17日3時許，湯出席完《舞動奇跡2》記招後，便冒雨駕車到匡湖居。
錢嘉樂06年中與李珊珊分手後，有指男方多次箍煲，希望珊珊回心轉意。去年8月，嘉樂仲風騷談復合︰「隨遇而安，你（記者）有好橋就彈過嚟。」
不過，癡心情長劍原來是餓男，今年初，錢嘉樂終於守唔到齋，暗中與豪放女湯盈盈搞埋。3月中，本刊發現湯盈盈不時上錢嘉樂的匡湖居寓所，甚至過夜。求證新戀情時，錢嘉樂表示目前依然繼續飼養珊珊的愛貓，家具甚至大
亦沒有更換，難得是湯盈盈不介意
珊珊舊
，更愛屋及「貓」（珊珊昔日的愛貓）。
6月17日鬼祟上樓
湯盈盈之後急急步向錢嘉樂所住的單位，其間不停兩頭望，她一敲門，即有人開門給她。當日錢嘉樂沒有外出，反而湯在深夜11時驅車去了新Basement ，出席苗僑偉生日派對。
6月19日返廠拍劇
下午3時許，錢嘉樂從寓所離開，返回將軍澳電視城拍攝新劇《王老虎搶親》，可能因為當日他要拍至凌晨1時，故湯盈盈當日沒出現匡湖居。
湯盈盈
三圍：34C 2534
年齡：33歲
身高：5呎4吋
李珊珊
三圍：36E 2637
年齡：30歲
身高：5呎9吋
當日下午4時，本刊首次發現湯盈盈出現匡湖居，當她上了錢嘉樂單位後，便立即關上窗廉。
3月16日純熟㩒密碼
湯盈盈純熟地按密碼進入大廈，可見她並非間唔中到訪！
搭上錢嘉樂後，所有《獎門人》的活動都預埋湯盈盈，6月6日探訪老人院，她亦與錢嘉樂拍住上，曝光率大增。
06年尾，湯盈盈與富商男友分手後，一直很想拍拖，更漁翁撒網式周圍追仔。去年尾她跟隨《獎門人》台灣拍攝時，更毫不吝嗇向眾男投懷送吻，終於扑中「食齋」年半的錢嘉樂。而新女上場後，錢嘉樂的箍煲大計亦拋諸腦後。
今年3月中開始，本刊發現家住北角寶馬山道的湯盈盈，其座駕經常出現在錢嘉樂的匡湖居寓所樓下，甚至泊過夜。6月17日下午3時許，湯盈盈出席完《舞動奇跡2》的記招後，便匆匆冒雨驅車到匡湖居，趕住慰藉剛從怡保返港的錢嘉樂（錢跟隨曾志偉到怡保拍《獎門人》三、四天）。湯上樓之後記者遇到一對剛下樓的夫婦在竊竊私語談論，男說︰「嘩！佢又嚟啦！」女則回應︰「唏！人哋嚟得咁密，可能真係一齊喎！」
當日，湯盈盈逗留至深夜11時許，才離開匡湖居，出席苗僑偉在銅鑼灣新Basement舉行的生日派對。凌晨4時許，湯再驅車返回匡湖居錢寓，又難怪嘅，小別勝新婚，唔見幾日，湯盈盈當然要爭取時間與男友禁室培慾。
《獎門人》撻著
據知兩人的戀情，是始於去年10月在台灣拍《獎門人》。知情者話︰「過陣喺台灣《獎門人》時，個個都睇得出湯盈盈勁電嘉樂，佢兩個仲孖公仔咁黐埋一齊，又離隊行街。之後返港，湯盈盈亦成日黐住志偉同錢嘉樂搵食。
「今年1月，湯盈盈喺灣仔拍《師奶股神》遭一男子掌摑後，情緒好低落，志偉同嘉樂見佢咁唔開心，咪成日約佢出嚟蒲散心咋，仲有咩工作都預埋佢，好似年三十晚去加拿大做賭場騷，都搵埋佢搵真銀。咁嘉樂同女友（李珊珊）又分咗手咁耐，有靚女埋身，佢點會抗拒！」
