佘詩曼同鄭嘉穎撻著，全電視城都知，偏偏身為女友嘅周麗淇（Niki ）唔知，難怪阿佘都忍唔住寸佢：「估唔到個女仔咁蠢，乜都唔知，其實佢男友一向都花心㗎啦。」
鄭嘉穎同Niki 拍拖五年期間，其實唔單止偷嗒過阿佘，早於03年二人拍拖時，男方仍然同發展緊「姊弟戀」嘅鄧萃雯藕斷絲連。男方更會借工作為名，親近合作對手，再趁Niki 出埠期間，帶同其他女星如曹敏莉、陳敏之等返家談心。近年則借排舞為名，親近《舞動奇跡》的舞伴胡杏兒，最終幾乎令佢同黃宗澤反面成仇。
9月24日，鄭嘉穎同阿佘一齊出席宣傳活動，被記者追問23日晚「屈佘入屋」一事，自此二人再沒有同場。鄭嘉穎其後被網民封為「賤男」，阿佘則榮登「緋聞女王」的寶座。
自從上月鄭嘉穎「屈佘入屋」，遇上百年一遇的水浸而驚動男方的鄰居後，鄭嘉穎與Niki 的五年情亦同時宣告玩完。近日仍在拍攝《桌球天王》的Niki 顯得無厘神氣，有該劇的幕後人員更表示：「佢呢排唔肯食嘢，瘦到見骨，有次仲拍拍吓劇暈咗要入醫院，搞到『冧廠』！仲影響埋拍攝進度，真係麻煩！」
男友被撬梗係冇心機，但據Niki 身邊的朋友指，佢唔開心係因為散咗之後，先知道男友唔淨止得一個第三者，驚聞真相嘅Niki 當堂謝晒。
「屈佘車」再現
拍拖年份：03-08 周麗淇
二人於03年因合作《翡翠戀曲》撻著，至06年戀情才廣為人知，亦間接令鄭嘉穎的緋聞銳減。
本周二（10月7日），周麗淇於新城電台接受訪問。記者問佢知否鄭嘉穎劈腿。
記： 佢同鄧萃雯拍過拖？
周： 唔知呀。
記： 佢同陳敏之同曹敏莉傳過緋聞？
周： 唔知。
記： 仲有胡杏兒？
周： ……（唔答）
記： 你同佢拍拖咁耐，乜都唔知，你覺唔覺得自己好蠢？
拍拖年份：02-04 鄧萃雯
因為合作《Loving You 我愛你》而擦出愛火花。後來精明的鄧萃雯發現男友有好多女性密友，戀情才不了了之。
鄭嘉穎入行以來眾多緋聞中，最為人所知的肯定是94年與王馨平的一段戀情。有傳鄭嘉穎後來有機會到台灣發展，都係由王馨平搭路。
高峰期：一腳踏四船
據Niki 的好友指：「一直以嚟Niki 都覺得嘉穎好乖仔，所以拍咗拖五年，都冇諗過佢會有第個。其實佢同嘉穎啱啱拍拖嗰陣，嘉穎同鄧萃雯都未散，只係佢懵閉閉唔知啫。」
據知，早於02年鄭嘉穎已經同大佢七年的鄧萃雯拍拖。二人關係更去到會去對方屋企談心至通宵達旦嘅階段。當時鄧萃雯間教會嘅教友，甚至見過鄭嘉穎陪鄧萃雯返崇拜。後來因為Niki 介入，鄧萃雯先對鄭嘉穎心淡而提出分手。
雖然鄭嘉穎冧掂Niki ，Niki 又出名黐身，但身為「地下𠝹女王」的鄭嘉穎仍然有計繼續溝女。知情者指佢會趁住Niki 出埠時四出搵食。04年尾，周麗淇因為接了碧柔及Pantene 洗髮產品的廣告及電影《愛．作戰》,，要多次飛往曼谷及日本，鄭嘉穎就趁機向同屬一個經理人的陳敏之埋手。可惜東窗事發，被傳媒影到陳敏之夜晚喺鄭嘉穎屋企出嚟。事後鄭嘉穎立即預早向Niki 報定案，話：「你唔好誤會，陳敏之係我契妹嚟㗎咋！」咁又俾佢過到骨，可憐一直唔知鄭嘉穎同Niki 拍緊拖嘅陳敏之四圍同人哭訴，高呼：「佢玩我呀！」最後兩人連朋友都冇得做。
