鄭嘉穎開放大宅自出自入借碟媾陳凱琳

1^# 大中小 young 發表於 2015-4-5 14:46 發短消息

現年45歲的鄭嘉穎今年元旦日跟巨咪女在夜場咀嘴的新聞記憶猶新，但已成歷史，有傳他跟「民選」港姐、23歲陳凱琳（Grace）拍拖。有報導指上週他們一起出席完在灣仔會展舉行的影視博覽後，雙方分頭離開，再前後腳回到嘉穎位於大坑的豪宅會合，逗留個多小時後，又一同坐七人車回到將軍澳的電視城開工，但就扮作互不熟悉。

傳聞指他們因為合作拍攝新劇《殭》片而撻著兩個月，不拘言笑的嘉穎鍾意Grace純真無邪，而Grace則喜歡男方成熟穩重，兩人在劇中有感情線，想不到戲假情真。有指為免戀情見光死，雙方協議扮作不熟悉，亦不會一同外出，據知Grace已不止一次到過嘉穎住所。

嘉穎說擇偶條件不考年齡，最緊要啱傾。

Kay笑言嘉穎跟凱琳是俊男美女，非常匹配。

港姐陳凱琳的演投備受肯定，在《殭》劇中跟嘉穎有感情線。互聯網圖片
「乜都係朋友開始」

嘉穎昨日在將軍澳電視城準備開工時，被追問戀情時有備而來，他笑言報導者的想像力豐富，他說：「可以嚟公司做編劇，其實嗰日同Grace去完影視博覽，之後我仲有嘢做，Grace好上進想睇多啲戲，咁啱小弟DVD存貨多，咪叫佢嚟我屋企攞，話會有人開門畀佢。」他笑言唐詩詠、馬國明等不少人都是家中常客，被問到發展機會時，他並未否認，更說：「乜嘢都係由朋友開始，年紀唔係主要考慮因素，timing同溝唔溝通到好重要。」嘉穎表示做這行所以不擔心再見到Grace時會尷尬，他補充說：「任何事都係從朋友開始，發展機會我又唔可以講得咁死，大家只係朋友，未開始你就嚇親人，小弟真係要孤獨終老。」

有份拍攝《殭》劇的謝安琪（Kay）昨日出席活動時，被問到嘉穎跟Grace的戀情時，她笑言沒有留意，不過拍攝時非常融洽，但就不覺二人眉目傳情，她說：「凱琳本身好活潑，但冇留意佢哋有冇特別傾偈，佢哋劇中有感情線，好俊美一對。」

採訪、攝影：溫敏芝
from:http://hk.apple.nextmedia.com/entertainment/art/20150403/19099732

廷伸閱讀/相關主題推介:

相關主題:鄭嘉穎陳凱琳

如果您喜歡這篇文章，請按「讚」或分享給您的朋友，以示鼓勵。

TOP

2^# 大中小 young 發表於 2015-4-10 15:14 發短消息

心有靈犀齊話由朋友開始陳凱琳冧讚鄭嘉穎

陳凱琳昨日公開擇偶條件，要對其家人及朋友好。

現年45歲的鄭嘉穎和23歲的陳凱琳（Grace）最近合作新劇被指暗撻兩個月，Grace被拍到素顏出入鄭嘉穎大坑豪宅Y.I，似乎是證據確鑿，不過，鄭嘉穎日前已否認，但他表示「任何事都係從朋友開始，發展機會我又唔可以講得咁死」，而女主角Grace昨日在觀塘現身，隨即被追問一連串有關鄭嘉穎的問題，當被問到跟鄭嘉穎有冇發展機會，她也說大家可以從朋友開始，更大讚對方工作態度好，又會照顧新演員，Grace說：「謝安琪第一次拍戲，都算係新人，嘉穎都有睇playback畀意見。」

陳凱琳稱不會因與鄭嘉穎傳緋聞而避嫌。資料圖片

陳凱琳與眾拍檔同fans聚會，各自拿着角色名牌。

「年齡唔係問題」

Grace忽然跟鄭嘉穎傳緋聞，男方已經替她解畫指對方只是借碟，而Grace未有再詳細解釋，她表示跟鄭嘉穎只是朋友關係，至於未來男友比自己大20年會不會介意？她說：「年齡唔係問題，好多例子年齡差別大都冇問題，贊成唔好因為年齡差距去搵另一半。」與嘉穎傳緋聞之後，Grace表示不會因此避嫌，雖然現在各有各忙，她透露之後之可能會相約一班朋友一齊看戲。

