6月4日
著咗2吋半高增高鞋嘅老孫，難得同緋聞女友平起平坐，唔怪得囂張地高舉V 字手勢啦！
去年尾老孫孫耀威為唱片宣傳，搵無線小花楊秀惠擔正做音樂電影女主角，誰知一撻即著，再被爆同居，二人關係已屬公開秘密。
情侶檔孖咇有市場，無線食正條水，找兩人拍檔合演新劇《新網中人》，嗱正牌拍拖公私兩便，首次拍處女港劇的老孫，眼見女友高頭大馬，為高攀楊秀惠，拍劇前曾要求無線服裝設計師，預訂2吋半增高鞋。
出術增高襯女友，排排企即時高晒，呢啲叫專業啫！
有餡鞋
本月初無線新劇《新網中人》開記招，穿上3吋高踭鞋的楊秀惠，竟同緋聞男友孫耀威平頭，原來老孫出術。
07年12月
去年二人剛撻著時，已經盡量將頭髮「立」高嘅老孫，始終都仲係比著咗高踭鞋嘅楊秀惠矮啲喎！
特製內墊
35歲老孫有175cm （5呎7吋），而24歲楊秀惠只矮1cm ，加上女人天生貪靚愛高踭，老孫惟有出招同女友拍住上。「佢（孫）知道套劇有好多同秀惠嘅對手戲，咁女仔實著高踭鞋㗎啦，老孫咪即刻叫我哋幫佢諗諗計咋。佢對鞋外面睇只有1吋踭，但其實入面就墊高多吋半㗎！」劇組人員透露。
處女拍劇的老孫在《網》劇中做設計師，大部分時間都是穿恤衫西褲，所以暫時只訂做了一對2吋半的增高皮鞋。記招當日老孫著上「有料鞋」，拍住眾女面前，成個威猛晒！
6月16日掩嘴偷笑
楊秀惠聽見老孫要著增高鞋即偷笑，佢更承認公司提醒她「唔好著咁高嘅鞋！」呢1吋踭（圖）夠晒體貼啦！
女友遷就
本週一（16日）《新》劇在銅鑼灣拍外景，記者眼見老孫穿上記招當日的皮鞋，問他是否出術增高，他死唔肯認。「公司有安排畀我，不過我都係著番自己私伙。安排咗增高鞋？我唔知喎，冇聽過！」
反而老孫緋聞女友楊秀惠一聽增高鞋三個字，即掩嘴笑到碌地。「咩增高鞋呀？真係未聽過！（公司怕老孫矮過你，所以要著增高鞋。）唔會，我得174cm ，佢高過我㗎！不過公司的確有叫我唔好著咁高嘅鞋，今日我都係著咗對一吋咋！」
明叔
古惑鞋王：好多星搵我！
除咗老孫，原來圈中大把人要增高，尤其歌星開演唱會，唔少都會喺對鞋內加墊出術㗎！位於佐敦嘅明記皮鞋，造鞋造到出晒名，老闆明叔話：「張敬軒、祖兒、劉美君、陳慧琳，好多大明星都嚟搵我幫手造鞋㗎！」
明叔睇完老孫對鞋之後直話：「佢呢對咪呢個款咋（左圖），三百五蚊賣畀你啦！」一般增高皮鞋幾百蚊已經有交易，而且三日起貨，各位有意增高嘅男士女士，有得諗喎！
鞋內2吋
鞋外1吋
增高鞋解構
明叔一睇老孫對鞋，就即刻嗱隻同款出嚟俾記者睇，古惑2吋鞋墊（左圖）只墊在鞋內，鞋外踭肉眼睇只得1吋，真係神不知鬼不覺喎！
5呎7
鞋單曝光
要靚
「張敬軒係人哋介紹嚟㗎，佢個人冇乜所謂，一吋又有、二吋又有，總之著落去順眼，靚就ok 。咁又係佢都夠高，唔使搞多嘢啦！」
軒仔助手週一對記者說：「軒仔係欣賞明叔嘅技術多於想增高，而有對兩吋高嘅鞋都只不過係視覺效果嚟啫。」
5呎4
《蘋果日報》圖片
最誇
「嘩，佢黐線㗎，5吋喎！不過佢就冇咩所謂嘅，因為要跳舞，唔爛就得啦，我真係好佩服佢，咁高隻腳好易斷㗎。」
5呎6
熟客
「佢成日嚟㗎，熟客啦，3吋就一定㗎，出面一吋，入面2吋，個人睇落高3吋，差好遠㗎！」
5呎7
唔加
「佢唔使增高，淨係幫佢造鞋。陳華國（Kelly 演唱會服裝設計）嗱圖（右圖）、布嚟畀我整！」