知情者指：「其實受害人唔只得陳敏之一個，曹敏莉都有份。只係曹敏莉發現得早，晨早同佢分手啫！」
辣身舞溝女
06年，鄭嘉穎同Niki 的戀情由暗轉明，亦令鄭嘉穎較少向圈中人埋手。可是因為男方人氣冒升，工作量增加，二人的感情轉淡，也造就鄭嘉穎重新向圈中女星埋手機會。
一直同黃宗澤發展地下情的胡杏兒，07年尾因為要同鄭嘉穎做partner，參加湖南衛視舉行的《舞動奇跡》，二人因為排舞朝夕相見，多身體接觸下最終生出情愫。
知情者指：「有段時間，鄭嘉穎見胡杏兒仲多過見Niki ，Niki唔係冇埋怨過，但鄭嘉穎一推落工作度，就連Niki 都冇符。鄭嘉穎同胡杏兒日對夜對，點會唔出事啊。」
據悉，起初鄭嘉穎同胡杏兒排舞時，都有大班舞蹈教師幫佢哋練，但因為練極都唔好，鄭嘉穎提出想同胡杏兒加時排舞，後來更發展成單獨約會。事件更驚動黃宗澤，幾乎令兩位小生反目。
知情者指：「呢輪鄭嘉穎同黃宗澤都要拍《烈火雄心III 》，黃宗澤就寧願同王喜玩都唔理鄭嘉穎。所以早排啲人問佢有關鄭嘉穎同阿佘嘅緋聞時，佢真係開心到忍唔住笑！」
陳敏之：我唔係佢杯茶
就鄭嘉穎五年溝六女一事，記者訪問當事人之一的陳敏之。本周三（10月8日），陳敏之出席手提電腦的發佈會時，被問及同鄭嘉穎的關係，佢直言大家好熟。
陳：我曾經同佢跟同一個經理人，佢住西貢我住將軍澳，好近，所以成日一齊玩。我哋仲合作過三四套劇，所以好friend 。
記：我哋收到消息話佢追過你，你仲喊晒咁話佢呃你！
陳：（神色一變）冇！我唔係佢杯茶，我同佢冇發生過啲乜嘢，我當佢係哥哥咋！
記：但有人影過你夜晚喺佢屋企出嚟。
陳：仲有其他人㗎，實情唔係報道咁嘅！
而另一位當事人曹敏莉亦照例否認，但就答到模稜兩可：「唔……可以講冇啦……我哋冇拍過拖。」
拍拖年份：04 曹敏莉
04年6月二人合作為法國婚紗拍攝婚紗照後撻著，可是一直誤以為對方是單身的曹敏莉，發現鄭嘉穎同周麗淇拍緊拖，故很早結束戀情。
拍攝這輯婚紗照時，鄭嘉穎緊張到全身標汗，要攝影師提醒佢放鬆。佢仲大讚對手曹敏莉：「香港小姐梗靚喇！」又識扮怕醜又識賣口乖，難怪冧得掂曹敏莉啦！
拍拖年份：04-05 陳敏之
因份屬同一經理人，故見面機會多而撻著。戀情拖拖拉拉了近兩年才和平分開。自此之後鄭對她的態度有所改變。
05年friend 到爆
陳敏之與鄭嘉穎曾於多套電視劇中合作。05年他們拍《飛短留長父子兵》經常糖黐豆玩埋一齊，感情極好。《蘋果日報》圖片
鄭嘉穎男女都受
鄭嘉穎的怕醜仔性格，不單吸引無數女星埋身，甘心與他大玩地下情，令他成為圈中另一個溝女王。近年練得一身胸肌的他，更大受基界中人歡迎。去年三月他出席一個慶功宴時，被一班女公關圍住爭影合照，點知席間遇上陳圖安（左），對方一見只穿皮背心騷晒肌肉的嘉穎，即興奮忘我蹺實佢對手，難得的是嘉穎唔抗拒，照單全收。
鄭嘉穎態度依舊
至於男主角鄭嘉穎，可能因為近排俾人問得緋聞多，回應記者時顯得從容鎮定。
記：呢輪你有咁多緋聞，心情係點？
