租住的村屋較偏僻，出入必須要駕車，而他和李詩韻亦一定將車泊正屋企樓下，方便落樓立即上車。
鄧健泓（Patrick ）衰足幾年，去年總算轉運，重返無線獲總經理陳志雲厚愛，有Honey 睇住，又做主持又拍劇。難得鹹魚翻生，加上有王貽興同居斷正被打入冷宮做樣版，鄧健泓同李詩韻拍拖三年，係人都知，依然誓死唔肯認。
李詩韻一落樓，鄧健泓立即打開司機位車門，但唔係佢開車，只係叫女友立即上車。
當年同原子鏸拍拖，鄧健泓經常同女友及其家人出席公開場合，直至事業插水才不見二人出雙入對。（《忽然1周》圖片）
明知陳志雲唔希望愛將有緋聞，鄧健泓同死敵崔健邦一樣，唔敢公開戀情。（《忽然1周》圖片）
死唔認拍拖
細鄧健泓八年，今年二十六歲的李詩韻（Selena ），○三年參加香港小姐獲得「最上鏡小姐」和「才藝小姐」，○四年與鄧健泓合作拍劇《老婆大人》撻喺，行街睇戲食飯，甚至到男方寓所過夜，頻頻斷正，但二人一直不肯承認拍拖，李詩韻更揚言同鄧健泓只是住在同區而不是同居。
關鍵在於鄧健泓去年才收復失地，為免打回原形，加上當年他和原子鏸公開戀人關係，一度被指無心工作，事業直插谷底。見過鬼都怕黑，鄧健泓同李詩韻拍拖三年，一直低調戀情，寧願買多一架車，將原有的Mini Cooper 給女友揸，避免同「車」出入，總之，只要兩個人不在同一張相出現，就打死唔認。
偏偏無線安排二人為新劇《老婆大人Ⅱ》再度合作，大好良機，陪伴鄧健泓走過三年最黑暗日子的李詩韻，要求男友趁今次拍劇，順勢將戀情浮面，但卻遭鄧健泓多番拒絕，二人為此時有爭執，心情低落的李詩韻近期頻向友人吐苦水。
雖然分「車」，但鄧健泓全程黐住女友車行，直至在獅子山公路發現記者才立即踩油衝前，拋下女友自行離去。
鄧健泓屬愛狗之人，經常帶狗出出入入，卻只肯與李詩韻匿埋屋企撐枱腳。
為宣傳劇集，鄧健泓同李詩韻近日頻頻孖住出席活動，但卻在傳媒前扮普通朋友，影完相便立即彈開。（《忽然1周》圖片）
分車出發
「Selena 一直都覺得公開戀情冇問題，因為好多人都知道佢哋拍拖，唔明點解要講大話，仲話而家一齊住衰過岩岩拍拖嗰陣，連出街食飯都唔敢，成日都喺屋企食飯盒，覺得拍拖拍得好辛苦。」知情者說。
六月十四日（星期六），接近黃昏時間，頭戴鴨舌帽的鄧健泓與李詩韻雙雙離開西貢寓所，一向小心的鄧健泓行先，睇清四周無人，才示意女友落樓，甚至幫女友開定車門，讓她落樓後第一時間跳上車，而他自己則駕駛另一輛寶馬出發，點都唔肯同女友坐同一部車。
由西貢經沙田出九龍，鄧健泓全程緊貼女友的MiniCooper ，但發現記者後，他便立即踩油，更越過女友極速離開，撇低一臉無奈的李詩韻，淒涼！
