GetJetso Facebook 專頁
發新話題 Report thanks

陳凱琳愁樣陪家人睇急症

1# 大 中 小 young 發表於 2016-4-14 00:55  發短消息
相關主題: 陳凱琳
陳凱琳愁樣陪家人睇急症圖片1
出身豪門嘅2013年港姐冠軍陳凱琳，前晚同家人現身伊利沙伯醫院急症室，但原來唔係陳凱琳唔舒服，而係佢嘅親友身體不適，夜麻麻要到醫院急症室照X光，佢關心親友嘅舉動就俾本報讀者「爆相爆片」發現。

病床前冇離開

據讀者表示，前晚約10點幾喺伊利沙伯醫院遇見陳凱琳，當時戴住口罩嘅佢一身黑衫企喺病床前，而入院接受治療嘅親友就換咗X光袍，等緊醫護人員安排做X光檢查，陳凱琳同其他家人就陪喺身邊，喺病床前細心照顧。至於陳凱琳嘅男友鄭嘉穎就唔喺身邊，之前傳出陳爸爸似乎未接受嘉穎，唔知係咪咁嘅原因，嘉穎冇現身陪伴呢？
陳凱琳愁樣陪家人睇急症圖片2
陳凱琳親友照完X光，可以自己離開醫院。

其間陳凱琳對等緊照X光嘅親友又攬又錫，個樣顯得有啲擔心，仲不停耷低頭㩒手機，可能係向未有到場嘅男友鄭嘉穎報告緊，之後陳凱琳同家人喺醫院逗留咗半粒鐘就先行離開，至於接受完X光檢查嘅親友稍後就換衫離開，讀者話見到對方行得走得，估計身體冇乜大礙，祝佢早日康復。
from:http://hk.apple.nextmedia ... 160412/19567032

TOP

2# 大 中 小 young 發表於 2016-4-22 16:34  發短消息

陳凱琳諗定加國結婚

陳凱琳愁樣陪家人睇急症圖片3
陳凱琳昨晚在灣仔出席加拿大樓盤預售會，坦言希望將來返加國辦婚禮。
陳凱琳愁樣陪家人睇急症圖片4
顏子菲（左）昨晚身穿白色短裙騷美腿。

陳凱琳（Grace）和顏子菲昨日在灣仔出席加拿大溫哥華豪邸預售會，Grace從小在加拿大生活，她坦言將來結婚生仔，希望可以返加拿大，加上有很多朋友在當地。

問Grace有否與男友鄭嘉穎商量？她笑說：「𠵱家咪知囉，不過呢啲係將來嘅事，順其自然，我冇諗，只係計劃會有家庭同小朋友。」問二人有否共識？Grace說：「我哋有共識，我覺得可以慢慢嚟，只不過拍咗拖一年，可以長遠少少睇吓。」

再問嘉穎會否同意？Grace說：「我諗話返去結婚應該冇問題，始終喺香港會擺酒，不過去到嗰一步先再傾。」至於嘉穎會否為婚事着急？Grace則笑稱要問他本人。

採訪：黃曉妍
攝影：陳志嵐
from:http://hk.apple.nextmedia ... 160419/19576660

TOP

thanks