周日（26日），呂方現身都會海逸酒店與經理人會面。雖然受分手一事困擾，但呂仍然笑住對鏡頭。分手後的呂方亦發福不少，雙下巴和肚腩統統現形。
從來，做女強人背後的男人都不好受。51歲的嘟嘟鄭裕玲與46歲呂方的戀情，在女尊男卑之下維持了16年之久，由最初不被外界看好，變成可互補不足的老夫老妻，呂方更坦言去年想過結婚。可惜日前嘟嘟突然宣布分手，轟動娛圈，分手原因眾說紛紜，有傳是呂方有位嫩口第三者，又有指他炒股炒
嘟嘟老本所致。
據一位呂方身邊人透露，多年來呂方和嘟嘟的生活習慣差別太大才是分手主因。一心渴望做住家男人的呂方，多次求婚不果，而踏入更年期的嘟嘟，近半年更加性慾大減，呂方惟有以藥物企圖自我鬆弛，最後谷吓谷吓，更屈到出現情緒病症狀。
二人作息時間不同，近年更陷入房事不協調局面，搞到呂方要靠藥物鎮靜，16年的感情亦因而付諸流水。
宣布分手不夠一星期，嘟嘟便已收拾心情，積極投入工作。周三（22日）更為《翡翠歌星賀台慶》綵排，與草猛及排舞師排舞。記者發現她全程面露笑容，心情尚算輕鬆。
鄭裕玲自上周六單方面宣布與呂方分手，呂方即搬離與她同居多年的淺水灣道Manhattan Tower 寓所，暫時租住面積約500呎，位於紅磡海韻軒的服務式住所。至於呂方一直駕駛由嘟嘟所贈的寶馬房車，雖然是以他名下的「呂方有限公司」持有，但日前他亦已交託朋友駛回嘟嘟的寓所停車場。而連日來嘟嘟亦未有駕駛過，據知她亦有意出售此車，免觸景傷情。
生活作息難協調畢竟拍拖達16年之久，最終分手收場，總有點可惜。對於分手主因，外界有指是呂方結識嫩口第三者，甚至近年迷上炒股的呂方，炒
嘟嘟多年積蓄，以至睇錢大過天的嘟嘟怒掟男友。不過嘟嘟早前曾強調分手是與金錢與地位懸殊無關，「我要強調，分手並不是我嫌佢冇錢、冇地位，如果真係嫌，又點會一齊十六年？呢件事，完全與金錢及第三者無關！」反而嘟嘟就透露了生活作息是問題之一，「他好多朋友，我好少應酬；我特別早起床，他特別夜訓，生活始終唔一樣，去到一個階段，我想過自己生活……」
記者問及有關與呂方分手的問題，嘟嘟也一概不作回應，全程笑住對記者，素顏的她任影唔嬲。
沒有嘟嘟
水，呂方現時以一萬元租住紅磡海韻軒500呎單位（右圖）。周日（26日），呂方與經理人丘亞葵會面後返回寓所，由於傳媒人數眾多，保安亦親自護送呂方返歸。
奧運期間禁慾據一位熟悉呂方的友人透露，多年來呂方都感受到與嘟嘟的生活習慣有分歧，但一直互相戮力遷就，而近半年情況更加嚴重，令他難以忍受，兩人經過多次傾談，亦遷就不來，最終才決定分手。「嘟嘟大女人就係人都知，其實呂方都係大男人，對住個凡事要求咁高、生活又咁有規律、又有潔癖嘅女友，呂方都幾辛苦㗎，最慘嘟嘟進入更年期，已經好少行埋。近半年嘟嘟為咗專心做奧運主持，更加禁慾，呂方無從發洩，自己又冇嘢做，個人好空虛囉！」
自閉屈到病呂方私生活無從發洩，加上他與親人關係亦十分疏離，未能向別人傾訴心事，他惟有借藥物來抑壓情緒。嘟嘟發現後，曾與他為此爭拗過，兩人關係更加惡劣，「呂方同屋企人關係好疏離，連之前開演唱會，都冇俾飛個細妹同屋企人，咁佢遇到問題又點會同屋企人傾呀。谷吓谷吓，咪愈來愈自閉，仲搞到有嘅情緒病
象，成日叫佢出街都話唔好。」知情人士說。
自從嘟嘟宣布分手後，本周日，呂方經理人丘亞葵亦專登相約呂方到紅磡都會海逸酒店傾談良久，商討未來工作計劃外，亦順道關心一下呂方的情緒。
多年來，兩人均同居在嘟嘟的淺水灣Manhattan Tower 寓所，男方過喺半退休生活。
兩人愛享受生活，亦曾多次外遊疏乎，05年就被拍得一同到泰國旅行。
嘟嘟為了替呂方07年初的演唱會谷宣傳，早在06年尾的《翡翠歌星賀台慶》不惜親自出馬，以情侶檔示人，嘟嘟更開金口與他合唱，搶盡不少天王天后鋒頭。
此情不再嘟嘟和呂方同度風雨16載，感覺猶如親人。01年，本刊拍下女方有如阿四一樣，為男友擔遮擋雨。想唔到大女人的嘟嘟竟然如此體貼，反而呂方雙手插袋，此情此景相信不復見。
呂方一直駕駛由嘟嘟所贈的寶馬房車，隨喺兩人分手，現時已交還嘟嘟，停泊在她的淺水灣寓所停車場（右圖）。