鄭：好平靜，緋聞係每個藝人必須經歷，先會懂得處理。
記：你同Niki 來往嘅五年間都有好多緋聞，好似陳敏之、鄧萃雯……
鄭：（搶住答）我唔會理啲周刊點寫，因為我控制唔到，所以唔會特別嬲。呢啲報道實在太無聊！
記：前兩日胡杏兒喺電台度話曾經同你單獨去唱K ，你哋拍拖？
鄭：（神色一變）吓，胡杏兒？又傳呀？又有新聞呀？
這時他身邊的經理人即刻「喂」佢。鄭嘉穎指住經理人繼續答：「佢『喂』我，叫我唔好答，其實佢都唔使『喂』，我都知點答啦。唔怕，我哋係好朋友，好熟㗎！
記：咁你有冇打過電話俾Niki ？
鄭：（好認真）我係有打過俾佢，但唔係成日打，我只係想安慰佢，慰問佢啫。（想追番佢）係咁多啦，我講嘅係咁多啦。
鄭嘉穎緋聞多，但周麗淇其實都唔少。06年，有傳媒影到佢同一名叫Jordan 的男子結伴夜蒲。原來各有各玩，難怪鄭嘉穎有咁多密友佢都唔知啦。
拍拖年份：08年至現在 佘詩曼
有指二人因為都是夜店《Basement 》的常客而撻著。據知雖然戀情曝光，但二人仍保持聯絡，感情未變。
本周一（10月6日），佘詩曼自緋聞後首次復工，與黃子華合作拍攝無線劇集《企業醫生》的外景。現場所見，她似乎不受緋聞影響，果真經驗豐富。
玩低調
收工後，阿佘第一時間飛返屋企。至傍晚七點，竟獨自開車去買麥當勞外賣。冇辦法，咁多人追訪住佢，唔通叫鄭嘉穎買俾佢咩！
阿佘一向都係揸黑色Benz 跑車，但當日佢竟然揸住部保母車，相信係唔想俾屋企門外嘅記者發現。
拍拖年份：07年底至08年中 胡杏兒
二人在《舞動奇跡》中合作而成為好朋友。日前胡杏兒接受電台訪問時，更親口表示曾經同鄭嘉穎單獨去唱K 。
勁尷尬
無線重頭劇《烈火雄心III 》，三位當事人鄭嘉穎、胡杏兒同黃宗澤都有份主演。上月中，三人難得同場，被記者叫埋一齊影相。兩男爭一女，結果得個嬲字。
因為要參加《舞動奇跡》，鄭嘉穎同胡杏兒呢對參賽者要經常一起排舞。二人互相鼓勵，終成為要好密友。《蘋果日報》圖片
樂易玲打救
「佘穎戀」曝光後，兩人形象插水，網民以「賤男」、「姣佘」稱呼兩人。身為無線高層嘅樂易玲，眼見契仔兼愛將嘅鄭嘉穎四面受敵，即時出手、出口救亡，希望令他繼續穩坐一線小生之位。近日有指無線借勢將鄭嘉穎同阿佘塑造成情侶檔賺錢，更安排兩人合演新劇《劉三好》，明顯力撐嘉穎到底。
不過，緋聞令為鄭嘉穎度身訂造嘅劇集《與敵同行》收視下挫，得27點，只係稍稍好過倉底劇《搜神傳》。冇法啦，香港女人最難接受一腳踏兩船。如果唔係，《家好月圓》又點會咁好收啊！
本周三（10月8日），鄭嘉穎現身新城電台接受訪問。現場記者問佢即將同阿佘合作無線重頭劇《劉三好》會否尷尬時，佢表示：「唔尷尬，大家係同事，冇俾緋聞影響。」轉個頭佢即轉換話題：「呢排股災蝕咗我好多錢，成七位數字，都係專注賺錢好啲。」
本周二（10月7日），鄭嘉穎前往柴灣工業城拍無線的賀年曆照。因為屈佘遇著水浸，令佢部Golf GTI 被浸壞，故要揸番部舊嘅Mini Cooper 。
後來他開車去了赫德道，原來係去嗱番部Golf GTI 。
