由面試開始，高海寧已經以激凸身材先聲奪人，無論著邊款泳衣，W 胸都可以突圍而出，再加上朱唇半張呢個樣，其他佳麗有咩辦法唔被比下去。
今屆港姐一開波，4號高海寧已經彈出，成為12位佳麗中嘅鋒頭躉，不過樹大招風，大熱嘅代價就係是非特別多。繼改名同埋出身女人街後，近日再被雜誌踢爆影過裸照。
不過，高海寧呢批大露背見南半球相，都唔及佢上周六（6月28日）去番禺長隆水上樂園拍攝外景，穿上性感三點式泳衣時，不時借意烏低身，狼拋W 胸咁驚心動魄。
上周六（28日），12位準港姐去番禺長隆水上樂園拍外景，同班小朋友影大合照期間，高海寧突然烏低身，又成功搶鏡。
為咗加強W 效果，高海寧耐唔耐就走向化妝師，叫人幫佢個胸補粉，仲當眾狂捽，乜咁樣會大啲㗎咩？
膠紙穿崩
高海寧明明係雙眼皮，但唔知點解要黐雙眼皮膠紙，仲要落水後膠紙被沖到現形。
高海寧習慣每次有新聞出街，例必先否認，之後再側側膊搵藉口承認，所以被冠以「港姐大話精」。今次被踢爆影裸照都唔例外，她於本周一（6月30日）接受雜誌訪問時仲死口唔認。
踢爆影裸照
本周二（7月1日），《FACE 》刊出一輯疑似高海寧的裸照，報道中高海寧死口唔認自己係相中人，仲話自己以前做model 好保守。
瀨嘢累街坊
直到本周二（7月1日）雜誌出街，當日剛巧無線安排傳媒採訪《當香港小姐遇上香港先生時》，通告是下午3時，但直到下午4時多才給傳媒採訪。據知情人士表示，「過日班女仔好早返咗嚟，但係無線要召高海寧照肺先，了解咗件事之後，再教班女仔同埋高海寧點回應記者，所以咪搞到咁遲咋！」
由於有相為證無得抵賴，平日講慣大話的高海寧，經過無線教路之後，突然變得坦白，承認拍了該輯裸照，不過依然用大頭蝦做藉口，所以先會唔記得有影過。不過當問到她有冇後悔影該輯相時，她即支吾以對沒有正面回應：「做人係要為自己做過嘅嘢負責，當然最好係冇影過。」
高層照肺
本周二（7月1日）下午3時許，港姐們都齊集電視城化妝間，唯獨唔見被踢爆影裸照的高海寧，未幾見她頭耷耷出現。據知高海寧（左二）因為遭高層照肺，所以遲了化妝。
大話精局住認
回應《FACE 》時話冇影過裸照的高海寧，本周二在記者圍攻下突然記得自己影過過啲相。港姐之母Rosa 見佢愈講愈錯諗住幫口，點知再踢爆高海寧只係話影過一輯廣告相，但冇如實講係裸照。
四個港姐一齊玩大喇叭，結果只有高海寧一個玩完話整親條頸，呢招又成功引到在場記者影多兩張相。
高海寧猛喊頸痛，要醫師即場為佢啪頸，雖然佢叫到鬼殺咁嘈，但3號高妹張舒雅眼尾都冇望過佢。
張舒雅
人前即扮friend
直至記者行近影相，張舒雅（圈頭）先醒水，識得走向高海寧慰問。
出陰招批踭壓胸
張舒雅出名高瘦平，高海寧仲要出踭壓落人哋個機場度，搞到高妹個左胸平晒兼變形。
經記者連日觀察，高海寧同張舒雅一對住鏡頭就自然好好傾，形同一對好姊妹，但鏡頭後就各顧各，可以話係零交流。
其他港姐心涼
對於今次裸照事件，雖然無線已表明不會追究，但事件肯定影響大熱高海寧的嗱獎機會，這樣無疑對其他佳麗有利。由於高海寧向來恃住有一雙巨胸，經常拋胸出位，還使出唔少招數博搶鏡，據知今次事件令不少佳麗暗暗心涼。本周二在港姐活動中，其他港姐亦對高海寧避之則吉，唔敢黐埋去。
上周五（6月27日），港姐一連兩日在番禺水上樂園拍外景，由於佳麗全程以三點式泳衣出現，巨胸的高海寧輕易成為傳媒目標，但她依然未夠喉，還不時扮不經意烏低身勁拋W 胸，搏命程度狼過輯裸照。之後高海寧再出招，自稱玩遊戲時扭傷頸來搶鏡，一而再扮嘢博出位，難怪令平日同佢經常孖公仔嘅# 張舒雅，都忍唔住當佢透明啦！
