任賢齊、黃家強、蘇永康及梁漢文前晚於紅館舉行第二場「男人幫演唱會」，獲林建岳、謝霆鋒、劉浩龍及蘇志威等捧場。鄭秀文（Sammi）雖然患感冒，但她仍帶病上陣當嘉賓，合唱一曲《信者得愛》後，小齊即說要跟「麼麼茶舊情人」抱抱，Sammi就指向小齊說：「我以前條仔呀！Hello，你好嗎？聽講你結咗婚喎！」
當小齊介紹兩人曾合作過多部電影時，Sammi取笑小齊廣東話始終說不好，把《嫁個有錢人》說成「嫁個有前人」，蘇永康即時搶白：「嫁個有錢人呀？所以你咪終於嫁畀許首富（指許志安）囉！」
鄭秀文因重感冒令雙眼有點浮腫。
任賢齊抱抱感激鄭秀文帶病撐場。
蘇永康續說：「唔係淨係小齊同佢拍過電影，我都同Sammi合作過《魔幻廚房》，竟然叫我去扮一個闊少爺灌醉Sammi，調戲佢，我當時心諗，調戲阿嫂打藤喎！結果我哋兩個不知幾困難先搞掂嗰場戲！」Sammi即寸爆說：「乜你有份做咩？失覺曬，我覺得你冇困難喎！你不過將真面目真人騷咁搬上枱面之嘛，你唔好扮嘢啦你，活靈活現演得不知幾好！」蘇永康不甘被寸，結果自爆：「2004年，嗰時我啱啱離婚，你吹得我脹咩！我家嚇唔係咁咪得囉。」然後向著觀眾席說：「係咪呀老婆？」
黃家強吻賀生日的日籍太太Makiko。
男人幫前晚於紅館舉行第二場演出，繼續獲眾多圈中好友捧場。
家強為老婆賀壽
前日適逢是家強的日籍太太Makiko生日，他叫全場大合唱生日歌送給帶大仔到場的老婆，並手執鮮花走到觀眾席前獻花給對方，更送上甜蜜一吻。家強走回舞台中央時笑說：「真係唔好意思，忙到冇時間，連生日都要喺個台同你（太太Makiko）慶祝。」
撰文：陳以晴
from:
http://hk.apple.nextmedia ... 151130/19393015
