十月二十日，黎姿響《珠光寶氣》首播節目中突然宣布收山：「我唔會再做訪問，亦唔會出席任何宣傳活動同台慶，我會全面退出。」
事出突然，但黎姿強調退出之決定，得到高層樂易玲支持，不過，無線總經理陳志雲卻回應自己係從記者口中先得知此事。二五報料，早響黎嬰車禍前一年，無線已經同黎姿開始傾談續約，但對方響條件方面一直未有達成共識，加上胞弟車禍意外，黎姿更加意興闌珊，作出退出決定。
二五仲話，老闆娘方逸華對公司高層未有盡力挽留黎姿，感到好不滿，認為有人失職，已經落order ，要陳總做嘢補鑊，想辦法令黎姿回心轉意。
無線老闆方逸華認為有高層失職，未有盡力留低黎姿，令公司失去人才。
去年多次陪伴黎姿到醫院探望黎嬰嘅樂易玲，在公在私，對愛將都十分支持，不過，卻無法打動黎姿簽約。
黎姿指樂易玲事前已知她作出退出決定，但陳志雲卻獲最高層指示，要親自約見黎姿，作進一步商討。（《忽然1周》圖片）
因為胞弟意外昏迷，黎姿請假，令《珠光寶氣》進度受阻，其時，同劇李司棋亦因此無法飛加拿大出席女兒婚禮。
