昨日46歲生日的鄭嘉穎和24歲港姐冠軍陳凱琳因為拍劇撻著，兩人今年6月被拍到在巴黎預支蜜月返港，有指嘉穎為冧女友，特別人肉速遞到當地為陳凱琳提早慶生，可是兩人拍拖回港後，陳凱琳竟是隨嘉穎返其大坑寓所宿一宵，翌日才返自己家。戀情浮面，嘉穎今年6底開腔承認這段父女戀。嘉穎昨日牛一，女友陳凱琳就隔空送萌B冧爆對方。
陳凱琳昨凌晨在Ig貼出萌B照，被取笑要給嘉穎送B。
今年6月嘉穎為陳凱琳慶祝生日而爆出戀情。
資料圖片
「禮物已有好好安排」
壽星仔嘉穎昨在橫店拍劇，今年是他拍拖後首個生日，但卻未能跟女友共度二人世界。陳凱琳昨日在屯門出席twist專門店開幕，大會送上情侶𠼦，熱戀的陳凱琳很合用，問可會用情侶鈪箍實嘉穎？她笑說：「都好喎，呢份禮物好有意義。」
陳凱琳自爆昨凌晨12時便致電嘉穎講Happy Birthday，真人發聲冧壽星仔，其實陳凱琳也準備好生日禮物：「等佢返香港見面先畀，禮物係買嘅，乜嘢就係秘密，總之係一份有意思嘅禮物，要親手畀先至好。」情侶戒指嗎？她只說：「總之禮物我已有好好安排。」
陳凱琳昨日凌晨還於Instagram貼出滿嘴忌廉的萌B照，留言是蛋糕圖案和紅心，莫非暗示送BB給男友驚喜。問到嘉穎可會趁空檔請假返港收禮？陳凱琳則說：「佢要拍戲，我都要開廠，拍到12月中。」雖然未能陪男友慶生，陳凱琳並不失望：「有event做都好開心。」陳凱琳認為工作要緊，她會待男友返港再食飯補祝。可有掛住嘉穎？她說：「好彩有工開，有嘢做，attention就唔喺佢身上。」
採訪：王連連
from:
http://hk.apple.nextmedia ... 150816/19257364