單身的Grace更公開擇偶條件，她說：「最緊要對家人同朋友好，唔使做太多花巧嘢，相處就睇到個人性格吸唔吸引。」鄭嘉穎以往曾與周麗淇、佘詩曼及徐靖雯等人傳緋聞，Grace被問到若男方緋聞太多會否影響跟對方進一步發展，Grace大方說：「唔會，每個人都有過去嘅感情。」

採訪、攝影：張俊銘
from:http://hk.apple.nextmedia ... 150405/19101874

TOP

3^# 大中小 young 發表於 2015-4-10 15:26 發短消息

陳凱琳隨時被飛出處女黨

45歲嘅鄭嘉穎係鑽石王老五定係花花公子？真係好難界定，佢同好多女藝人傳過緋聞，最新一個就係陳凱琳，早日有報道話佢上咗嘉穎屋企兩個鐘，但當事人話只係去借碟，冇事發生過。貴為處女黨新成員嘅陳凱琳，唔知會唔會喺處女黨個名冊度除名呢？噚日有雜誌訪問咗陳凱琳，佢話唔怕，不過佢又話嗰兩個鐘絕對唔係孤男寡女，有工人在場，仲話唔使特別去澄清嘅！

撰文：馮仁昭

馮仁昭
from:http://hk.apple.nextmedia ... 150406/19102613

TOP

4^# 大中小 young 發表於 2015-4-16 12:26 發短消息

陳凱琳被指主動咀嘉穎

陳凱琳與鄭嘉穎的緋聞越傳越烈。資料圖片
現年23歲的港姐冠軍陳凱琳，最近獲力捧成為花旦之一，她一上位便收服不少裙下之臣，最近盛傳她情傾比她年長22年、現年45歲的鄭嘉穎，有指二人暗交兩個月，早前陳凱琳更被拍到上男方家，事後鄭嘉穎出口護花，聲稱陳凱琳上自己屋企借碟，二人異口同聲由朋友開始，同時沒有否認有發展機會。

昨日有報道指鄭嘉穎與陳凱琳在《殭》片中戲假情真，他們日前在薄扶林道拍攝一場咀嘴戲份，陳凱琳主動用雙手攬着嘉穎頸背，合起雙眼獻吻，表現自然投入，陳凱琳更不時蹺實嘉穎又用電眼冧對方。報道又爆料指除了鄭嘉穎，同劇的陳山聰與黃又南亦曾經獻殷勤力追陳凱琳，但最終也不敵鄭嘉穎。

撰文：栐仁
from:http://hk.apple.nextmedia ... 150415/19112672

TOP

5^# 大中小 young 發表於 2015-4-16 12:51 發短消息

爭女三人組出埠嘉穎唔睬陳凱琳

鄭嘉穎喺現場記者再三要求下，先肯同Grace合照。

女神陳凱琳（Grace）最近得到唔少單身男士寵愛，先有陳山聰和黃又南，最新緋聞男友係上門借碟爆出戀聞嘅鄭嘉穎，佢噚日出發去荷蘭為新劇拍外景，幾個緋聞男友竟然都有同行，一朝早Grace、山聰和又南到達會合大隊，嘉穎喺人齊之後出現，現場記者邀請四緋聞男女大合照，嘉穎表現抗拒，喺再三要求下佢先肯合照，佢同Grace全程仲係零交流，搞到Grace不知幾尷尬。

謝安琪第一次拍劇，就要飛到荷蘭拍外景。

Grace：最重要係夾

Grace俾人話佢電暈嘉穎：「唔知點講，拍劇啫，大家係朋友。」仲俾人話係「父女戀」，Grace話：「兩個人嘅關係最重要係喺一齊舒服同夾，年齡唔會睇得咁唔開。」又南同山聰被指追女不遂，又南否認做「柴可夫」，亦冇車過對方；山聰仲斬釘截鐵咁話：「我哋只係同事，make sure冇可能。」

嘉穎搞到場面咁尷尬，但係佢就覺得唔尷尬，講到父女戀，佢話冇所謂。謝安琪知道「穎琳戀」炒得好熱：「如果真嘅，會替佢開心，佢孤單寡佬，有戀愛會開心啲。」另外，嘉穎舊愛王馨平話知道呢單緋聞，但係佢選擇封嘴。

