上個月開完演唱會嘅關淑怡，果然積極工作，上個禮拜三（五月十四日）聯同劉德華等歌手現身《勁歌金曲》做宣傳。
短短半個鐘音樂節目，關淑怡隆重其事帶咗三套衫替換出場。唱歌似做fashion show ，雖然可以令歌迷同電視機旁邊嘅觀眾，一次過享受視聽之娛，但關淑怡獻唱新歌《天規》時，就不斷要靠旁邊嘅工作人員，舉起巨型貓紙提示歌詞。
喺演唱會上，關淑怡已經要睇住部電視，對住歌詞唱歌，上《勁歌》唱得嗰幾首歌一樣要提水。關淑怡嘅時裝觸覺，八珍絕對認同，但對做歌手背熟歌詞嘅基本責任都做唔到，應該檢討吓！
獻唱新歌《天規》，換上短top 加西裝外套，原本夠晒型，但呢張巨型貓紙一出場，關淑怡著到幾型都無用。
同劉德華張敬軒等出場做opening ，關淑怡以see-through 上衣現身，之後改穿今年最興嘅碎花tube dress ，當《勁歌》係fashion show 。
出場see-through
中場碎花
