠……梁振英、曾鈺成。」

子華拿出當年有份登報支持學運的名人名單來宣讀。

現況：有誰能預測到曾鈺成會成為立法會主席，梁振英成為特首。

金句6：「我係絕對唔會懷疑有一日能夠全民轉軚親中嘅能力！」

嘲諷港人功利主義，哪裏有利益就會主動投誠。

現況：今日藝人放敬禮相上網，老闆踩得獎片，目的都是擦鞋。

金句7：「最近睇到報紙介紹二百零呎樓，適合四人小家庭合用。」

子華戲言二百呎樓住四人，不可思議。

現況：更離奇是梁特指月入9,000元的清潔工，可養活一家五口，還有錢剩。

金句8：「我認為喺香港任何人公開宣稱自己愛國，就等於公開宣稱自己係黑社會一樣，應該拉咗佢。」

因為子華覺得太「肉麻」。

現況：有很多「肉麻」的官員、名人口說愛國，背後卻持有外國護照。
from:http://hk.apple.nextmedia ... 160428/19589034

法拉昨日和子華綵排舞台劇，並貼相到Instagram跟大家分享。

男神黃子華和陳法拉的舞台劇《前度》未開售已宣告加場，昨日公開發售24場門票，短短兩小時已被掃清，尖沙嘴通利票站昨早未開門已有逾百人排隊，排頭位的A先生和友人表示，昨凌晨12時已通宵排隊，希望掃齊24場飛，至於排第7位的李小姐坦言是法拉fans，跟朋友抽生死籌，輸了負責排隊。

原來法拉已由紐約返港，昨早在銅鑼灣玩facebook直播：「我返咗嚟香港啦！已經開始綵排咗兩日，今日第三日，一切都好順利，劇本好好玩，今日我唔係嚟行街，其實會去廣東話老師度上堂，今日係第一堂，我差唔多兩年長期喺美國讀書，好少講廣東話，加上廣東話麻麻哋，所以要再練，今日上堂學廣東話，主要讀劇本入面角色嘅嘢，想練到對語言感覺再熟悉啲，廣東話，返嚟啦！」網友留言讚：「廣東話萬歲」。

法拉這兩年在紐約茱莉亞學院（The Juilliard School）修讀戲劇碩士課程，已故喜劇巨匠羅賓威廉斯（Robin Williams）、金像影帝奇雲史帕西（Kevin Spacey）也是該校學生。網上還有一條法拉跟同學上堂短片，她有一秒鏡頭。

法拉昨在fb玩直播，透露為舞台劇學廣東話。

子華（左）為某連鎖快餐廳拍攝廣告面世，網友有讚有彈。

新廣告分享快樂

至於男神子華為某連鎖快餐店拍攝的廣告亦曝光，主題是快樂第一，他在廣告中暗地出手讓陌生人互助、嗌交情侶和好、父親關心女兒，成功製造快樂，網友有讚有彈：「男神好得，不過其實條tagline sell乜嘢product都得」、「拍到黃子華好似死咗！變咗隻鬼，將啲未了嘅心願做番晒咁！」

採訪：羅慧敏
攝影：仇志德

《前度》門票昨日首天公開發售，24場飛短短兩小時被秒殺。

李小姐昨晨早到尖沙嘴通利排隊，順利掃了多張門票。
from:http://hk.apple.nextmedia ... 160519/19617621

黃子華（右圖）和陳法拉綵排完舞台劇後，分別離開唐樓。

男神黃子華和陳法拉主演的舞台劇早前公開發售24場門票，短短兩小時售罄，最近法拉亦由美國學戲歸來正式加入綵排。子華昨午約12時左右，由北角寓所開車到大角嘴，然後將車停泊在一個爛地停車場，當他落車發現有記者在場，表現親民。

之後他一口氣行上六樓唐樓，去到一個叫「水泊劇場」的地方，梯間貼有一個「90Club」的紙、另有一張「假普選方案一定唔袋得」的poster。大約6時許，子華先行離開，記者上前跟子華訪問，他表示進程不錯，問到有甚麼元素，他說：「冇，總之係好睇嘅舞台劇！」半小時後，法拉從唐樓的另一個出口悄悄地離開。

採訪、攝影：黃曉程、梁繼光
from:http://hk.apple.nextmedia ... 160521/19620962