吳文忻同男友分手全因「火車頭」李成文介入，男方為搏她歡心更甘願做阿四陪出陪入。
桃花緣盛的吳文忻，拍拖的全部有番咁上下，前有任職「凱基金融亞洲」董事陳劍陵（Kim ），後有「霓虹光管大王」譚華正兒子譚浩瀚（William ），還有年紀比她輕的IT 界David 。
不過，自吳文忻搭上陳伶俐姦夫之一，現年四十五歲的「火車頭」李成文後，即被David 斬纜，無機會一腳踏兩船。
跌咗個橙，以為揸住個柑，點知「火車頭」一直充大頭鬼，更愛氹中女放水搞生意，吳文忻最近亦告落疊，投資七位數字，開茶餐廳貼李成文！
有來有往，「火車頭」近日猶如貼身膏藥，日日傍住吳文忻出入，全為一個錢字。
本月十五日，吳文忻陪朋友到廟街「尋寶」，去到人多擠逼地方，李成文一定站在她身後保護，相當細心。
今年三十三歲的吳文忻爛蒲爛玩，「火車頭」為了這張「飯票」晚晚捱夜陪出陪入，成個殘晒。
有作大冇收埋
多年來吳文忻身邊一直不乏男伴，未同「火車頭」撻喺時，與IT 男友於跑馬地共賦同居，直至被男友踢爆搭上被指是陳伶俐姦夫之一的李成文，這段感情才正式結束。
「好多人都知呢個姓李嘅好有問題，成日黐住嘅阿太搵喺數，又鍾意作大，一時話賭王四太成日同佢傾心事，一時又話郭炳湘都要問佢搞飲食生意心得。佢仲成日喺嘅女人面前，嗱幾萬蚊現金出嚟，話係當年霍英東教佢喎！你話係咪黐線㗎！」知情者說。
「火車頭」認識吳文忻後，數月前以剛搬新屋為由，經常借故相約曾經跟蘇民峰學風水的吳文忻，問風水之同時，他更不忘趁機對自己從事的飲食生意自稱自讚。
陳伶俐仍是林太時，趁老公林敏驄不在港曾帶埋兩個仔同「火車頭」約會。
○六年吳文忻同當時金融公司董事男友陳劍陵到泰國旅行，在酒店泳池戲水，吳文忻更搣男友乳頭。
○七年四月吳文忻換畫戀上光管大王譚華正之子譚浩瀚
住痴纏，未料又是分手收場。
落疊放水
「火車頭」在港島區經營的越南餐廳，晚飯時間的確長期排長龍，為此，吳文忻很快便深信對方是個長袖善舞的奇才，加上火車頭追女唔怕玩黐身，為人細心又煮得一手好菜，吳文忻於是落疊，答應投資七位數字合作開茶餐廳。
事實上，「火車頭」急於想另起爐灶，原因是數月前越南餐廳大廚及部分主要員工拉隊走，令他陣腳大亂。
「佢一向對嘅伙計好差，講嘢又刻薄，早排爆咗佢同陳伶俐，佢就成日搵嘅伙記出氣，依家中西廚同個經理都走晒，人哋仲喺附近開鋪同佢打對台，連最受歡迎嘅秘製湯底都無埋，生意梗係唔好啦！」知情者說。
此外，「火車頭」亦一直密謀再開餐廳拓展業務，他尤其愛向身邊有個錢的中女朋友打主意，希望搵人投資，同時，他亦以周轉為理由，周圍問人借錢。
懵閉閉的吳文忻話以後唔靠男人，要靠自己搵錢，開茶餐廳是她發達第一步，但照睇，七位數字的投資，隨時凍過水！
（《忽然1周》圖片）
李成文愛中女
自今年三月被踢爆同有老公的陳伶俐撘上，「火車頭」李成文的不斷被揭風流史，尤其對有經濟能力的中女特別有興趣。過去幾個月，除了溝掂陳伶俐之外，更不斷埋邵美琪及袁彩雲身，一個打麻雀，一個講飲食，直至兩個月前轉上吳文忻，終於成功
掂對方放水。
