死敵葉翠翠多次被影到與富貴男士撐
腳，另一邊廂，袁彌明又話要
新書中大爆富豪飯局內幕，兩者唔知有冇關係呢？
一向言行出位的袁彌明（Erica ），去年同無線解約，關係惡劣到幾乎要對簿公堂。沉寂半年的她決定再度出擊，唔止擅自同整容公司簽約做代言人，更計劃出散文集《反‧串》大爆無線內幕！
敢做敢言又敢認，袁彌明還公開打肉毒桿菌針去皺過程，甚至明寸死敵葉翠翠：「假波就唔好拎出嚟啦，我相信富豪都唔鍾意打假波！」
自己話事Ｏ五年參選港姐的袁彌明，賽後與無線簽下兩年賣身契，原本工作量已不多，去年十月，因在專欄暗寸高層陳志雲愛將崔建邦，旋即被無線暫停唯一主持工作《娛樂直播》。放入雪櫃，據理力爭的袁彌明主動向無線提出解約，還先後三次發出律師信，但並無回音。
解約糾紛拖足大半年，零底薪的她一直無工開，唔想手停口停，袁彌明把心一橫決定唔理無線擅自接Job ，與「Dr.Reborn 專業醫生整容中心」簽下一年代言人合約，大膽到公開打肉毒桿菌針去皺紋過程，完全當無線透明！
「佢哋咁耐以嚟無安排任何工作俾我，發律師信要求解約又無聲氣，佢哋無做好經理人本分，我都唔理得咁多，唯有自己接嘢做。」袁彌明理直氣壯說。
袁彌明訓身拍廣告硬照，更特意找來日本人氣混血女星Leah Dizon 寫真作參考，令甫士更噴血！
（《Face 》圖片）
如假包換成為整容代言人，收六位數字酬勞的她，全力訓身宣傳，唔止公開打針過程，更以三點式泳衣上陣拍廣告。
擁有34D 激凸上圍的袁彌明，日前到大浪灣影相，參照人氣勁爆的日本混血女星Leah Dizon ，擺出多款殺死人甫士，睇到附近班麻甩仔個個金睛火眼。
換上多套泳衣及低胸衫影相，袁彌明話唔介意性感，只係睇唔過眼一班打假波女星。
有料唔怕晒袁彌明自問如假包換，性感當然唔係問題，但對於時下一班假波女星，袁彌明則嗤之以鼻，明寸近日被指胸部再度發育的死敵葉翠翠：「我對自己身材一向好滿意，真材實料騷吓無妨，如果係假波我就唔會拎出嚟喇！」
六月將會推出散文集《反‧串》，聲言會
書中大爆入行後所見所聞，包括參選港姐內幕，以及女星富豪飯局等秘聞，她繼續語帶雙關說：「我就無富豪約食飯喇，不過我相信富豪都唔鍾意打假波嘅。」睇嚟袁彌明好快又變身成為新聞女王。
曾經在報紙專欄暗寸崔建邦，即時被陳志雲放入雪櫃，不過袁彌明冇有怕，繼續出書爆料。（《蘋果日報》圖片）
袁彌明唔止sell 身材，上星期更聯同「107動力團體」成員到政府總部遊行，扮半裸抗議政府政策造成壟斷，擺明以才女身份sell 有腦。（《蘋果日報》圖片）
