12位候選港姐於上周四(5月22日)出發去美國邁亞密，展開為期12日的外景拍攝。今年班佳麗仲未出現勾心鬥角嘅是非新聞，單係身材已經夠晒話題性，出發前先有4號高海寧同8號姚婷芝被指打假波。
去到美國要著三點式自然高下立見，4號高海寧繼續以巨胸成為鋒頭躉。不過身材平平無奇，但5呎10吋高的3號張舒雅一樣可以出位，因為泳衣太鬆唔啱身，搞到褲仔移位，之後又俾怪風當眾吹起條裙露底。
難得高妹張舒雅非常豁達，無時無刻都笑面迎人，呢啲咪世界女囉！
3號張舒雅連環走光
心口唔夠照嘅張舒雅因為太瘦，件泳衣根本唔啱身，下身仲非常牙煙，佢已經成日自我檢查，不過都係百密一疏，好彩佢早有準備脫晒毛，才避免露毛出醜。
橙紋籮
唔好以為瘦人一定冇橙皮紋，高妹張舒雅身上一啲肥肉都冇，不過臀部有大量橙皮紋，佢話：「因為細個突然長高，所以有橙皮紋。」
怪風吹露底
條裙長到落腳眼，張舒雅本來好放心擺晒甫士影相，點知突然一陣怪風吹過，吹到條裙掀起露底，高妹即時以笑遮醜當冇事發生，唔通佢走光當食生菜。
最緊要揞胸
高海寧外景拍攝期間被安排著嘅衫，全部都係低胸同deep v 。可能驚走光，所以佢成日「
」住自己對胸，就算突然落雨，成班佳麗跑去避雨都係揞頭，高海寧就揞住個胸奔跑，其實咁樣仲惹人注意啦！
4號高海寧水著養眼
21歲的高海寧「乳」出驚人就係人都知，呢日以比堅尼示人，佢依然係12位佳麗中最sharp 嘅一個，不過上圍吸引之餘，仲發現佢下體現形，非常礙眼。
8號姚婷芝飄忽變幻球
被指隆胸嘅姚婷芝，美國之旅鋒頭被真正波霸高海寧蓋過，因為佢對變幻球時大時細，第一日著泳衣跳森巴舞（左圖）仲有料到，但係第二日（右圖）竟然「大縮水」，真係神奇。
12號黃潔婷凸肚嚇人
報稱係兼職模特兒嘅黃潔婷，俾記者話佢有個大肚腩，佢即時辯稱因為月事而肚脹。本周一班港姐響郵輪舺板上拍攝，黃潔婷個頭亂到好似笠咗絲襪咁。肚腩可以減，不過個樣嚇人就真係冇得救。
11號馬賽禾稈撼珍珠
面試時身材未見突出嘅馬賽，首次以三點式示人即令在場記者大跌眼鏡。有啲料到嘅馬賽上星期仲話好朋友響重慶失蹤，搞到佢想退選，但話口未完佢響拍外景時又谷胸打排球，又踢腿跳舞，不知幾咁投入。
