最近夥拍陳奕迅、車婉婉同陳子聰拍新片《大搜查之女》嘅鄭秀文（Sammi ），前日凌晨接受吳君如主持嘅商台節目《嘩！嘩！嘩！打到嚟！2008》里面superwomen 環節訪。佢入行咁耐，最為人熟悉係佢同許志安嘅一段舊情，君如都好關心Sammi 而家嘅感情生活，仲向佢大逼供。Sammi 笑住話︰「我已經講咗好多次我好恨嫁，你唔好理我啦，由我自生自滅啦！」
車婉婉作狀摸Sammi 嘅肚皮，十分搞笑。
Sammi 一直恨同陳奕迅合作，佢話第一日開工緊張到腳震。
最好唔擺酒Sammi 話可以嘅話，對象最好係圈外人，Sammi 仲話自己好理智，佢追求快樂嘅家庭生活，而唔要浪漫咁浪跡天涯，佢仲諗過將來家庭生活嘅畫面。Sammi 因為冇憧憬擁有一個世紀婚禮，所以最好唔擺酒。但遇上適當嘅時機，佢話自己會學陳慧琳（Kelly ）咁喺演唱會公佈婚訊，一定唔會收收埋埋。
Sammi 直認愛情路上十分失敗，可能佢太過將火力集中喺事業上，同時又對浪漫冇乜特別要求，總之比較之下，佢覺得自己喺愛情上嘅成績唔夠工作出色。
諗番喺娛樂圈工作多年，Sammi 講咗一啲待人處事方面嘅經歷？佢話︰「可能係脾氣方面，要具體咁講就真係唔記得，只係記得我唔會刻意隱藏自己嘅情緒。」Sammi 話好多謝導演杜琪峯對佢嘅包容。
君如仲踢爆Sammi 鍾意照鏡嘅小動作，話佢見到鏡或任何反光物件都會照一大餐，難怪君如笑佢可以將塊鏡掛住出街啦！
為了紓緩
壓力
，Sammi 唔使開工就喺屋企做運動，所以喺《大搜查之女》佢同陳子聰（右）做運動，當然易如反掌。
