接吻魚
導演要求楊秀惠錫得嚟主動，又唔好太狼，呢個演繹對秀惠嚟講真係好有難度。梗係啦！咁辛苦先
掂老孫，個心自然肉緊又猴擒，好難拿
得好㗎。
楊秀惠、孫耀威去年10月因拍音樂電影撻著，更閃電同居，蜜月期唔夠1年，可惜楊秀惠過分黐身，加上涉嫌放料借戀情宣傳，結果在本月初被老孫撇，但據知二人關係未正式斷纜，楊秀惠為挽回老孫，答應將戀情低調，更搬回太古城舊居扮分手，轉性後表現良好，死
老孫2星期，終於恢復女友身份，更搬回亞皆老街愛巢，出入照揸男友車。
週日（27日）凌晨三點二人到黃金海岸為《新網中人》拍沙灘接吻戲，劇情原先只需輕吻，不過秀惠難掩與老孫翻撻興奮心情，啜足兩粒鐘由輕吻變伸脷kiss 。馬拉妹秀惠chok 樣肉緊，機迷老孫一定明白你心意啦！
5呎9吋高、33C 上圍，楊秀惠條件真係唔錯，而家再肯低調，到時老孫實錫到妳
。
6月時孫耀威仲頂得順楊秀惠，所以要求二人合照時，老孫非常願意，仲V 晒！
自從上年10月兩人撻著後，戀情高調，尤其令到老孫所屬的環球唱片公司不滿。「環球覺得條女借Eric （孫耀威）宣傳，唔想佢哋咁公開咋！」知情者說。加上拍劇期間，連著增高鞋一事亦被報道，令老孫覺得冇面兼懷疑有人放料，借戀情做宣傳，故月頭他曾在電台受訪時說：「佢（楊）唔係我女朋友，發生乜事唔關我事！」
錫到扁
劇情要求楊秀惠輕吻孫耀威，不過楊秀惠過晒火，忘形地錫到老孫鼻都扁埋。
伸脷啜
錫第3次時楊秀惠愈錫愈放，仲迅速伸埋條脷出嚟玩濕吻，搞到老孫嚇一嚇，擘大眼望實佢。
抓肉緊
經導演指教後，楊秀惠即刻錫得冇咁狼，不過隻手仍然肉緊，揸到老孫手臂實一實。
笑住挨
拍接吻戲之前，楊秀惠興奮到突然忍唔住大笑，反而老孫就喺度懶正經唧都唔笑。
忙執樣
楊秀惠錫老孫前淨係補粉，好彩冇搽唇膏咋，妳錫到咁狼，容乜易老孫成面唇膏呀！
咀足7次
細老孫11年，24歲的楊秀惠與男友急凍關係後，即知衰主動做乖女友，向老孫承諾將戀情低調，繼續死纏。「自從老孫話飛咗佢（楊秀惠）之後，佢兩個一定唔會同枱食飯㗎！老孫就同助手食，秀惠就同其他演員食，慌死俾人影到咁！秀惠想證明自己唔係有心高調宣傳咋！」劇組人員透露。
週日（27日）凌晨，二人為《新網中人》拍接吻戲，發現記者探班後，兩人即顯得避忌，未埋位時都冇乜兩句。雖然扮分手做到足，不過到拍接吻戲時就露出馬腳，由於接吻戲要拍不同角度，所以二人都咀了6、7次之多，每次咀足30秒，其中一次秀惠錫得太過肉緊，錫到老孫面容扭曲，女方仲伸埋脷仔，現場所見秀惠全程肉緊深情樣，老孫則唔多自然，其後chok 爆秀惠更被導演訓話：「秀惠你雖然係要主動錫，但唔使咁狼㗎！」但秀惠駁嘴：「個劇本話要我溶化佢
嘛！」真係又狼又chok 。
當聽到記者問楊秀惠，站在孫耀威身後的工作人員，即時拉開孫耀威，唔畀佢答有關問題。
繼續同居
經導演教路後，秀惠即時將狼吻變回輕吻，拍多1個take 亦收工，收工時已是清晨五點，老孫一收工即上自己保母車先離開，而楊秀惠就揸回原屬老孫的寶馬座駕，由黃金海岸返回二人亞皆老街愛巢雅麗居。
二人關係明顯解凍，不過翌日（28日）孫耀威出席書展活動時，一被問到楊秀惠時，即表示不願回應然後速撇。
架車又畀番女友揸，又住番埋一齊，唔使問都知乜關係啦，不過低調啲好嘅！
《蘋果日報》圖片
28日後……
1/7分手喊
7月頭出席無線高層樂易玲生日派對，有傳孫耀威在Basement 攬女搞到女友楊秀惠當場嚎哭，但事後楊秀惠解釋係M 痛先喊喎！
11/7冷靜搬
未同老孫同居之前，楊秀惠同好友胡定欣一齊住喺太古城冠天閣，之後爆出分手後楊秀惠亦返回冠天閣暫住一陣扮分手。
Chok 掂
車照揸
回復老孫女友身份，原屬老孫過百萬的寶馬7系又即時到番手，唔使再搭的士！
28/7樓照黐
唔只男友架車揸得，就連靚屋都住得番，拍完接吻戲後，即駕車返回亞皆老街豪宅愛巢雅麗居。
楊秀惠出身小康之家，喺馬來西亞Monash University 主修新聞，04年來港參選華姐時都未起眼，自從拍咗《四葉草2之赤沙印記》後先多人認識。《蘋果日報》圖片
4月楊秀惠肯搏肯露又有老孫緋聞，深受廣告商歡迎，同嚫界女神Angelababy 一樣當時得令。
冇騷要黐仔
出身馬來西亞的楊秀惠，04年參加華姐入行，其中《四葉草2之赤沙印記》的演出最為人熟悉。上年10月與孫耀威傳緋聞，加上出席公開場合時經常大騷身材，肯露肯搏深得廣告商歡迎，上半年亦成為小騷后，單係4月份已經有7個騷，不過自從7月頭老孫劃清界線後，人氣即跌，現時為止出得一個騷，唔怪得知秀惠要即刻
掂老孫，就算冇騷做，起碼有車揸、有樓住先啦！