撰文：馮仁昭

馮仁昭
from:http://hk.apple.nextmedia ... 150416/19113872

TOP

6^# 大中小 young 發表於 2015-4-21 15:37 發短消息

聞嘉穎父女戀開綠燈Niki：咁得意？

鄭嘉穎近日與年輕21載的陳凱琳傳父女戀。

資料圖片
現年45歲的鄭嘉穎近日與23歲陳凱琳被傳撻着，身為鄭嘉穎舊愛的周麗淇（Niki）昨與樂基兒（Gaile）、王曼喜等出席金鐘太古廣場舉行的Tory Burch泳裝Pop-Up Store活動，記者追問Niki對舊愛與陳凱琳鬧父女戀時，雖指自己沒有留意香港新聞十分out，但對舊愛新戀情仍處處表現關心。

對於嘉穎新戀情被指是父女戀，Niki笑說：「唔知，我講乜都係唔係咁好。」問她可知誰是陳凱琳時，Niki大讚對方說：「港姐、靚女，我有見過佢同佢傾過，不過我𠵱家點講都係唔係咁好。」說罷她表現關心的反問記者嘉穎如何回應父女戀問題，當她獲悉嘉穎表示不排除有發展空間時，Niki笑謂：「咁得意？呢個係比較穩陣答案，希望佢開心。」

周麗淇祝福有新戀情的舊愛鄭嘉穎開心，並大讚陳凱琳靚女，認真大方。

吉隆坡返港的Danielle昨日亦有現身活動。

樂基兒對前夫黎明的減肥方法完全摸不着頭腦。

Gaile唔明黎明減肥法

Niki表示自己因腳傷推劇，目前仍在休息，記者笑指她多了時間與徐正曦拍拖，Niki卻說：「拍拖唔使時間，自己反而多時間照顧家姐。」同場的Gaile近日清減不少，對於早前其前夫黎明亦成功減磅，並公開食火龍果和靜坐半小時「唔郁」減肥心得，Gaile表示「冇聽過」，黎明亦未試過教她這種減肥方法。問會否嘗試前夫這方法減磅？Gaile笑謂：「我都唔明佢做乜。」對黎明減肥成功，她表示沒留意不清楚，但就笑住恭喜對方。

採訪：盧妹
攝影：葉君海
from:http://hk.apple.nextmedia ... 150417/19115077

TOP

7^# 大中小 young 發表於 2015-5-17 01:05 發短消息

被指靜靜雞探班獻殷勤陳凱琳：嘉穎係好男仔

陳凱琳入行兩年，得到不少友誼和一段緋聞。

富家女港姐陳凱琳（Grace）因主動上門借碟被指跟鄭嘉穎爆「父女戀」，事後例牌否認，不過女方表明不介意年齡差距，最緊要是有感覺，有溝通，至於鑽石王老五鄭嘉穎對這段情都有保留發展的空間。

上月中陳凱琳與鄭嘉穎被安排飛到荷蘭為新劇拍外景，果然拍拖消息不絕於耳，在拍外景期間，Grace被指離群玩獨立，口口聲聲要返房背稿，其實靜靜雞去探班，又有意無意等鄭嘉穎收工，主動大獻殷勤，令幕後工作人員亦大感好奇。

陳凱琳上月中與鄭嘉穎被安排飛到荷蘭為新劇取景。資料圖片
住單人房保私隱

昨日陳凱琳在尖東香格里拉酒店出席港姐活動，被追問在荷蘭拍外景時，「父女戀」緋聞再升溫，她說：「我諗好多人對呢種新聞有興趣，我哋兩個都係朋友，唔使諗咁多嘅。我同佢認識，覺得佢係個幾好嘅男仔，我好尊重佢工作態度，對人態度都幾好。」Grace被問到是不是揀選單人房方便約會？她說：「我覺得要有私隱，我之前去橫店都係自己一個人一間房，呢個係我自己嘅習慣，唔想朝早起身阻到人同埋嘈到人。」至於被拍到等鄭嘉穎才入閘，她解釋說：「其實我哋係一班人，要影到我哋兩個都有辦法。」

蔡思貝跟周志文曾經傳出緋聞，不過對他被炒一事表示不清楚。

另一個緋聞女神蔡思貝被問到緋聞男友周志文因媾女被無綫炒魷一事，她說：「我有睇報道，呢啲係其他人嘅事，呢啲跟隨公司安排，如果係真都需要時間去沉澱吓。」雖然當日拖手互餵糖水，蔡思貝否認周志文曾經追她，她說：「我覺得冇，係朋友。」至於好友Grace的緋聞，她不欲多談，她表示Grace跟大夥兒關係好好，一齊出去食嘢。但是，據報道指Grace多次拒絕同行，玩失蹤。

撰文：非非
from:http://hk.apple.nextmedia ... 150508/19139778

TOP