黎姿退出娛樂圈後，專心照顧家人及打理胞弟的美容院生意。其實黎姿早已四出兜生意，其中林保怡和鄭嘉穎也是其招手目標，她力數二人眼袋大及多魚尾紋，推介他們做美容手術。
鄭嘉穎、黃宗澤及王喜前晚在將軍澳工業村，拍攝無線劇集《烈火雄心III 》一場化學品倉庫爆炸戲外景。鄭嘉穎在接受訪問提及黎姿退出娛樂圈，他說：「之前有個活動同黎姿一齊，佢都話唔拍戲住想休息吓先，我當時都覺得佢咁講有啲奇，不過大家應該尊重佢嘅決定，佢一定想得好清楚，相信大家會祝福佢。」
魚尾紋旺桃花鄭嘉穎又指黎姿為美容院四圍兜生意，他說：「之前黎姿同林保怡講，話佢嘅眼袋好大，叫佢去做眼袋抽脂。黎姿又話我魚尾紋多，叫我去打Botox 。不過男仔好少理美容啲嘢，最多咪做facial ，呢樣就容易接受啲，至於打Botox 就考慮吓先。」記者問黎姿是否早已為生意鋪後路？嘉穎表示，她十分專心打理生意，可見她很緊張，相信黎姿不用鋪後路也會做好美容生意。在旁的黃宗澤則搭口說：「我話嘉穎咁靚仔就唔使整，魚尾紋多代表人緣好。」鄭嘉穎有感而發地說：「年紀大就越嚟越多，不過做呢行要有桃花好啲，但係又唔好咁多。」
其實黃宗澤同是貪靚之人，他笑說：「人哋話我有三白眼，咁冇得整，男仔有啲瑕疪man 啲，唔好太完美，咁只會似個公仔。」
另外，前晚在拍攝前記者要求鄭嘉穎、黃宗澤及王喜影合照，不過王喜在二人面前經過，卻未有停步直入外景場地，令在等候和他合照的嘉穎及宗澤也為之愕然，場面有些尷尬。
Botox 消魚尾紋
魚尾紋越來越多的鄭嘉穎，大爆黎姿向她兜生意。
抽脂除眼袋
林保怡被黎姿指他眼袋太大。資料圖片
袁潔瑩送祝福
三白眼冇得救
黃宗澤自揭有三白眼，但覺得有缺陷才夠man 。
另一方面，袁潔瑩前晚出席積家錶活動時，問到對於當年同是新藝城門下的師妹黎姿退出娛樂圈，她說：「見到報道都戥佢開心，佢唔係冇方向退出，係照顧細佬同打理生意，係應該，女人到某個時候想轉。」問到她會否亦有意退出，她說：「有呢個打算都唔係今日事，只係自己從來都唔會講，將來有戲拍咪自打嘴巴。」
採訪：楊潔雯、羅慧敏
攝影：陳俊強
黎姿宣佈退出娛圈前，已不斷向男藝人推介美容院的服務。
