鄭嘉穎棄車改買平樓

鄭嘉穎棄車改買平樓
  
鄭嘉穎昨日以主禮嘉賓身份，在屯門出席越野車隊巡遊活動。在活動進行期間，鄭嘉穎聽到司儀李麗蕊介紹「鄭生」時便匆匆上台，誰知此鄭不同彼鄭，原來李麗蕊想邀請車行高層鄭生上台，令嘉穎一臉尷尬地走回座位。
「水浸車整番好」

鄭嘉穎（左）和背後的汽車公司高層鄭生發生誤會，令嘉穎到冇面見人。
事後嘉穎說：「真係爆，我諗住快啲上台做完儀式，跟住做訪問，點知搞成咁。」他表示本身對越野車有興趣，他說：「遲啲我會拍古裝劇，如果揸越野車去啲崎嶇山路拍外景會方便啲。」不過嘉穎除了想買車外，又計劃買樓，他說：「其實我唔係玩車嘅人，車係要有，但係唔會買嚟儲，所以有時會諗之前俾水浸過架車又整番好，不如儲番啲錢趁樓價低買樓。」採訪、攝影：何慧斯
 

嘉穎表示對越野車有興趣，因為方便揸車去崎嶇山路拍外景。