不過，兩人對戀情十分保密，據知除了志偉、洪天明等老死外，兩人人前人後都稱兄道弟，藉以掩飾戀情。每次出入男方寓所，湯都十分小心左望右望，兩人更每次都是前後腳出入。
湯盈盈與錢嘉樂在西門町拍完節目後，即雙雙結伴行街。
07年10月玩出火
湯盈盈與錢嘉樂在台灣拍《獎門人》時，鏡頭以外兩人玩到拉拉扯扯，咁多身體接觸，難怪一撻即著。
07年出手箍煲
07年8月，錢嘉樂在上海與李珊珊有講有笑，傳兩人復合，但錢嘉樂08年3月突然改口風：「同佢三個月冇聯絡。」
08年心碎留言
知道錢嘉樂搭上湯盈盈後，李珊珊一改以往大方回應作風，點都唔肯接受電話訪問，只透過短訊祝福舊愛有新戀情。
6月17日嘉樂避鋒頭
據知苗僑偉生日，錢嘉樂原來亦被邀請，但後來他收到風，知舊愛李珊珊會到，為免尷尬，嘉樂當晚沒有出席生日會，只得湯盈盈單拖赴會。
6月5日座駕泊過夜
湯盈盈的座駕在匡湖居錢寓外由上午10時泊到翌日凌晨3時都沒有揸走，可見當晚湯盈盈在錢嘉樂家中過夜，享受二人世界。
雙雙死口唔認
雖然有相為證被本刊踢爆戀情，但為了守住地下情，錢嘉樂死口唔認。
忽：同珊珊最近有冇聯絡？
錢：冇乜。
忽：咁同珊珊之前一齊養嘅貓仲喺度？
錢：都喺度。
忽：咁屋企啲傢俬、
呀有冇換過？
錢：你啲問題咁得意，住得好哋哋，換咩啫。
忽：你春風滿面，係咪拍拖呀？
錢：我日日開工點拍拖！
忽：同珊珊都分開咁耐，係咪有新戀情呀？
錢：真係未。
忽：你同咗湯盈盈一齊喎。
錢：有冇搞錯呀！
忽：你嫌棄人哋呀？
錢：唔……係，只係未拍拖。（哈哈大笑）
忽：你依家同湯盈盈咩關係？
錢：朋友！
忽：湯盈盈係咪你鍾意過類型？
錢：都冇話嘅。唔抗拒嘅。
忽：湯盈盈上你屋企喎！
錢：咁大單嘢！唔係嘛！
忽：仲過夜添喎！
錢：黐線㗎，亂咁嚟！
唔認戀情之餘，記者問到6月30日湯盈盈生日，會送咩禮物及怎樣慶祝時，錢扮懵反問︰「我諗我冇時間，佢好似同天明一齊搞，係咪呀？」真係做戲做全套。
至於剛從大西洋城登台返港的湯盈盈，剛接記者電話時聲調十分愉快，但一被問到與錢嘉樂的戀情，即大為緊張。
忽：30號生日有冇慶祝呀？
湯：邊有慶祝
，岩岩12點過陣一個人響飛機度。
忽：咁咪好淒涼？
湯：之前食過飯咋！
忽：同邊個食呀？同嘉樂仔、洪天明佢哋？
湯：咪同加拿大嘅朋友咋，天明都有份！
忽：嘉樂仔冇份食咩？成日見到你上嘉樂仔屋企
，乜你唔係同佢拍緊拖咩？
湯：唔……唔係……冇咁嘅事！（突然食螺絲）
忽：覺得嘉樂仔點？係咪做男朋友人選？
湯：同事嚟啫。
忽：如果佢追你，你會唔會考慮？
湯：（遲疑）咪係同事咋。
忽：咁你有冇朋友住響匡湖居。
湯：冇呀！（停了一下）唔！都有啲同事嘅，你係咪認錯人呀？
忽：你咁靚女，邊會認得錯呀？
湯：唔。冇可能啦！
忽：係以後定係暫時冇可能先？
湯：你唔好將呢啲嘢放落我個口度呀吓，哎