嘟嘟消瘦綵排至於嘟嘟依然做回其女強人，生活亦繼續保持規律，照舊到銅鑼灣利園做gym 之外，本周三（29日），她亦精神奕奕到無線電視城為《翡翠歌星賀台慶》綵排。現場所見，她雖然面頰和身形消瘦不少，但分手一事似乎對工作全無影響，相當專業。對於工作上嘅提問，嘟嘟有問必答，但所有有關與呂方分手的事，她則禮貌地表示：「不會再講」。
嘟：你係咪有咩特別嘢問我？
記：有報道話呂方炒
股，令你哋分手！
嘟：其實我唔會再講任何嘢。
記：咁你哋房事不協調呢？
嘟：……總之冇嘢再講啦。
記：其實見你心情都好好呀。
嘟：都係啦。
無線撐呂方對工作相當投入的嘟嘟，坦言「the show must go on 」。至於分手後沒有大靠山的呂方亦要開始自力更生。無線非戲劇組總監何麗全一向與呂方關係不俗，今次亦力撐呂方，向他「雪中送炭」。據知無線將邀呂方拍攝一輯以烹飪為主題，類似現時《蘇Good 》的飲食節目，屆時會邀不少藝人做嘉賓，由呂方教他們煮嘢食。呂方每集可收取近5萬元酬勞，至少可解決燃眉之急。為此何麗全亦承認：「係人都知呂方除咗唱歌好，煮嘢食都好掂，其實個節目已經傾得七七八八，應該出年年頭播啦！」
呂方近年工作量甚少，只在07年開過個唱及拍無線劇《當狗愛上貓》。據知早年呂方炒股賺唔少，凡是5萬元以下的工作都唔接。
白韻琴和謝偉俊相戀達廿年，是圈中一對長青情侶。《壹週刊》圖片
白韻琴：男女關係要協調白韻琴與謝偉俊拍拖二十年，又是女比男方年長十五年的姊弟戀，情況與剛宣布分手的嘟嘟呂方類似，所不同的是白小姐與謝偉俊仍繼續相守。白小姐說：「我覺得我哋都唔似，唔應該只係睇年紀囉。阿Paul （謝偉俊）份人好老成持重、處事又穩重，雖然我年紀大過佢，但我同佢相處咁耐，喺佢面前我有時好似個𡃁妹仔。」說到嘟嘟呂方分手，白小姐說：「梗係有唔協調至分手啦！或者佢哋包容咗對方好耐呢，你哋又點知？到依家唔想再包容，咪分手囉！冰封三呎、非一日之寒呀。男女相處猶如寒天飲雪水，冷暖自知啫。佢哋宣布分手，我仲恭喜佢哋
！
對於女方到達更年期的姊弟戀，在生活習慣，甚至性方面的解決方法，白小姐表示：「仲想喺埋一齊嘅咪就要互相遷就吓囉！唔想一齊嘅，有幾咁協調都會分手嘅啦，係咪？」
醫生：性不協調 惡性循環葵涌醫院精神科顧問余枝勝醫生指出：「性係人際關係嘅一種，性生活唔協調會造成壓力，令人易嬲、緊張同唔開心，長期會形成焦慮症、抑鬱症，會冇胃口、失眠，對其他事完全冇興趣，出現妄想症，甚至有自殺傾向……
「女人接近更年期、正值更年期或者過咗更年期，對性嘅需求可能更少，但男女雙方感情好的話，呢方面可用荷爾蒙治療，解決下陰乾同分泌少嘅問題，或者用外用gel 幫助。況且雙方感情好，會互相體貼同遷就，但如果女方覺得唔需要性，又唔肯遷就對方嘅話，就會嚴重影響雙方感情。就好似食飯咁，一個要食，一個唔想食，唔肯遷就嘅話，一定會出現問題。咁樣惡性循環落去，男方谷到爆、情緒失控嘅話，就一定導至分手。」
《蘋果日報》圖片
男女大不同嘟嘟表示因生活作息不同而選擇和平分手。事實上嘟嘟生活過度規律，每天也按照時間表做人。相反呂方闊佬懶理，凡事無所謂，煙、酒、賭瓣瓣精。
07年，嘟嘟換膚後，頸部嚴重脫皮，出席一公開活動時，相當嚇人。
06年，有傳嘟嘟鼻塌要急救，記者更拍得她鼻孔內有凸起的疤痕。
經過多番改造的嘟嘟，畢竟已51歲，未化妝時的真面目頗為憔悴。
保靚樣大執金錢主義的嘟嘟，亦相當愛美，多年來為保靚樣和keep 住身形，亦不惜大灑金錢。除了堅持到高級健身室做gym 外，亦經常接受果酸換膚美容，企圖去紋去斑，不過就搞到滿面皮屑。連好友兼御用化妝師Felix Ferreira 亦踢爆她換膚過度，「有叫過佢唔好用得咁密，搞到塊面傷晒！」據一位呂方身邊人透露，呂方曾勸過嘟嘟勿太在意保持靚樣而用藥過度，但她未有理會。
此外，多年來嘟嘟整容傳聞不絕於耳，其雙眼、鼻和胸部亦有極大變化。06年就有傳其鼻樑下塌，要定期找醫生急救。
寇鴻萍：「好可惜，但相信嘟嘟已深思熟慮。」
志偉：「唔想理會八卦新聞，兩個人嘅事，第三者冇權去評論，應該尊重佢哋嘅決定。」
甘國亮：「我真係好愛錫佢哋兩個，佢哋都係我好朋友，所以我尊重佢哋，乜都唔講！」
羅家英：「只得兩個字，『可惜』，兩個人一齊16年已經好厲害！」
好友點睇對於嘟嘟和呂方突然分手，其圈中好友都大表愕然和覺得可惜，亦認為兩人已考慮清楚才作決定。
