寰宇老闆林小明鬧婚變，江若琳成為禍水，為證清白，日日喊到眼淚黃豆咁大粒，又話可以同公司解約以洗狐狸形象，江母更出示存款$58銀行存摺，力證乖女冇人照。
銀行冇儲蓄，不過本刊查獲江若琳係富貴美容院熟客，豪擲18,000蚊一個人參敷面美容療程眼都唔眨。窮家女有破綻，連電視劇《學警狙擊》拍檔吳卓羲都忍唔住話唔信江若琳咁貧困，做明星仲窮過人
返老麥，誇喎！
案發現場
今年4月3日本刊影到江若琳去闊太常幫襯美容院做療程，亦當日撞到同時在該美容院做緊facial 寰宇老闆娘趙雪英，老闆娘口中講帶埋成班記者做大龍鳳應該指呢次！
上週五（26日）江若琳上午11點接受查小欣電台訪問時喊足成粒鐘，轉頭下午出席活動時都仲識笑完又接住再喊，咁專業唔撈娛樂圈你喇！
之前趙雪英
阿Sa 新書簽名會中發表「引蛇入屋」論，不過上週五（26日），趙雪英已透過代表律師發聲明話自己無意拖江若琳落水，仲話以後唔再回應有關江若琳的傳聞。
為證明女兒冇被特別照顧，江媽早前主動向雜誌出示銀行存摺，證明銀行存款試過用剩$58，不過江媽曾任國際學校老師兼家住市值約300萬的天后廟道百福花園，中產家庭使唔使咁刻苦呀！
江若琳跟老闆林小明婚變扯上關係，上週五（26日）親上查小欣商台節目喊住回應，三個鐘後出席活動對住報紙雜誌記者又喊多次，轉個頭再聲淚俱下接受電視台訪問，喊到眼腫都係為
澄清同老闆林小明關係，努力挽救蒸餾水形象。
又窮又被迫害慘過苦海孤雛，佢接受查小欣訪問時話在今年4月去美容院做facial 時撞見林太惹誤會，江若琳說：「我
日做完function 去美容院做facial ，我知林太在場，當日咁
有好多狗仔隊跟我，我冇帶記者去美容院跟佢！」
身份象徵
江若琳幫襯的富豪美容院「晨琦坊」，據美容院老闆娘黃小虹表示，該店連無總經理陳志雲、新鴻基地產郭炳湘太太李天穎、才子陶傑等都係常客。老闆娘更表示江若琳已幫襯成年，屬於熟客仔之一：「佢（江若琳）近排少，我間公司唔會贊助亦冇折頭，以江若琳皮膚大約一星期至半個月就要做一次啦！」江若琳幫襯成年，假設佢買4個療程，都要成7皮幾，貴為地上最窮明星，去咁貴美容院有失你身份喎！
「晨琦坊」坐落於天后木星街，咪睇佢門面平凡，想入去做facial ，要人介紹兼唔做街客生意，真係幾「神奇」。
美容院麻雀雖小，更只得約3至4張床，不過一樣唔憂做。《壹週刊》圖片
去年10月陳志雲被發現到「晨琦坊」做facial ，陳總都係熟客。《壹週刊》圖片
喊出真感情
江若琳上週五（26日）出席活動時面對記者全程頭耷耷，問到第三者傳聞時，更忍唔住兩行眼淚係咁流，真係我見猶憐呀！
準備谷
當記者問江若琳會唔會當面同林太對質有關第三者傳聞，江若琳雙眼一闔後深呼吸停一秒先答。
我已經回應過好多次，我真係唔係，由第1日至家都唔係。
第一滴
記者追問江若琳是否第三者時？江若琳終於流出第一滴淚，在場人士即時靜晒，淨係聽到記者影相聲。
件事去到呢個地步，如果用呢個方法可以洗脫嫌疑，我唔會怕，因為我冇做過！對方亦都有鬧我，不過佢就冇鬧我狐狸精同第三者！
再發力
其後記者問：「如果要表示清白，會唔會解約？」江若琳當時呆一呆，然後再開始嗚咽。
我好鍾意份工，如果去到呢個地步先可以澄清一切，我唔介意。
喊失聲
之後江若琳開始嚎哭，記者再問：「你簽幾年合約？」答完「十年」後就喊到收唔到聲，被助手拉入廁所，廁所外都聽到汪若琳喊到豬咁大聲，聞者心酸呀真係！
我……仲有10年合約！
人參敷面
江若琳口中的美容院，其實是位於天后區的「晨琦坊」，據知該美容院只設套餐療程，每個療程包15次中藥美容，盛惠$18,000，據該店職員表示：「我
用中藥美容，首星期要連續做5次療程，之後都要隔日做，確保中藥發揮效力！」療程賣得貴，只因該店專門以人參當歸等名貴中藥幫人敷面，不少城中名流闊太係客仔，而該店揀客嚴謹，要先得美容院老闆審批身份，江若琳入得星級美容院，經濟狀況似乎唔似用剩58蚊咁惡劣。
新敵暗踢
窮到欠缺說服力，早前拍攝電視劇《學警狙擊》傳過緋聞兼不和的拍檔吳卓羲（Ron ）就伸多腳話唔信江得58蚊：「佢拍《學警》時，成日請大家食飯，聽講佢拍一個廣告成百萬喎！」講
咁大條刺，據知只因拍《學》劇時早有嫌隙，知情者說：「
時
傳出江若琳同林生
新聞，轉頭又有傳話吳卓羲溝唔到江若琳而懷恨在心恰新人，阿Ron 梗係嬲啦，佢連江若琳電話都冇！今次江若琳咁大單，佢梗係乘機發圍啦！」是非傳不斷，加埋多隻塘邊鶴得閒啄兩下，江若琳應該要喊多幾次！
今年6月江若琳同吳卓羲拍電視劇《學警狙擊》時曾傳緋聞，不過不出一個月又指吳卓羲恰對方，日前仲對記者表示唔相信江冇錢，吳生講咁多骨，應該諗過度過喎！《蘋果日報》圖片
問到江若琳有關趙雪英話佢當年醜樣難做明星，江若琳則主動回應說可「配合」的報道時，江若琳忽然當聽唔到，身邊女助手匆匆拉她離去。
對完記者聲淚俱下，之後再做電視訪問，等埋位前江若琳搵背脊「得」住人望住個窗，唔知係咪培養情緒呢！
街坊唔信窮到咁
江若琳自稱窮到，不過班見慣世面街坊就唔多信，江若琳喊功似乎唔係太湊效喎！
梁先生「我知佢係明星仔，得58蚊？冇可能啦！不過佢青靚白淨咁，做××都幾好，老婆就唔好搞喇！」
陳小姐「我唔信佢搶人老公，講
要講證據，我信佢其中一個戶口得58蚊，不過佢其他戶口我就唔知，可能要搵FBI 先查到！」
如果您喜歡這篇文章，請按「讚」或分享給您的朋友，以示鼓勵。