！我有電話呀！唔好意思！
之後湯突然收了線，大約十分鐘後，才主動致電記者，今次語氣肯定，有備而來。
湯：之前傳我響台灣都係同『獎門人』（指曾志偉）撻著啫，呢啲嘢唔使信㗎。
忽：介唔介意男朋友留住前度女友嘅嘢，例如寵物呀，大
呀咁？
湯：唔，冇諗過呀，遲啲至算啦！拜拜！（說罷匆匆收線）。
其實男未婚女未嫁，拍拖好正常，唔明點解唔認。
6月30日蠱惑回應
當日，錢嘉樂為《獎門人》錄影返電視城，聽到同湯盈盈的戀情，他愕然碌大眼（小圖）。問到兩人有冇發展機會？他蠱惑地笑說：「等我考慮吓！」
曾志偉談及錢嘉樂同湯盈盈的戀情時，不停「兜」：「我哋個個都玩得好熟，唔通個個都同嘉樂呀，唔會呱！（之前都傳過你同盈盈。）更加冇可能！我當佢女咋！」
真空濕身的湯盈盈搶晒鏡，難怪高舉勝利手勢。
湯盈盈因為錢嘉樂關係，頻頻上《獎門人》，3月中她更不請自來，自動請纓落水玩遊戲，有指惹來嘉賓佘詩曼（紅圈）不滿暗寸：「都唔知博乜！」
錢嘉樂的單位是5樓單邊位，景觀對湖，十分開揚。
錢嘉樂與李珊珊昔日養的愛貓亦不時倚在窗邊曬太陽。
愛巢升一倍
錢嘉樂在匡湖居的600呎單位，是03年沙士期間以203萬買入，並以此作為與李珊珊的愛巢，現已升值至約370萬左右。
冧爆富商
服侍志偉
熱咀猛男
漁翁撒網
湯盈盈性格豪放，冧佬有一手，身邊不乏男伴。一心入富門的她，自06年與富商男友分手後，經常夜蒲追仔。
激咀白領 98年，與任職廣告公司的男友Marcus （郭耀輝）相戀，其間更被拍得二人街頭激咀，關係只維持兩年。
冧爆富商 01年，跟富商男友拍拖達五年之久，當時二人不時雙雙出席公開活動，女方更曾揚言隨時與男友結婚，可惜最後無疾而終。
陳豪夜訪 06年，有傳陳豪半夜到訪她香閨，兩人隨即傳出緋聞，當時男方聲稱出入對方大廈只是探朋友，而女方雖一同否認，但亦盛讚對方是理想男友。
服侍志偉 07年，因參與《獎門人》節目與曾志偉傳出緋聞，其間被拍得她為志偉體貼抹汗，二人又經常黐實夜蒲。
熱咀猛男 07年，於台灣拍攝《獎門人》的她，未有跟大隊返港，即晚夜會大班猛男狂歡至凌晨，其間她對身邊幾位猛男又攬又錫兼送波餅，最後更與一西裝男返回酒店。
專吼巨乳
42歲的錢嘉樂，對大胸靚女情有獨鍾，出道多年，其緋聞亦唔算多，不過女友個個都擁有魔鬼身材。與每位舊女友都非常關心，打造「癡心情長劍」形象。
李麗珍
88年，與33C 李麗珍合作拍攝電影《殭屍叔叔》戲假情真，感情只維持了兩年。珍妹更揚言眾多男友中最掛住錢嘉樂，現在仍經常在夢中見到他。
《蘋果日報》圖片
關秀媚
96年，與34D 關秀媚邂逅。不過二人拍拖年多，女方便自爆因性格不合分手，當時錢不肯承認，只稱二人是「短暫冷靜期」。
李珊珊
98年，與36E 李珊珊戀情曝光，二人拍拖多年，其間男方更在菲律賓當眾求婚，可惜婚事未有落實，最後因性格不合，結束8年情。分手後多次傳出男方戮力箍煲。
